呢個價算好平喇
但我覺得佢真係冇乜職業道德
我入到去，由我入去到離開診所，有分別兩pair 嘅媽媽喺reception sofa 喊
一入到去未睇，佢已經係咁嚇我，又話冇咗個腦冇咗個手指冇咗腳嗰啲好正常，都可以生
而家呢個年代好common
然後同我逐個逐個對機率%
冇手指嘅percentage，冇腦個percentage
重點係個心有事先至唔生得
之後照嗰陣，因為出面勁多人等緊，佢係勁Hea咁樣自己睇完之後就話好啦你出去再等吓先啦睇吓見唔見到正面
但我逐part逐part咁樣問佢，佢先至話俾我聽呢度冇問題，嗰度冇問題
佢係完全唔會同我溝通同埋講照緊邊度，同埋邊度冇問題之類
我出出入入起碼四次，應該就係因為要平衡返出面排緊隊等緊嘅人
但明明係我嚟先
真心如果我有幸有第二胎，我一定唔會揀返佢，嚇都嚇死啦
其實嗰日照完我係有啲狀況嘅，佢又係叫我即刻入院嗰啲，然後講到勁誇張
好彩我冇睇開政府產檢，我拒絕左，
即日飛的過海去返自己私家醫生度睇，佢話根本就冇咁嚴重，之後佢幫我再觀察返一輪，先至再安排手術嗰啲
真係一分錢一分貨
因為有啲醫生係收2千幾蚊
反而我想知您睇邊個咁貴，如果我生二胎可以留意下
你自己都搵開王紹宏，出面收幾貴都唔關你事啦
我婦科醫生本身本身refer 佢 partner 梁子昂，不過佢係藍嘅所以我揀過第二個
佢好似都收4字頭
同埋中環嗰啲好多都係四字頭，所以你唔需要太驚訝
睇醫生唔使從一而終掛想知多d啫，您唔好咁惡啦我無驚訝啊，我以為您搵林勇行醫生，想知好唔好啊
咁上得呢個forum都唔係蠢嘅，你嗰句嘢我都睇得明嘅，我都係照答返你字底嘅意思，你又唔需要覺得無辜嘅
我到時真係有第二胎先至會再搵邊個好啲，但聽人講林勇行係真係幾好。
您諗多咗得文字，無語氣，係好易令人誤會，我以為加左個emoji已經好啲不過都多謝你分享
我仔之前林勇行照，因為我覺得結構都重要所以貴d都揾佢
因為我上胎係qe照，都唔覺得有幾重要，我記得一take過照左廿分鐘左右，醫生照完話無事就走得。我見有好多人都講到好會好嚴重咁所以都唔知應該點，暫時睇王醫生係照得清楚詳細嘅人，但係說話有時難聽，我估佢都係好醫黎嘅，都係唔想啲人咁易放棄bb姐
你一開波就睇佢都唔幫你照結構？
我睇羅醫生架, 一開波就睇，然後又check T2同結構
睇過王紹宏真心覺得佢hea
第一次產檢唔係佢，果時8wk，之後就睇到生
Exact7ly
我都唔介意佢講咁多廢話嚇我，影響大肚婆情緒
問題係你幫我照嗰陣，係咪應該有返啲職業道德每一part同我講解返
而唔係自己睇完就叫我出去囉
我係咪應該讚佢有藝術家脾氣
我指重要因為如果萬一醫生唔夠經驗睇漏左就慘，所以我先認為貴都俾，我之前都有政府照比較hea所以先再揾林勇行照，佢好細心又講解得清楚令我好放心。