有無小朋友？
有
自己去staycation 幾日咪得囉.
如果你咁做，純粹你想冷靜下再打算，咁都ok，諗清楚自己想要咩都好嘅。
但如果你咁做，係期望佢get到，然後會反醒及改過就好似天真咗少少，因為你咁做太隱瞞喇，佢可能覺得你有問題多過自己有問題，可能仲好開心free無皇管。
如果佢地仲只係瞹眛，依刻仲有轉機，不如快快講清楚，拖拖下佢地發展咗仲難攪。
9個讚
可以私下同你傾下計嗎？
1個讚
咁又真係有d 問題……
不過你偷睇佢msg
俾佢知又好似唔太好
好難開口
呢招勁
不過預左條女可能會報串俾樓主老公聽
之後會愈玩愈大
我會未發展前截停 
但我唔會發癲發惡咁叫佢，我只會好認真同佢講我知道發生緊咩事，叫佢自己諗吓後果
5個讚
其實我feel 到樓主好唔開心得黎唔算好嬲，主要係唔想佢發展落去，早少少講清楚其實係最好
我覺得樓主老公係太大壓力（錢，人夫同人父角色）然後做野識左個女仔幾吸引，當玩現實版RPG 咁想逃避現實減下壓，扮演個個「單身男」既自由角色，九成既出軌男都唔係想揀過個老婆，唔需要逼佢揀。
佢對外聲稱單身好易過界，早d 講仲好
要俾老公知道，佢揀左結婚生仔同你過一世，佢大壓力有問題係應該搵你分擔，唔係搵個外人逃避諗住自己把持得住。
同你過一世又要你bear 條刺一世，對佢對段關係又有咩好處？
佢要話你睇佢 msg 你都可以一開波就話你自己唔岩睇佢電話，佢無得繼續入你，個氣氛都可以帶返去應該討論既野（佢既錯）度，唔會係各自既defence 之中無結果咁嘈一場
8個讚
我係諗緊直接叫我老公比個msg我，我係佢面前同個女仔講我係佢太太
其實我老公fb都將之前marriage status untag左。
我仲諗緊講唔講msg呢樣，直接先用fb staus同佢將電話密碼改左講先。因為意思一樣，問佢係咩意思。變左無拆穿佢，但就無stop到佢。佢係咪唔會因為咁反省而唔同個女仔聯絡?
另外，想多謝你既留言，謝謝。
有，佢自己都同我講好大壓力，但又唔同我講，係佢自己講佢唔講我聽。佢每日出門都仲會錫我先，我希望咁，係佢真係想抖下氣，做錯左。
我前夫就係咁，扮單身.
同我去旅行，所有相佢都影到一個人去咁.
我想講好多女人都知亦唔介意對方有老婆, 如果佢會因為咁同你老公斬纜佢已算好人
5個讚
我有個女仔朋友都係咁 成個fb都冇佢老公相 近排離左婚
佢會覺得你落佢面，如果一齊做野既佢會好尷尬，可能遷怒於你
咁叫佢係我面前自己講，但我又唔可以等佢read, 一陣未read佢可以收回。
佢自己做錯野，無顧我感受，我仲要顧佢面子
其實佢唔止呃緊你，仲呃緊出面個位女士
男人ego 係好麻煩，貪念慾念虛榮自尊都同女人有關
唔會鍾意同老婆講佢想點或者佢唔掂，因為咁樣似弱者。
左右逢源係好多男人既幻想，因為動物黎講資源多（強者）先有資格多偶
我曾經都俾個非單身既男人呃得好金，沉澱過後大概明白男人係回咩事。
5個讚
係呀，我老公係有d大男人。
純粹係佢感覺尷尬就會遷怒於你會大機會過內疚而對你好。
唔係一回公平既事黎
大部份人類可以捉住個藉口推個錯俾人就會呃左自己，覺得自己無錯
人同人之間個場博奕就係，心中有求個個就於下風
其實個個和好既過程係可以預計既委屈，所以我理解你唔想太直接，又有d 拖延
好認同
可能大部分人會唔同意，但我覺得而家我會選擇放低對錯問題。太執著呢樣野多數都一拍兩散。叫男人跪even 認錯真係好難，藝人聲淚俱下跪地認錯只係做比外面其他人睇。
樓主知道自己想點之後，先再同老公溝通係最好。同老公提出問題嘅時候，講埋你想點（點同個女嘅斬欖，之後你哋兩個點修補關係），越冷靜越好。如果你等佢自動波，佢一係錯重點，冇去解決你覺得嘅問題，或者輕描淡寫冇一件事，到時你會更嘔血。
8個讚
呢樣嘢真係無期望無失望
1個讚