well…
又一証明香港阿媽有幾咁盲目咁愛名牌
wao! 唔睇都唔知有呢件事！
我自己都經歷過一d 階段，以為講粗口好型
其實唔可以用學校來定品德，家教係重要啲，我兩公婆和仔都算係名校出身，上網講名校啲爆粗學生， Les, TB, etc. 講到好似開心大發現咁，呢啲嘢一向都有， 有啲媽媽本身唔係名校出身，聽到粗口又會打冷震，小一 R 到過 offer 以為仔仔人生就完美喇，一定係乖寶寶， well! 我哋啲舊生返校接仔放學時，同呢啲家長講完嘢，只可以會心微笑，心諗…太太，你個仔大個啲就知咩事。
我又覺得3年級可以試下自己返學, 如果醒的話
優才…好明顯就係醒啦
不過, 我估小朋友未必明白著住校服就要乖啲
當然如果有老師係度又唔同講法
我預科大學時見唔少名校生, 爆粗真係小事
不過上面男拔單野就顯示出校風如此, 老師管教不力
男校要管教唔易，我哋嗰代有體罰，出名嘅男校一定有籐條，小息一定見到校長室門口有幾個學生等入去被校長打，幾串都好，打完一定喊住出嚟，自從無得打之後，一代比一代難教，加上依家仲有黃藍之分，家長都有問題，老師為左自保，有啲嘢係當睇唔到，學生仲有得救，就會教，學生和家長都係 short 上腦嘅，家長日會隨便 hea 兩句就算，由佢自生自滅。
香港最 top 幾間男校，係有精英班和垃圾班之分，精英班就係港媽心目中想要嘅畫象，垃圾班主要係成續差但有特異功能，一係屋企有背景唔趕得走。兩種學生，同一屋簷下兩個世界，好少 friend 到。
呢班出到去亂吠嘅 DB 仔，多數係垃圾班，我大學住宿舍時都識幾日名校嘅精英和垃圾，精英就真係有氣場，上台講句嘢好有吸引力，垃圾就係差好遠，水泡科，無心機讀書，3rd hon 畢業，咁多年只係玩小提琴，又唔係好叻嗰啲，有次同事結婚見到佢做伴奏師，讀咁多年名校攪到咁樣，有啲希虛。
好奇你會點睇男拔中間個批?
名校講粗口唔奇，爭輸左唔服氣講粗口都仲可以理解。但小學生咁細個，爭贏左都咁大聲粗口鬧對面明顯望落細過佢嘅小朋友。
名校講粗口嗰啲都係圍內同朋友講，或者 slip-up 一句就完。就算係 banding 低嘅學校都冇咁樣講。所以我有懷疑佢係咪行為問題 SEN。
如果有讀優才嘅家庭，可以留意下自己小朋友有冇識呢個學生。因為佢睇落都粗口好熟練，而且會教埋身邊同學一齊講。小朋友少啲定力都唔得。
講起家長身教，好想分享下，有次係廁所所見所聞🫢🫢🫢
有次放學要出街，帶咗套衫同小朋友去廁所換，但個個廁格都有人咁我地排隊 排最前，後尾嚟多個阿姐排我地後面
之後有個女人帶住個女，個女仔著住校服嘅(應該小一，細細粒 套校服好新)入嚟廁所，直接衝入嚟 無理人排緊隊，個女仔相信係太急 係到喊，佢阿媽逐格大力踢人廁所門，一路講"x你老母！小朋友要去廁所呀！快d出嚟啦"
因為格格都有人，然後佢好大聲講"x你老母格格都有人嘅！"，到後嚟有人出嚟，個女仔入咗去，可能知自己樣衰掛
同個女講"呢到好多人，我出去等你"
後面個個睇到擰晒頭，呢位阿媽家教好到不得了
邊個同佢個女做同學真係執到，到個女大少少應該日日係學校問候各位同學家長
我都見過個後生老母，當住個約小一二的女面前，鬧一個撞到佢的師奶大笨象、死肥X咁……
要睇吓佢點解會選擇去中間嗰班，以前我返教會同呢類仔相處過，一係唔夠叻去唔到精英班但都曾經努力過去嘗試，一啲係有能力但與世無爭，唔想入精英班咁大壓力，同埋精英班啲仔太乖太悶，唔夠好玩，有啲成績仲好過精英班，但唔想做狀元，work-life balance , 反正屋企都會供佢哋出國讀書，夠分入到大學就得，佢哋大部分都識咩時候講咩嘢，唔會咁失禮。
呢d 咁嘅人點會知醜
該主題在最後一個回覆創建後90天后自動關閉。不再允許新的回覆。