有良心既咩on proportion 加飛lor, 都係個句，睇你做唔做
而且，d人入左會先知無得買飛咩仲衰
唔知係唔係冇左蘋果, 以往concert一樣hold起大把sponsor飛, 報紙一定大講特講,
今次mirror好似兩三日就平息左
大家冷靜啲，平常心。
其實viutv 從來無叫過大家loop歌/應援/課金買廣告產品。全部都係fans一箱情願。連mirror都未必想自己咁紅 ，和佢哋實力根本未匹配。
然後而家買唔到飛，向viutv講，我哋以前幫你應援loop歌點計？如果大家期待支持完有回報，就唔好支持啦。
所以我從來唔會課金，睇下佢哋作品就算。課金呢個行為根本唔健康，佢地亦無責任回報我哋
睇mirror到咁上下，我就會睇第二個，大家之間無任何責任
9個讚
一直都覺得支持Mirror唔等於要支持埋公司/花姐
不滿係日久累積，公司帶頭分上下弦、資源分配不公、冷處理或推d仔出嚟處理問題、當正fans係水魚等等⋯
4個讚
據聞個低B系統會自動refresh 所以自己整瓜自己個網
1個讚
好心痛但又覺得係公司自己攞黎
我搶左10個鐘後都反思要脫粉
但點解唔係即時
係等演唱會後先摺？
我都係黎明fans , 中環個次睇左三、四場，第一場啲飛係賣唔哂，入面有吉位。出面有黃牛，但無乜人幫襯，係後來炒熱左先full
比d buffer對手回應好d
唔好咁快關，多啲回響先。個po啲comment不斷出無停過
睇下，見報啦
其實有無呢單嘢都好，都唔應該刻意買佢地廣告產品，咁只會令mirror 有過份多嘅廣告，無時間做音樂。
亦唔應該係mirror嘅歌就loop，令view數無曬公信力。
亦唔應該搞太多應援，錢俾大商家賺曬。廣告嘅嘢等佢哋公司做就得。
唔應該太吹捧佢哋，搞到mirror實力追唔上人氣，太多工作，無時間練習加強實力；又被外人非議，亦對其他有實力歌手唔公平。
但亦唔需要脫粉。唔洗搞到好似愛情咁，瘋狂追人，人哋唔應，就憎咗人。其實普普通通咁欣賞就得 亦可以考慮分下時間俾其他香港歌手。
希望呢件事俾大家醒下
23個讚
因為買唔到飛就引發件事？
不過鏡粉都係緊張、在乎mirror….
1個讚
我都希望呢件事比佢地（其實係公司）跌下，
唔好以為fans 喺盲目的
就係唔應該咁緊張，咁在乎囉。
太緊張在乎，對佢哋發展都唔係太健康。當然今次仲俾人當埋水魚就仲慘
不抱希望，因為fans罵完，都係會有一大批fans照俾錢照買
因為城網個垃圾系統同一時間做唔到咁多交易，只俾少部份人入系統買飛，搞到網絡大塞車，個個都入唔到個網買飛。所以最後要 10 個鐘先賣晒，仲有勁多鏡粉買唔到
3個讚
其實都係架，好老實預佢地今次演唱會唔會唱得好，本身識唱歌既人唔多，臨近演唱會仲博命拍戲，佢地勁，唔洗練歌，練氣，休息，我想買飛，係想支持下佢地，但有時諗佢間公司用到佢地盡，想榨乾佢地，真係好反感。上次chill club Anson Lo 唱歌勁難聽，網上勁多人踩佢，公司都唔俾時間佢地練歌，可能諗住 Fans唔介意！
2個讚
我都想問
N年前搶飛係5分鐘賣哂
1個讚
以前係排隊買飛，所以好快賣晒。而家冇得排隊買，個個要上垃圾城網買，網絡大塞車咪搞到咁耐先賣晒飛
1個讚
「我老婆嫁左比MIRROR導致婚姻破裂」關注組將永久關閉
這邊廂，盈科拓展旗下的HKT香港電訊，繼富衛保險後推出另一個「抽籤送MIRROR演唱會飛」活動，hashtag #WeAreHKTFamily ；那邊廂，有35.5萬人的群組「#我老婆嫁左比Mirror導致婚姻破裂關注組」宣佈永久關閉。發起人兼管理員RC晚上（2日）於群組發聲明表示，因為對今次 MIRROR演唱會 之安排感到極度不滿，決定將會於MIRROR演唱會後，永久關閉此關注組。
【谷主痛斥：你當鏡粉係ATM係水魚】
