係呀， 校方取態都好重要。幼稚園活動很重要，唔似中小學咁， Zoom 都學到學術上知識。但幼兒唔同，特別k1 未教寫字時，專注力低， 就好依賴參加團體活動， 建立社交溝通、自理能力、認知發展， 再大d ， 中小學d 活動就唔關家長事。有親子旅行真係開心好多，有d 學校可能連幼稚園經典活動生日會都無。到k3 ， 十年後睇返d 畢業相， 個個帶口罩都唔知認到邊個。
唔好話依家，兩年前K3畢業典禮我都冇得現場參加。當時又有好多家長狂鬧學校唔比家長現場出席，又要求小朋友上台影相要除口罩（誇張到用秒計，話不如每個人除幾秒影相），又要求行禮後老師要出嚟同佢哋影相，真係「畢業」大晒，比過幾千蚊學費當自己係大爺。
其實學校都好難做。
如果校方頂唔順壓力，我當畢業典禮每個學生除口罩5秒影相，然後擺上fb ig，有條花生友見到你個仔/女晌畢業典禮除口罩影相，條花生友Post上網。
然後校長可以好大件事。
1個讚
小朋友係學校除口罩影相，小心感染肺炎。
校長話唔可以比班細路冒咁大風險，講到喊咁口，暗示班激進家長為求影相不顧自己小朋友同人哋安全… 耐何非理性自覺「消費者大晒」嘅家長繼續鬧。好彩最後校長都頂住壓力冇同意除口罩。