40幾蚊一個飯盒分兩餐食，
有時侯買啲烏冬，上海麵加啲舊餸食。
買衫就通常一買可以著到幾年。
除非爛左唔會買新衫。
一對波鞋都可以著到4-5年。
1個讚
接受二手嘢係慳好多
改衫。以前買落啲有牌子嘅牛仔褲舊咗款，改成短褲，20蚊雞，又有排著
係，仲有支持各個良心channel既年費……數下數下又有條數
1個讚
現代人怕營養過盛多過營養唔夠
我細食，都會一個飯分兩餐食
其實買早餐變午餐食真係可以慳好多㗎，本身冇食早餐嘅習慣， （行緊168 ），lunch 出街食一餐而家都要$5x ，同$3x比，真係爭好遠。
2個讚
全部講慳食慳車費
好想慳，但小朋友返學後要學野根本無得慳…
我都係慳食，慳車費，慳自己嘅衫褲鞋襪。
必需品，會等特價先買野，例如屋企廁紙，洗衣液，洗潔精等等，遇到特價，我就會掃定幾個月份量。
所謂營養過盛可能只係得脂肪，
日日食即食麵或清水麥皮
想問下有咩營養？？
2個讚
我有個習慣，係會制定未來1年嘅每月嘅預算開支（即2021年12月會制定2022年全年），每月尾都會再計數，睇下同預算相差幾多，再睇下有邊d位置再慳d。
另外，我習慣左唔用八達通比錢買野，八達通只用嚟搭車，因為每月計左搭車要幾錢，就入幾多八達通。而我銀包長期冇乜錢，好少會多過100蚊，你銀包冇錢，購物意欲會減少。（而家呢刻，我銀包係得幾蚊
）
雖然我有提款卡，但我唔會eps比錢，咁先可以控制唔會洗過龍。
我都有信用卡，但每月有規限自己只可以用碌幾多，會每日mark數，唔可以比自己超過呢個數。
所以暫時我個預算表都好準確。
好似好辛苦咁，但其實唔會，因為有目標，見到自己個儲蓄越嚟越多，距離目標越嚟越近，果種滿足係買任何野所比唔上
8個讚
你一整日唔會淨食一餐清水麥皮掛?
利申: 中學食清水麥皮到而家
1個讚
其實一日慳100幾十，不如諗吓開源好過，
源頭不是食事費高昂
我意思係想提醒唔好因為慳錢而忘記
食野都要顧營養。
1個讚
出街食飯係最貴，喺屋企煮超平
你似係行簡單生活+環保嗰種
著重體驗,經歷多過物質生活
我都向緊呢個方向 
可惜無飯家庭+無針, 焗住外賣, 不過會努力走餐具 
我早餐食粟米片穀物片為主, 公司免費供應奶, 計起平過食麵包
比較少買衫, 要買都係平價GU葵廣旺中, 慶幸自己對唔太物質主義
不過都層主一樣, 如果有朋友叫去staycation or其他體驗都會去 
我都有每日mark數, 會留意到d錢洗咗去邊, 同望住d野加價
銀行數字有慢慢上升, 但又唔夠買樓, 唔知可以點 
1個讚
慳得嚟都要注意營養啊
1個讚
呢兩年機少左旅行、我同老公又唔太鍾意STAYCATION（跟朋友一齊玩過兩三次）、又少左出街食飯、少去café 理慳左唔少。
但網購多、又比多左錢訂patreon, 時間多左睇書、用嚟買電子書嘅錢又多咗….小朋友開始大、學興趣班嘅支出又多左
不過由疫情開始我就冇返工湊小朋友、少左份收入、 其實都係倒水咁…
2個讚