谷主RC寫道：「MIRROR賣廣告，鏡粉衝住買晒佢；有MIRROR卡抽，鏡粉一日三餐食老麥；MIRROR出席活動，鏡粉早一日去排隊霸位；MIRROR出新MV，鏡粉人肉loop到幾百萬view唔知為乜；MIRROR出新歌，唔使你畀錢宣傳，佢哋自己出錢出力搞應援。好喇，首個紅館演唱會，難買飛就預咗啦，咁多人想睇。一睇個floor plan，喂黑洞咁嘅樣嘅？
【「如果迴響可以改善佢哋以後嘅做法，咁就有價值」】
谷主RC回覆《娛壹》表示：「我老婆好似有fd幫佢實名買到，我梗係無份睇啦，本身諗住買兩張，一張老婆一張老母。我比任何人更唔捨得個group，但今次我真係覺得太過份。」點解等到演唱會後才刪page？谷主說：「因為演唱會應該係大件事，可能仲有人要呻，等佢哋呻埋先。」對於要關閉關注組，谷主坦言感到可惜，「如果因為shut down咗可以引起啲迴響，迴響可以改善佢哋以後嘅做法，咁就有價值。」幾十萬前夫以後如何圍爐取暖？谷主表示：「爐周圍都有嘅，人在哪，爐在哪！」
鏡粉為支持MIRROR， #奮不顧身 ；公司不用分毫谷新歌，因為有鏡粉自發集資，loop歌推po課金買代言產品；聲勢浩大背後，是無數鏡粉心血和金錢；動輒被網民攻擊、辱罵，痛批鏡粉「無知」、不關心社會，罪名如層層疊，就連「實名制」亦成為鏡粉罪名；各式慈善應援，同樣遭冷嘲熱諷。
既然不愛，何必傷害。但對鏡粉傷害最大，不是輿論，而是變本加厲「苛索」鏡粉金錢和情緒勒索。MIRROR演唱會 #絕望座位表 ，由之前CitiBank、Mox優先訂飛， #MIRO 抽籤認購﹐贊助商富衛保險綑綁式消費先有得抽飛，名額50個，員工還可參加。然後大家再經歷一次Urbtix朝10晚8 #多元宇宙 無限retrying，官指「運作暢順」；至周三（1日）﹐大家又入結界，上MIRO官page登記，但即使成功登記，也不一定買到飛。在這吃人社會，fans只想 #快樂追星 ，壓抑中換換氣﹐結果換來更多失望。
【完成「任務」可獲多一次抽獎機會】
#HKT #香港電訊周四（2日）公佈抽 #MIRROR演唱會 飛計劃，hashtag #WeAreHKTFamily ，又一輪 #內部認購 抽飛行動，今次 「益」埋舊客﹐先登記抽獎，獲抽中者需於指定限期內 #選購或安裝指定服務；滿足上述條件者，可獲MIRROR演唱會 #指定門票2張 ，名額1,200個。HKT還稱現有客戶只要完成指定消費項目，可額外各多一次抽獎機會。新客亦可參加，不過eSIM、SIM月費、附屬sim卡號碼客戶、Sun mobile客戶等則不合資格。原因你懂的。
【須預繳24個月服務計劃月費 若終止合約不退款】
根據條款及細則，客戶選購或申請HKT集團指定服務時， #須預繳24個月服務計劃月費 ；如客戶於約滿前終止合約， #預繳之剩額將即時被取消並不設退還 。換言之，一入局即被綁死。
如想獲得$1,280門票兩張，新客／新號碼／新線要申請兩個plan，月費$498至$559嘅plan；舊客要申請每月額外$300嘅plan；想要$880門票，新客要簽兩個plan，月費$394至$459嘅plan，舊客則需申請每月額外$200嘅服務組合。$480門票月費計劃門檻同$880門票一樣，但只需選購一項服務。
【群情洶湧：幾時幫鏡粉正名做 #ATMiro ？】
此post成功吸嬲，小編出動解圍表示「今次嘅活動希望可以答謝大家一直嘅支持，讓大家可以選擇同使用服務之餘，仲可以睇演唱會。」網民回應謂：「上年Moov live我都已經要俾成萬四、五先可以買到兩張飛」「你哋嘅行為唔叫『答謝』，應該叫『恩將仇報』。」有人留言問：「 #仲貴過黃牛 ？」「幾時幫鏡粉正名做ATMiro？」群情淘湧，小編之後再表示：「登記由6月6日到6月19日
大家有時間可以慢慢諗
」有網民表示小編之前仲寫咗句「 #有愛就會抽 」，之後已del。
#李澤楷 曾指，MIRROR正處於「 #收成期 」。也許現在就是了。
1個讚