亡國鍾意姜濤係唔可以係公海講，佢地好慘架，只可以收收埋埋放係洞穴到，我地呢度可以大大方方日日係公海講。
2個讚
正常人都鍾意靚仔，佢哋又冇表示過政治立場，都唔知反乜春
1個讚
今日係第二十一日。
唔係喎，佢仲係度。
（對香港感到絕望）係佢出。
1個讚
Day 24。
好掛住佢地，最近開始從第一集睇返造星，其實之前淨係睇過fans cut 片段，睇完後應該係佢地差唔多出返黎既日子。
3個讚
我都係上Y2睇佢哋影片，
佢開完post唔覆架 唔知開黎為咩
煲醋， 撩起人講嘢自己又唔再講
仲可以睇埋初出道時嘅mirror頻道，有26集㗎
3個讚
甘之前只係暫時停權，版主又放翻佢出來。
之前巳經睇哂
睇怕要重溫
可能罰停賽幾日。
1個讚
呢排睇阿媽，幾好睇，好鐘意jer 做既子軒，準備睇多2次
MIRROR紅館演唱會嚴重事故
調查小組：出事鋼絲質量可受重力比一般少20%
但需承受比估計「多好多」重力
拒評是否人為失誤
#MIRROR紅館演唱會 第四場（7月28日）發生嚴重意外，巨型LED屏幕墜下，兩位舞者受傷，其中 #阿Mo （ #李啟言 ）情況仍然危殆。連日來警方及專家在紅館搜證進行調查，並聯絡相關人士到警署落口供，調查香港體育館嚴重事故工作小組今日（24日）下午舉行會議，會後工作小組主席、康文署助理署長李子俊，聯同工程師學會代表司徒家成和專家顧問林超雄舉行記者會，講解今次調查發現鋼索金屬疲勞的原因。
林超雄指，調查初步發現幾點：
1.鋼絲本身質量可以承受的重力，比一般市面買到同樣結構的鋼絲繩少咗20%。
2.Winch（即絞盤，行內稱「Win子」） 的護繩器不斷壓傷及磨損鋼絲繩，令其很短時間出現「 #塑性變形 」（Plastic deformatio）。
3.鋼索所承受的力，比正常估計所需受的力大很多，加速鋼絲極短時間出現金屬疲勞。
4.肇事LED屏幕主要靠兩條鋼索、經過一個吊環螺絲（eyebolt）鎖緊，調查發現其中一條鋼索斷裂，斷了之後向下跌，另一條鋼索則沒斷，但吊環螺絲斷裂，令LED屏幕跌下。專家指，斷裂螺絲出現「剪切式斷裂」，意味有一個剪切的力施加於螺絲上，原因仍有待調查。
記者會上仍未解疑團：
1.不清楚出事wire是否已重用多次及來源
至於使用重用多次的wire是否不符合規定，林超雄指：「點樣叫這個規定，即係話，喺乜嘢情況之下、規定用啲乜嘢嘢。其實我到而家都唔可以好確切咁講到俾你聽，因為呢個都要搵番真係裝嗰個人，先至可以講返俾你聽佢嗰個來源喺邊度。」
2.鋼索出現金屬疲勞是否難以檢測？
林超雄表示，鋼絲金屬疲勞其實不易找到，「要花好多精神時間，某啲嘅情況我哋可能會係做好仔細嘅測試，咁可能會睇到。」他舉例昂平360會定期進行檢查，「有部機可以check佢有冇金屬疲勞」；反而坊間吊重工程卻「難以檢測」，「我哋就未必可以好簡單咁樣測試到佢有冇金屬疲勞。」
3.負責今次舞台搭建工程、簽RSE report呈交康文署的註冊結構工程師是否需負刑責？
李子俊以「其他部門仲調查緊」為由，拒絕披露更多資料。司徒家成則指：「呢個真係要進一步睇佢係咪真係佢失職，如果失職的話，當然有工程師註冊管理局會對佢做一個紀律處分。」續指：「未經證實我哋就畀個批斷落去，就唔係工程師嘅睇法，我哋要睇證據。」
4.是否屬人為失誤？
林超雄反問：「咁就其實你話人為失誤，點樣定義『人為失誤』呢？我哋喺任何一個系統上，可能都會有啲嘢出咗問題，咁嗰個問題究竟喺成個事件發生嘅過程中，係點樣導致問題發生呢？我相信呢個……好難好簡單咁去用『人為失誤』判斷。」
【鋼絲受力質量比一般少20%】
