可以啊，呢個亦都係我教咗咁多年珠心算家長必問嘅題目之一。
奧數本身由數學衍生而來，校內數學是學生必須學習的基礎知識，而奧數知識是學校內容的延伸。
容許我用淺白啲嘅文字演繹，奧數即係教緊小朋友一啲比較深嘅數學概念，但問題又出現啦，坊間一般教奧數都只係會教佢解題嘅方法，已交嘅過程都離唔開係透過操練而令去記熟應該用嘅方法，當練習足夠後，佢一見到特定類型的題目，自然就識用相對應嘅方法去解題。
但係一般奧數嘅題目同現實生活中都唔會有太大嘅關係，所以學習完之後係咪能夠增強佢生活上應用數學技能一直都存在問號。
如果要我評價學奧數嘅效果，我認為倒不如花時間培養小朋友學習多一種語言更為實際。當然，呢個只係我個人嘅睇法，有唔少家長都認為如果小朋友學院澳數之後，會對數學嘅信心增強左，亦都認為佢思考上會靈活左，咁就視乎返你用咩角度去看待奧數。
1個讚
至於珠心算，正如我之前所講，學完之後的確係運算上高嘅速度係會大大提升。其實一啲神秘感都冇，只係透過練習，令佢好快咁將數字化為影像，已通過不停嘅影像轉換，從而得出運算嘅結果。
所以如果你係只係想訓練小朋友運算速度，坊間都有好多唔同嘅方法，大家亦都唔需要一定去學珠心算。
但係珠心算嘅價值就在於路影像嘅變換，因為腦影像嘅操作無可否認係不停訓練緊小朋友嘅腦袋，咁或多或少都對腦部嘅發展有幫助。
同埋我相信冇人會反對如果小朋友能夠掌握到一定嘅心算能力，對佢奠定數學嘅基礎係有幫助嘅。
總括而言，奧數同珠心算今本係訓練緊兩個唔同範疇嘅嘢嚟㗎。珠心算係建立去運算嘅基礎，以奧數就似係幫佢開拓對數學認知範圍嘅眼界。咁究竟邊個好啲，都好視乎小朋友嘅興趣。
其實呢樣好視乎返家長想比小朋友學珠心算嘅目的係乜嘢，正如我之前所講，能夠心算嘅速度，只係學珠心算嘅其中一種成果。如果家長只係想訓練小朋友速算，並唔需要一定學珠心算。
其實你可以睇返網上面好多文獻去講珠心算嘅好處，你可以留意大部份都唔會去講佢速算嘅優點，因為好多研究，尤其是關於老科學嘅研究，都會集中討論珠心算對腦部活動訓練嘅幫助，而我本人認為呢個先係學珠心算應該要學到嘅能力
我已經係大人但數感極差 (其實數感呢樣嘢都係近兩年先知存在), 尤其心算差 (去到中學有 calculator 反而好咗), 有咩方法等我日常計數快啲
奧數，係數學叻嘅人嘅玩具，攞嚟玩嘅 (教我仔數嘅朋友講)
我同意奧數同日常生活無關，甚至同長遠學習無關，所以我仔係無正式上過奧數班，但佢有睇奧數書，同其他數學方面嘅書
學奧數，我唯一覺得有用嘅係用緊轉校
請問點幫小朋友增加數，又點為知數感好呢，老師曾經系K2時讚他數感好，但到K3，計100內的數時開始退步，解決應用題能力也慢了。
几歲開始背乘數表呢？他剛上完一堂珠心算班，他都喜歡的。現在他K3
還有現在很多專補數學，如Mathconept , eyelevel, 公民數等，佢地都有自己教材，但有咩分別呢？
他輕鬆應付到小一上下的數學練習。
謝謝，數學教練
我係外國，小朋友就六歲，想問有無網上珠心算班可以報…thx
有網上課程，你打Data Sir 會搵到