本來第一個post都覺得你係情緒主導左，所以講說話有啲過分，但又唔怪得你，生完荷爾蒙影響係真係會咁樣。
但係我睇到呢度，我真係見到點解你咁唔開心咁抑鬱咁嬲，我真係覺得你老爺奶奶好唔識做，佢影響到BB同BB照顧者前提底下，都仲要繼續嚟打攪你地。其實好多識做同有教養家庭嘅四大長老，喺頭果兩三個月之內都唔會咁樣去滾搞新手父母，大家都真係識做嘅。
而導致到呢個情況嘅發生，老實講你老公係最大嘅責任。佢冇去真心感激你媽媽嘅付出，同埋將心比己咁樣心疼你媽媽嘅辛勞。佢冇去體諒你媽媽，然後同返佢自己父母講咁樣對外母係唔應該，等BB大個啲，又或者已經有一個固定作息時間pattern ，先至邀請佢哋上嚟，或者每星期帶BB返去佢哋度玩。
如果我係你，我會搵一個機會係你老爺奶奶上嚟嘅時候發癲扮產後抑鬱大喊，係咁話我頂唔順啦你唔好再咁樣搞住我同我阿媽，嚇埋你老公。
一係就同你老公語重心長咁講，你話嗰個係你阿爸阿媽要尊重，但係呢個都係我阿媽我都要錫，如果你決定繼續俾你父母咁樣想來亦都真係影響到BB同我媽媽休息，咁樣我會叫我阿媽唔好再照顧BB，交返俾你做爸爸嘅同我一齊照顧，你負責夜更。等佢自己知驚同埋知道你阿媽嘅重要。
4個讚
冇追po，其實點解要忍？
所有你唔ok既，禮貌拒絕佢啦，試下。
過來人
好明白
老公喺呢個時候真係好重要
經過左幾個月
我由好憎佢
變咗都會感謝佢一星期兩日幫下手睇BB
千祈唔好逼自己要鐘意佢
慢慢放下啲啲戒心
又會可能會欣賞下佢某啲位
做左人老母
生活真係會唔同曬
慢慢習慣慢慢黎啦
1個讚
講緊我
我真係咁
嗰時唔識拒絕
由未生以前間中見面食飯
變生完日日上黎
我每日都好驚見到佢
開口講完
老公只係叫我忍
後來我去到健康院見到姑娘，爆喊先知到左臨界點
2個讚
你99肯尊重好好
但未必個個都識
仲會俾說話後輩聽
我99除左叫小朋友錫佢自己
仲要錫埋叔仔
omg，暗瘡油面
請自行想像個畫面
又
已講左十萬次，疫情下
我亦教小朋友唔可以胡亂錫人，因為疫情好多virus（已經幫佢諗埋下台階），阿99當聽唔到
1個讚
我99都係咁，我99第一日唔扭就抱我已經黑緊面，第二日又係咁我襯99沖涼我直頭同老公講，咁樣唔掂喎，之後日日我一腳踢，佢宜家抱慣晒，係咪你辭職抱佢，而家就話五kg易抱，遲下10kg你又抱？
我仔住左三個星期先出院，仲係醫院個時C6個呀爺問我99識唔識幫個B沖涼，我99好大聲咁話識，點解唔識呀，咁簡單。到第一日出院，99幫我仔沖涼，開水就C6開，4十幾度，我忍，99沖左20分鐘，都仲用清水洗緊個頭，話冇人幫佢吱沖涼液，諗住忍埋個沖涼算啦，點知沖完涼番到房又要唔識要做咩喎，又要想做，我仔衫都冇著呀，又夠鐘食奶，又冇人識沖奶喎，C6同99企咗喺度，嬲嬲地第日自己同個仔沖。
1個讚
改名，一樣煩，但我哋無理佢。
探孫，唔想佢出現，所以滿月前上佢度一次咁多（都等到十幾日先出現），食個lunch就走，直到滿月之後再約。生第二個直頭無同佢講，去到歲幾先見
講到尾最重要係人地個仔即你老公點睇成件事，如果佢覺得佢媽無問題就乜都無，佢都覺得自己阿媽有問題自然會諗方法去避免或者避開。
講起改名
果時6299一知係陀仔就話要跟男家族譜
我老公本先話想跟傳統
(其實佢都覺得個字好娘)
加上全個男家所有孫都有跟族譜
我話再嘈就離婚跟我姓
佢仲以為我講笑
我爆左鑊勁嘅先知衰
到我仔出世紙都拎埋
頭幾個月6299仲好不滿唔黎睇孫
仔大d開始得意就日日黎
電話都唔打直接黎㩒門鐘
嘔血
一樣丫同樓主 因為改名問題同6299有拗撬
個陣岩岩有b
兩公婆都未開始諗名
6299好興奮話已經改好晒名 男仔女仔都有準備
咁我即管聽吓個名有幾巧奪天工啦
唔知係咪佢哋文化水平一般
男仔女仔名唔計姓氏都係加埋10劃都冇嘅
一聽就係啲勁難聽俗氣好農村嗰啲名囉
最難受係佢哋企硬唔肯改
好聲好氣同佢地商量就話我哋唔尊重佢地
佢嗰一刻真係覺得好無助 明明自己先係BB嘅媽媽
最後係保留一個字同老公再諗一個字去配搭
雖然佢哋係唔高興但係最後都接受咗
平安度過改名呢一關
好明白樓主，好多細微嘅小事堆疊起黎真係好惡頂，尤其係小朋友嘅教育問題。頂到一件仲有其他野接踵而來
係好攰，希望你老公有幫手頂下協調下
共勉之
其實我唔明，啲老爺奶奶成日爭住幫個孫改名，咁鐘意咪自己生個嚟改。
而家係咪有幾廿億比我老公&我仔繼承先，有我唔介意嘅，無就唔好咁多聲氣。
明明係我痛十幾個鐘+爆下體生個B出嚟，改咩名梗係由阿媽決定。
2個讚