記者會上，工作小組主席、康文署助理署長李子俊先交代今次是調查小組第四次會議，又指經調查及化驗後，證實涉事LED屏幕主要靠兩條鋼索、經過一個吊環螺絲鎖緊，其中一條鋼索斷裂下跌，另一條鋼索完好，但吊環螺絲斷裂，最終致屏幕跌下。李指經實驗室進行電子顯微鏡化驗後，證實斷裂原因為金屬疲勞。專家顧問林超雄指，電子顯微鏡下斷裂鋼絲現金屬疲勞條紋，但屬於「低周金屬疲勞」，屬短期內出現之現象。他指「高周金屬疲勞」至少經過數萬次、甚至幾百萬次拉鬆過程才出現，今次涉事的鋼絲屬5mm(6x19)，即6股繩，每股繩由19支鋼絲組成。經拉力測試後，證實涉事鋼絲與市面同款鋼絲所承受的力少了20%。「金屬疲勞出現嘅周期同你試咗幾多力喺呢條鋼絲上有關。你施加嘅力越多，佢疲勞嘅周期就會越短。」
1個讚
【護繩器不斷壓損鋼絲 加大承受力度】
林超雄續指，涉事鋼絲上未受力的段落亦發現有受傷的情況，原因暫未了解，但有關損害會加速出現金屬疲勞的機會。至於組裝及吊起LED屏幕結構上，主要靠Winch（絞盤，即Win子），上面有一個鼓，纏上鋼絲；Win子上有坑紋，防止鋼絲「跳」出來，行內稱「護繩器」（rope guard）。常見護繩器多數能轉動，免鋼絲受拖壓損害。惟今次紅館演唱會出事Win子不能轉動，鋼絲每次經過護繩器時受壓，縮小鋼絲直徑，而且不斷磨損鋼絲。「本身個纜拉住移動，係好自由嘅，但因為我（護繩器）而家壓住佢，條纜要郁，就要抵抗佢壓住嗰個力，即係話鋼纜受嘅力大咗。」
林超雄形容，護繩器對本身狀態已欠佳的鋼絲造成更大損害，續指：「我哋睇到佢係有被壓傷過，有被磨損過，同埋入面啲絲出現塑性變形，傷咗鋼絲本身抗金屬疲勞嘅能力。」另整組吊掛系統中，兩條鋼絲繩，左邊那條直接落Win子，右邊一條需經過滑輪組再回頭，「當你條鋼絲繩行過呢個滑輪組嘅時候，佢係受緊一個屈曲嘅狀態。鋼絲繩本身已經壓傷咗，再承受咁樣嘅屈曲，就好似『拗』緊一個萬字夾咁，令佢喺好短時間出現低周疲勞。」
【LED屏幕實際重量比文件顯示為大】
林超雄續謂，主辦機構提供之吊掛LED屏幕重量，比調查小組現場量度的重量相差很大、「爭咗一個大嘅百份比」。林未有詳解「加重」了幾多，亦未提到究竟是哪方加大有關設計負重、以及主辦機構是否知情，他指：「鋼絲繩吊緊呢個屏幕，比佢預計吊嗰個力大咗好多。金屬疲勞出現嘅周期同鋼索受幾多力有關；當受嘅力更加犀利，幾個問題夾埋，就令到條鋼絲繩好短期出現咗金屬疲勞。」
李子俊指，有關調查未完成，仍需進一步做化驗。記者問及是否負責監工及簽紙之註冊工程師在檢測驗收過程中做得不足，李指仍調查中：「而家講邊個要負責任唔係好公平，唔同政府部門亦都做緊調查，我唔想影響其他嘅部門嘅調查，亦唔方便講太多資料。」謂希望下個月完成所有調查，亦拒回應涉事鋼索是否及格。
1個讚
2個讚
獨家︳5毫米粗鋼索吊600公斤屏幕 超重兩倍未用已受損 東莞商供應鋼索機組件 報告批設計差
https://hkcitycreation.com/2022/08/25/獨家︳東莞製件5毫米粗鋼索 吊600公斤屏幕超重兩/
果然大陸設計、提供物料同制造
2個讚
事實上, 咩產品, 咩製作, 只要一講係MIC, 全世界人(包括藍呀, 紅呀) 都係得"劣質 / 唔可信" 等字眼…
講番個報告, 查咗成個月就係得呢D… 咁即係咩單位要負責… 定係傷者自己負責呀? 因為佢出現係個台到… 
藝能用埋D甘既公司，自己無研究清楚供應商物料質量，藝能係一個大問題，到底疏忽定蓄意要徹查。
另一樣：“主辦機構提供的重量和實際現場量度的「爭了好多」，實際屏幕的重量，比大會提供的資料，「差咗一個好大的百分比」，即是鋼索需要吊的屏幕，比預期的力大很多。”
Viutv 唔知中間有無提供錯誤資料比工程公司，如果有，責任一樣甘嚴重。
喂喂，冷靜啲，搞清楚先嬲
依家係技術性調查，唔係刑事調查
我發現好多人都搞唔清技術性調查同刑事調查，係唔係就diu (唔係話你）
同要查得仔細，確實需要時間。
其實暫時查得都算係咁，呢到只係部分既調查結果
3個讚