帶住兩個細路、生存外都仲要諗埋其他、畢竟香港又唔係差到果個地步、呢個年紀、唔好話學術、入左間差中學學壞都煩
同意，儲夠20萬，再借20萬就差不多。如果喺香港有公屋都儲唔到錢，真係唔洗諗英國。
不過如果打算入大學，入大學5年前要去到英國。咁仲有一兩年時間儲錢。
拎住廿幾萬 你話一個人黎 或者 兩公婆黎 我都可以好勇氣支持你地。
有兩個小朋友就唔好咁自私啦 佢地要讀書搵學校又要照顧佢地起居飲食讀書。計劃趕不上變化，有錢唔係唔得，沒錢就萬萬不能。
當你陷入最壞既境況點算，返香港公屋可能又沒埋。
如果咁容易就可以移民，香港移民潮真係過百萬
返去比你屋企人睇吓啲回覆，諗清諗楚。
10個讚
呢句可能做開中產會啱用，但係跟車一家4口點儲…
1。老公去探路打工儲錢，老婆留港做part time 湊2中學生
2。老婆湊2個中學生去英國，老公留港跟車…
似乎方案1比較可行
3個讚
我都明白， 但現在黎緊英國通帳都勁，可能要搵d包食宿先攪得掂
老公唔識英文，去英國探路打工儲錢仲要好多洗費（租屋，水電煤），難過喺香港儲錢喎。
如果老公去咗英國，老婆喺香港做到parttime，不如老公留香港，老婆做parttime儲錢啦。
你話中產先儲到錢，但有公屋喎，已經易儲錢過喺英國租樓。如果喺香港都儲唔到錢，去到英國就肯定入不敷支。
日日食公仔麵，完全唔出街搭車玩，唔買任何消費品，唔交際，夏天唔開冷氣，老婆返埋part time咁樣儲啦。去到英國都係要咁做先生活到，當提早練習，睇下自己頂唔頂到。俾屋企人提早感受下，捱唔到叫佢地打消移民念頭
9個讚
住公屋，老公有正職、老婆家庭主婦，如果係香港都無儲蓄，一係負擔大一係理財有問題，過到去淨係住都要洗多幾倍，而且樓主個心又唔係想走，去到點挨？
9個讚
如果樓主成功都幾勵志。
其實香港已經係相當易草錢，仲要住埋公屋慳左住屋開支，咁都仲草唔到錢去到英國應該生存唔到
網上太多人講到英國成個天堂咁，咩細路讀書冇壓力work life balance，大前提係你本身起碼中產，住靚區有好學校俾仔女讀，有能力搵份唔止係最低工資嘅工，否則窮人來到可能只係從一個地獄去另一個叫做好少少嘅地獄，月月清冇錢草到老左仲大劑，仲有英國18%通脹，超市個個星期加價10幾20個%，我返緊工都覺得好惡頂
8個讚
想問兩個小朋友今年9月六年級定係已經升中一？ 如果係後者第時升大學學費會貴好多，我身邊好多朋友都趕喺小朋友5年級就過嚟（即係英國嘅year 6, 不過要睇埋小朋友出身月份）
回正題，你哋自己本身有無積蓄？揸住20萬，我當扣除哂所以申請費用，醫保，TB test fee x 4, 機票x4，你會唔會喺香港寄家檔過嚟（嗰度又一筆，有平有貴，用低消費都過萬），租屋大部分都要prepay 半年或一年，如果你老公本身揸車搵食，嚟到係咪需要買返部車方便出入？（或者工作？），呢度水電煤都唔平，我一家三口而家交緊total £266一個月（夏天已經唔係經常用電，冬天要開暖氣應該會好金，同埋嚟緊10月電費又話會加價）
除非你兩個大人都落地就已經搵到工，你揸廿萬過嚟真係好高風險，你同老公真係要認真諗下
3個讚
呢位樓主揸住幾十個大家都叫佢計好數先，你可以入去睇下
2個讚
住5年就可以本地價讀大學，所以樓主仲趕得切。不過大學太遙遠了，先搞掂其他問題
你朋友趕 year 6過嚟，應該係想參加中學派位姐
1個讚
一個養三個其實都唔易
月月清好正常⋯
1個讚
呢句我唔同意，除咗避洗腦，更重要係喺亂世中想為子女爭取一本外國護照，當某政府喜歡對付年輕人，子女有乜事攞本外國護照走係好重要
但back to 樓主個情況，一家四口咁去就唔係太穩陣
11個讚
因為以佢個case, 我認為係選擇要點樣嘅生活之前, 先考慮好要點樣生存。
8個讚
啱呀，大家一齊諗
2個讚
我有追開你嘅post 想請教吓你覺得一家4口(2個幼兒)帶100萬夠唔夠(未扣visa及national insurance)?
有無邊區介紹?(雖然我知你都係初到貴境)
1個讚
客氣客氣，我自己都摸索緊
如果有決心捱同即刻捱，一百萬我覺得足夠
英國北部會比較好
1個讚
10月加電費我都好勁， 因為我做吾到fixed term
所以就算返緊工， 都要諗下點樣慳同儲錢
1個讚
水電煤我已經唔敢諗，其實根本冇得諗，喺香港同而家已經習慣慳，唔會浪費資源，冇用嘅電掣絕對唔開，但基本嘢點都要，例如熱水爐，燈，煮食爐，洗衣機都要
都唔知點算