係喎，你絕對擴闊咗我視野，難以想像
不過唔係爭吵嘅，互相攞出嚟傾下，我都反思緊啲方向。我鍾意討論，愈辯愈明
謝謝你
2個讚
睇完大家討論，真係希望走到既朋友唔好忘記BNO，救生艇係用咩野換返嚟
當然入面好多係free rider, 見到身邊有人呢頭幫小朋友打4兄，轉頭又移民（MIC人體實驗好過癮？），又有朋友話自己走前執左奇X月餅過去（滴晒汗），仲有無數囇自己住大屋去超市掃平貨，真心覺得無聊又嬲。尋日約咗幾個朋友傾計，大家講開識得一個小朋友就嚟要返學，大家傾到喊。我自己身邊仲有一個小朋友都快要返學，同女朋友都plan唔都啲乜，美好時光就咁浪費，其實最應該走既係佢哋……但我知道歷史會還佢吔一個公道。而個啲free rider, 我相信大把人個心會鄙視你，記得你哋有幾cheap
2個讚
我都想講下黃店，係呢排遇到經歷：
試過幫襯間黃店日本代購，追左三次貨都未發貨
試過幫襯間黃既雜貨店，訂咗先見到店主話私人事務繁忙，要好遲先出到貨
樓下有間黃凍肉雜貨，見到佢賣藍既燒賣。。。
只能講，黃店都有好多種，我而家基本上美x系不入，藍不入，小朋友想食M記就盡量去mos burger ，真係好想食先俾佢食，真係幫到手既黃店一定去支持，上面個幾間就少幫襯
同少搭黨鐵，少用八達通（真係多左俾cash）
我知可能得好少好少人堅持，但係堅持先有希望
9個讚
唔係可以同有關部門舉報班藍屍小粉紅?
理論上佢哋附合申請bno visa的資格
實際上，我等緊英國的叛國罪更新版，本來之前BJ搞緊既，後來唔知搞成點
更新左有機會搞到班藍既，包括好多年前用居英權計劃拎到的國藉，（唔好忘記有兩件白衣人喺曼城）
生活嘢我又覺得其中之一樣，尚可
1個讚
就算光譜幾闊都好
盡量遠離藍既野係底線
當仲有選擇嘅時候你仲主動接觸藍, 我唔覺得你係黃囉
6個讚
都明係做移民生意，
但係黃圈fb group度出post，
又冇被移除就有少少誤導。
有時忙起上嚟冇fc，
跟住group/係香港嘅和你pay就去馬。
Anyways，如其他會員所言，光譜太闊，只能盡做。
呢個真
1個讚
講返個移民淘寶網，我望2望都覺得佢幫我sort out 淘寶正item, 唔使自己搵仲幫我ship 埋, cater 到我人在異鄉既需要，要做既只係+1同比錢。
對於人在異地意志薄弱，甚至根本無咩意志既人來講，真係好spoon feed，亦唔再用腦去過濾同執著什麼什麼，岩我用就得。
唉。離開左香港仲要唔要堅持，可能唔同人有唔同答案。
尾三同尾二果段俾個like 你
真心不易 
的確黃店都唔係間間OK
有d 係令人有時唔想再幫襯
我都試過某黃店買海味
同佢whatsapp 落單後佢叫我俾錢
俾完通知佢
就一直無feedback 喇
係幾日都無回應之後先出貨
都幾唔憂做
我諗到邊間了、都識人買、仲要係好早就走果批、佢哋就話果陣唔識帶埋黎、只好而家幫襯…
我睇返香港嘅朋友 係好少人堅持
自從有mirror嗰哦娛樂嘢之後 已經冇人記得黃圈 食m記就係其中一個缺口（冇記錯嘅話係mirror嗰哦代言定點）
事實上 呢啲嘢要一齊做先有效
要有文宣先會一齊做
而香港唔會再有
喺外國根本冇必要堅持唔食美心 因為效果太細 影響唔到佢哋
我自己喺外國都有買美心月餅
因為得三個選擇：中國月餅 本地中國師奶嘅不知名又唔知乾唔乾淨嘅月餅 同美心
定移咗民唔俾食月餅？
我揀唔食
7個讚
你點揀都唔好期望可以有好似最初嘅效果
黃圈係唔易做 冇文宣成日提住係一定冇效果
我記得當年馬尼拉人質事件之後
有啲朋友好憎菲律賓
過多幾年就去菲律賓旅行
Reality就係咁 香港人好善忘
呢個係大家都應該接受嘅事實
菲律賓件事我記得係8月23日，之前未去過，未來都唔會去，有好多地方可以揀，又平又近既可以揀沖繩，遠既有澳洲
2個讚
咁就更加證明你一個記得冇用
你去一個地方旅行去得幾多次
旅行團咪又照開
加埋其他原因 譬如識咗嗰邊嘅朋友 睇咗唔知咩媒體講
又會再想去
我自己對中國都係咁
90年代 個個都唔鍾意中國㗎啦 個個都唔鍾意大陸人㗎啦
電視講返大陸 下一句唔係叫雞就包二奶
但之後識咗移民朋友 咁佢哋都幾好 又冇咁討厭中國
再後來識咗啲中國人同事 佢哋話新疆集中營係好正常 因為嗰啲係恐怖分子 我心都寒埋
反反覆覆咁變過好多次
其實好正常 冇人成日提住就唔記得
我接受到大部分香港人已經唔再堅持
亦都覺得冇必要
當年杯美心係想大集團表態支持逼政府改
今日只係個情意結
其實英國都有黃店月餅賣(Valerie)，要食月餅唔一定揀美心，再唔係買個模自己整都仲得
離開左大中華區，麥記唔再係中資擁有，Starbucks 亦都唔再係美心旗下
至於搭國泰嘅話，買就唔會，用舊里數換，我覺得未嘗不可，我黎英國張機票係完全用asiamiles換，只係俾稅，可以換英航里數嘅積分已經盡換英航里數，換唔到英航先去換asiamiles
3個讚
我唔喺英國
亦都唔覺得買嘢食過節要諗咁多
上面都提及兩個原因
一係香港 大中華地區先係佢嘅主要業務 你喺外國買嗰少少根本冇影響力
二係當年係有目的㗎 本地大集團肯表態 香港可能真係會有普選
而家已經輸咗 大部分香港人亦都唔care
食麥當勞嗰啲係喺香港嘅香港人嚟㗎
我係mirror時代之前走 對我嚟講個分別係好顯著
至於飛機 我唔知你點解會提呢樣
我從來冇買過國泰
我諗好多好似我咁窮嘅人都一樣 都係睇價錢
冇話對牌子忠誠
其實上得嚟呢度已經好黃
呢度人數都唔多
我已經見唔到有香港朋友仲堅持梗
我剩係第一段先係回應你，以為你講英國搵唔到黃店月餅，其他內容係回應上面嘅其他留言