係，但用乜都好，冇理由office 入面用語音，你幾細聲都冇etiquette
自己諗辦法學一種用
冇機會學同用唔係借口
1個讚
細個同依家唔少父母一樣 “禁電子產品”，錯失練習機會。小學大家都要九方考試所以平起平坐，中學同學考打字打得好快，如果唔係以前小學教，就係話 跑 online 嗰啲打機平台學識。
不過我有另一個問題就係學唔識筆劃，唔知邊到頭邊度尾，速成同倉頡會再難好多。搞到自己好似鬼佬抄漢字咁，有時候如果係 claim 錢要寫中文字都唔好意思係人地面前寫字。“讀 XYZ 畢業喎！扮曬嘢扮鬼佬寫唔好” 
正常筆劃：
我係咁樣寫字（順序：紅橙黃綠藍紫）
第一筆同最後一筆都係錯 
1個讚
或者好似打電報咁fade out 卦
可能下一轉就係唔識用枱頭電話
電報係真係冇人用所以fade out冇問題，但個個打字有人竟然用語音，喺office environment 係極冇禮貌同肉酸，唔應該合理化
1個讚
都係，我依家見D後打電話用筆劃打，就打得好快~
跟住都有一堆係用語音／錄音~
係囉，師奶阿叔倉頡速成打訓著
其實係…比我知道一定叫佢唔好咁
想當年icq msn練倉頡x2，但只限電腦先打到，用電話打唔到，應該係對手已經記左keyboard嘅位，宜家用電話係用筆畫
平時成日聽到同事用語音，
eg 陳生 逗號 早晨 逗號 約你兩點好嗎 問號
連標點符號都讀埋出黎，真心難頂，慌死全世界唔知佢用緊語音咁
我認為非也, 打中文字起碼要對中文字有一定嘅認識, 盡管中文輸入法有好多種, 但能準確打到啱嘅字, 就只有倉頡, 速成或拼音或其它輸入法都要從幾個字裡揀, 往往就會揀錯, 就算依家嘅新聞, 都可以看到錯別字多到嚇死人, 唔喺話啲人唔識打字, 而喺啲人的中文水平日漸愈下, 真係替依家嘅後生感到少少悲哀.
咪就係囉，嘈到人丫嘛，基本禮貌好難明㗎咩？
你講呢啲中文水準差，同識打倉頡或者識打速成、筆劃係冇關係。
如果佢中文差到連詞語都用錯嘅，或者寫錯別字，佢用倉頡打，都會係打咗別字。
倉頡快在唔洗揀字，又易學，幾日學得識
我初初係學廣東話拼音，跟住英文好咗
係….佢哋成日問我d字點寫，有時公司電腦冇語音，見佢哋打字真係好想幫佢打就算
不過總要俾機會佢哋學嘅，只好心裡焦急啦
1個讚
我都係，以前學校都冇教，要自學
我爸而家七老八十，為咗聽粵曲，近幾年都學識咗
2個讚
Office 好多同事講電話，group discussion，只要唔大聲，算唔上騷擾
me too 
1個讚
我見好多同事都唔識打字, 要裝筆劃 / 手寫果D
心諗點解會唔識… 但又真係愈黎愈多人唔識
莫講話年輕一代，我嗰代（80後）明明讀書時要學倉頡，有時同朋友傾傾吓見佢哋好多錯別字先發現好多人都貪方便用語音，有啲懶得打字直接錄音，輸入法唔知係咪會慢慢被淘汰呢
我80頭要上到大學先有教倉頡。
但因為用icq train 開，所以到學果時冇難度
個人覺得用手寫好唔型, 用拼音、速成、倉頡, 甚麼都好, 一定要學打.
2個讚