朋友幫我買咗青龍牌，都ok, 本身喼都帶咗即食麵杯都通粉同米粉過嚟
仲有麻辣醬同花椒油，零食，瑤柱，雲耳，住嗰度附近有港超，啲出前一丁都幾貴
2個讚
其他英超都有，不過牌子唔同者，同埋Jasmine 唔係成日有貨。
1個讚
唔介意食匈牙利廠嘅話 英超50p至60p一包。堅持要食香港/日本廠就會貴
本身都少食，所以喺港超見到都無買帶過嚟嗰啲老公話諗住救命先食
Morrison 都有£6 5 Kg 青龍米。不過香港食開6A，呢邊只有3A，所以肯定係無香港咁有飯香同好食。我覺得呢邊D 米有少少散，所以我會溝珍珠米一齊食，咁會lim 口D。
2個讚
多謝你提一提可以用紅白藍，使唔唔使鎖呢? 不過無轆驚難攞
我有係youtube見到人家都係落雙層紅白藍, 然後有的人在機場會用加膠袋和捆綁的服務, 好似都要一百幾十包一個, 而且行李帶拿落來就上機場手推車, 出去就租車, 所以我諗應該問題不太, 關鍵係唔好裝到非常重吧. 我都打算只係用來裝被舖衫褲之類軟身唔怕掟的物品, 怕掟就裝行李喼, 一人一個行李喼加一個紅白藍, 另外加一個可以上機的手提喼, 能應付到初到埗的生活就夠, 還有大的家當就只能船運了. 不過經濟關係我唔打算買樓, 只係租的話也不可能帶太多家當過去. 請問已經身在英國的朋友, 若八九月過去, 應該是帶什麼衣物為主?
1個讚
我有用紅白藍, 無鎖到, 驚爛, 打孖紅白藍, 就無用包行李嗰啲服務。
我就用黎裝衫呀, 濕碎野。而學樓上講, 你去機場都係搬上落行李車, 然後都係車駁車去到目的地,無乜大問題。但因為有唔少人用紅白藍, 最好搵啲大大標記貼或者寫上紅白藍,咁就唔會攞錯
2個讚
而家5月，其實我都係長袖衫+厚少少風褸
外套點都要跟身
唔會落鎖，一𠝹就爛鎖黎冇用
2個讚
我仔上年九月飛返去開學，用大紅白藍帶咗好多零食、及一箱出前一丁，仲有D中文消閑書，不過我有先食4，幫逐D佢入落細、中袋，好似有三個袋，然後再放入大袋寄，去到機場再俾錢人pack袋
英國氣溫比香港低10度。八九月好似香港秋天。
但香港嘅衫都唔係太啱用，因為英國成日落細雨，大家唔戴遮，所以日日要著防水衫褲鞋。香港帶嚟唔防水嘅衫都俾我當曬睡衣內衣
香港再厚嘅衫都唔夠暖又醜，英國買嘅衫薄薄地就已經好暖。
所有party衫返工衫都無用，因為係英國做家庭主婦，又無親友要來往。日日著買餸衫行山衫。
不過我細粒，去到英國要著童裝，好多粉紅色… 所以要喺香港帶成熟款嘅衫
2個讚
薄薄地巳經可以好暖嘅衫，你多數會去邊度買倒呢啲衫？
什麼是防水衫褲鞋? 在邊度買? 質地會否好焗? 仲有英國買嘅衫薄薄地就已經好暖的又是什麼? 防水嗎? 在邊度買?
如果咁樣睇, 香港還有什麼衫可以帶去? 例如抓毛、羽絨這些又是否適用呢?
抓毛、羽絨，要外面有防風先可以保暖，帶兩件咩都夠。
1個讚
好多問題，分幾次答
衫褲係類似行山風褸嘅質料，著咗落細雨可以唔戴遮。如果有water resistant 嘅標誌就更加勁，大雨都可以唔開遮。嚟到英國，你見落雨時啲人點著，跟嚟著就得架啦。
水鞋最防水，去行山一定帶，因為英國好多泥。
平日運動鞋著上圖密洞款嘅，唔好著香港透氣有洞嗰啲，咁一般落雨都頂到陣。
英國人人要著呢啲衫，所以所有衫舖都有得賣。
你睇下你區嘅人著咩牌子多，跟著就啱。
我自己就去M&S, Next, H&M。你可以去佢哋網站睇下款和價。
有時要防水再勁啲嘅，因為落雨小朋友都照上體育堂，就去運動衫舖。我就去Mountainwear 和sports direct
英國無焗呢回事，我嚟咗英國一年左右未焗過。
英國全國全天濕度70左右，好似香港秋天。就算落雨，雨唔大又好快落完，無潮濕。冬天有暖氣就更乾。
英國南部全年溫度比香港低10度，長年大風，如果熱就除褸吹下風。只有熱浪兩星期會到30度。
我俾我5至-5度嘅著裝大家睇下。留意我好多時著童裝，免稅，所以平成倍。
M&S boot。有毛好暖，防到細雨。忘記咗產地。
衫著3層。
最外層，H&M大褸。夠暖，有帽好緊要。不過買返嚟發現比較窄身，肚腩有啲緊。同埋之後先留意到係made in China。
中層，Jumper / Hoddies ，唔需要防水，要拉鏈，間間舖都有差唔多嘅款。因為大褸已經有帽，所以買jumper無帽仲好。
底衫著thermal top。
褲著兩層。面層普通運動褲，唔太索水就得，因為大褸擋咗大部份雨。最緊要唔好著牛仔褲。我買咗男童裝
褲低層著thermal leggings。
超了字數和回覆次數，等其他人reply下，我先可以再留言了
4個讚
thermal top同thermal legging你响邊度買？聰人講馬莎嘅羊毛底好保暖，係咪呢？
上面有link呀，你click下個紅字
我係馬莎買呀，暖到我都無咩機會要著，要住北面先夠凍著