同意你咁講, 皮皮真人真係幾靚仔, 人又溫柔, 理應可以更上一層…但礙於性格, 佢真係輸咗俾自己…
無架啦，我呢類唔帶任何粉絲濾鏡既comment 佢真係唔知接收到幾多。
出事後，出面d post 差不多百份百都blame 機關，佢自己就話自己太投入。但我睇到既係一個比紅館個勢食住既人唔知行去邊好咁左右踱步，唉，唔講啦真係。
係既，如果真係要blame, ear mon 無人提可能係有問題。但其實呢，以一個連自己都唔知下一句要講咩既人來講，再係耳邊提佢可能仲難睇
，佢有機會將ear mon 個句提醒直接講出黎，就連煽情都做唔到。
不過，擦傷算命大啦，請佢要小心。最好笑係出事後2支超大光燈直射皮皮搞到佢好似偷野比人發現咁，呢個位好笑lor.
我睇左好多次條片, 皮皮係好彩, 佢跌落窿下面有工
作人員係度接一接即刻推番佢上台, 唔係撻生魚咁
撻落去.
不食人間煙火
舞台工程好搵唔搵，攞嚟
我尋晚都係現場 ，佢係我眼前跌落去。
我！絕！對！唔！認！同！你！既！意！見！
乜野玩電話既時間，請尊重每一個表演者！
5個讚
係鏡仔黎，有人話係AK 或AL. 佢地等緊升上黎出場
1個讚
我未見過人黑心到咁！
每個人總有長處短處，有人行得快d，有人行得慢d，進度永遠只可以同自己比較。人人性格唔同，佢都認性格好內向，佢可以勇敢係咁多人面前solo講野，唔係唱歌啊！已經好大突破。
如果佢唔把握呢個機會，佢大可以要求將呢個環節改成其他跳唱或同其他鏡仔表演，又或者同幾個鏡仔一齊solo talk囉！
演唱會前一晚已有dancer出過事，第一晚演出大家都見個舞台設計好有問題，唔安全。佢成日望地下，有可能係要望清楚d位置唔好差錯腳
佢地每人背後肯定付出左努力，有d地方唔係本身既天份，需要100倍trial and error，有天份既做2次可能已經做到。
2個讚
你又知佢無其他鏡仔咁忙？
冷靜d
我坐得高，真係見到前面好多人拎電話出黎咁，只係講返事實
而佢成個環節的確有比我前面所講既感覺，好honest.
1個讚
有人話個台好反光，其實原本就唔太反光，但佢一跌完落去立即2支大光燈直射落佢到，個時佢真係成個人都好燦眼，連我都睇佢唔到
原本呢個位想賣感動同正面，最後變成咁真係估唔到，好大反差
佢自己講有段時間望天打掛，咁，佢做緊咩？
如果話佢等緊一個機會，咁其實mirror concert 上佢有好多機會，佢有solo, 有同其他鏡仔cross over, 有一節talk show, 咁問心佢有無把握好機會？佢自評自己第一場solo 唔合格, 係佢自謙定係事實，自己知啦。
無錯，呢個係我想講既另一個point, 就係mirror concert其實好殘酷，將12個人放係同一個concert度，好自然就睇到分別同比較。有d鏡仔好努力終於被看見，觀眾仲會嫌唔夠，有d鏡仔(看似)不費吹灰之力就可以唱好首歌，有d鏡仔保持水準交到貨，有d鏡仔作多方嘗試覺得幾好睇。所以你唔突出，比個舞台食住/駕馭唔到舞台，就睇你唔到架啦。
好老實，入場睇show 當然希望精彩ga la, 咁辛苦買飛預你表演exceed expectation ga ma。個個兄弟都瘋狂進步，你係度踱步都弊啦。
2個讚
佢分享係之前隱形左無野做，唔係而家麻。
佢明知講野係弱項，但都肯單飛上台solo talk，做d唔係自己叻同有信心既野，呢樣已經要欣賞同比支持佢。做d平時自己無做開既野，唔習慣，要練習，當然要時間既，唔通一個唔講野既人，忽然會變開籠雀做棟篤笑，仲要全場拍爛手掌
2個讚
我諗因為佢唔係鏡粉，睇嘢角度同我哋唔同。
皮皮一路有綜藝、廣告、劇集，只係無其他11個咁多。
對比造星時期，佢唱歌已經好好多，當然喺有d 人心目中未合格，但睇得出佢都下咗一番苦工。
並唔係佢真係望天打掛乜都唔做。
不過娛樂圈係殘酷，好多人都努力，唔代表個個都成功。
3個讚
希望佢唔好行洪卓立條舊路啦…
洪仲要早皮皮好多出名,2個而家年齡好似差唔多
我係皮皮粉絲， 全民造星時已睇住佢， 一早知佢性格係咁， 內向， 無其他人轉數咁快， 但睇到佢係有進步。 我覺得佢同我有一樣野好似， 就係好努力溫晒書， 入到試場打開張試卷都會緊張到個腦一片空白咁。 我亦學跳舞， 死練爛練一到要錄低就吾記得d走位， 其他人都有見到我之前係ok既， 學唱歌本身個首歌係唱k唱過一百次， 到要唱俾阿Sir聽就突然唱到中段就吾記得歌詞。 我明白佢既痛苦。 命運選左佢入mirror, 現在吾係佢想退就退， 一隊入邊總有d較弱既人， 只希望佢搵到自己方向。
5個讚
其實個重點係，皮皮唔應該（或唔適合）做楝篤笑。
呢種賣慘自嘲，舊年王勁係演唱會巳經做左第一次，好評如潮，今年仲比佢彈左出黎。
第二次Tiger 上個月演講做左，結果拎哂娛樂新聞頭條，估唔到仲有第三次。
同一條橋用兩次巳經好盡，身為鏡粉，我想講：「講夠喇！」。
但話分兩頭，現場睇皮皮係緊張、係做得唔夠好，但無人地講到咁唔得。
1個讚
好在佢係入左男團，如果單飛發展，更加少演出機會
1個讚
無錯，我直頭覺得佢比人懲罰緊咁。under 花姐係咪就要咁？
即係咁講，你第一場深情剖白，明既，係make 到noise 大家都想支持你既。但，下，12場都講同一堆說話，meanwhile 第1場已經劇透晒個個都知，咁，點呀，好老尷又要講，要硬著頭皮講，越緊張越想煽情就越做唔好ga la. 一係你當每場都第1場lor, 你做唔做到先？
我無跟咁足，唔知其他鏡仔有相似經歷，亦唔想拎佢去同前人比較啦(虎仔好似只講1次？)廢鬼事。但佢咁樣比人捉上台克服自己呢，一係再練好d, 一係改其他表演。其實開12場，我不知幾想1人1場擔任呢個talk show主角，其他人太少出聲，甚至無講過野。
2個讚