得罪講句，呢啲男人要唔要都吧，自私自利
比我一定車巴比佢，仲要大巴大巴咁車佢，咁不負責任既說話都講得出，佢唔射就唔會有B, 如果有能力，我一定離婚，自己養個B, ,仲要跟自己姓。
1個讚
樓主會唔會覺得冇左bb係遺憾？
我認同樓上多位既意見
我認為你點決定都一定會心痛，但依家係諗下，邊個決定會令你唔後悔！
經濟方面，自己一個可以嗎？
我唔識，唔知會唔會有啲好似「調解員」之類可以傾下？
有啲男人，話唔結婚、唔要bb，轉頭即刻同第二個女人結婚生仔
作為男人, 如果真的不想要生小孩, 一係就戴套, 一係就醒目D做好安全期.
如果無腦到連安全期不懂計算, 又不戴套, 無腦自私男, 為什麼要牠? 免費鴨?
有了小孩, 當然更加痛愛孩子和母親, 有自己一半基因的, 是自己骨肉; 落自己骨肉, 不怕孩子的冤魂來報復嗎? 聽聞未出世被落的鬼仔好猛的, 有些人專揀未出世的鬼仔來養; 假如真係落了, 怨氣必定很重, 下半世小心D.
樓主都要考慮吓將來你會唔會恨個小朋友令你失去咗個老公… 當然我都覺得個男人好有問題. 但湊大一個小朋友係長期戰嚟, 唔係捱一、兩個月嘅事, 而係講緊未來十幾廿年. 點都會經歷小朋友成長嘅黑暗期 (唔聽話/反叛期/單獨養多一個人嘅經濟壓力,等等). 要諗清楚當你遇到呢啲低潮位嗰陣, 你有冇足夠嘅 EQ 唔會將呢啲負面情緒歸咎於小朋友身上.
btw, 個男人唔要都擺
1個讚
其實… 如果大家結得婚, 響生BB上… 無理由無共識…
就算意外有左 (雖然我唔覺得會有意外) 咁… 點解佢可以講得出口…“希望我揀佢唔要bb…話如果我堅持要bb就離婚 以後唔會見小朋友”
究竟你揀左個咩男人…
其實佢咁樣講得出口, 即係無打算生BB, 永遠都唔會有呢個打算…如果係同你想法不一樣, 我覺得…
可以行到呢一步為止, 2個人永遠無以後了…
如果我係你, 我會現在選擇離婚, 然後… 落左BB… 重新出發
當然要唔要個BB 係你既選擇, 但呢個男人我就一定唔會要
5個讚
AGREE NO MORE
呢個男人無責任心，自私，只顧自己，一律建議分手。早走早著。
如果無共識有小朋友但又唔做避孕？兩個都有問題，成年人仲係做埋啲野咁無責任心，無言
1個讚
呢個係傾過好多次既結果? 完全無彎轉? 樓主老公點解咁抗拒 bb? 我見 form 有啲話老公/老婆唔想要, 最多話 “生左我乜都唔會理架, 你湊哂呀”, 決絶到要離婚… 係老公既原生家庭有啲缺憾?
無論無左個老公定係bb 都好可惜… 明明應該開開心心期待新生命 
1個讚
俾老公揀
1）叫自己去結紥後離婚，bb生左出嚟同個男人再無關係
2）生完先離婚，每個月叫個男人俾一皮野你湊大bb
唔想生的，就做好預防措施
依家意外有左，就要諗辦法解決
明白要定唔要都唔係一個容易嘅決定, 但我會咁諗, 如果生BB, 你有娘家support 加上"為母是強"呢個信念, 我相信所有阿媽都可以為小朋友克服所有困境, 加上將來發生咩無人知, 唔好先假設係一個悲觀情節… 如果決定放棄BB, 你就要諗你有幾大機會後悔, 呢個後悔係跟一世, 都可能因為咁而令你抑鬱… 你依家你試吓撇開所有細節, 問一問自己個心想唔想要同BB 一齊… 答案唔難搵到… 希望你一切會變好…加油…
2個讚
老公都係單親 同屋企人關係都係好普通 唔想要就一識已經知 我自己都唔係一定要小朋友 好有母愛的人 所以就結咗婚…發生左意外 我自己都1516…已經傾過好多次 佢都堅持唔接受
1個讚
認真. 呢個仆街唔值得你同佢一齊.
呢刻佢唔想要咁講者. 到第時佢想生你生唔到時又點?
又話你生唔到又要同你離婚. 你人生唔值得比一個咁自私既人去操控
1個讚
其實你仲要考慮咩？
無論你要唔要個bb,呢個男人都唔係一個好男人、請問佢有咩規劃咁巴閉呢、早日等你知佢真面目算你有運了
我覺得重點唔係生養BB問題, 係呢個男人根本冇責任感, 亦都唔愛惜你…就算最後你自己決定要唔要個BB, 你都應該諗清楚仲同唔同呢個男人行到一世
3個讚
老公有無講 “點解” 唔想要? 總有一個感受, 原因, 令佢咁堅持寧願唔要個老婆都唔要 bb
BB 只係好短既一個時間, 頭3年 bb, 跟住佢會一路大, 到佢大左, 關係好既會變朋友咁… 到老左有個朋友咁又接唔接受到?
1個讚
我同我老公都決定左唔生既
但如果我意外有左一定會合力湊大佢, 老公唔會唔要囉
所以老公都有提過想自己去結紮，已經搵埋資料，但我傾向反對佢做，佢身體唔係咁好我唔想佢做呢d，驚有咩後遺
食藥我自己又唔想
Anyway其實想講如果真係咁唔想要應該用盡方法避孕先
即是佢唔愛你只愛自己囉，點會個老婆有左可以講得出一係離婚一係落仔呢d咁賤格嘅野呀，就算係意外都可以慢慢接受，而且又唔係冇經濟能力，呢d男人你早d離婚都係好事，呢d賤男一陣到佢年紀大左想要bb到你生唔出佢一樣可以飛左你搵個後生女，到時你仲慘
3個讚
其實你要唔要都好難唔離。
經過今次你都睇清睇楚，如果唔要bb，繼續一齊大家心中真係好大條刺，仲要睇個樣樓主你係想要個bb的…
點樣繼續生活落去呀，比我係咪都離算了，要唔要個bb就再諗。
都係無準備負呢個咁大的責任 香港唔適合生仔 etc