我今日剛巧睇一條YouTube 片介紹 IVF 親身經歷，內容有提過媽媽係自然流產再流產，最後做IVF才成功的。
重點我想講嘅係媽媽有提過，當佢驗血時才知道問題嘅所在，妳可以睇下有無幫到手。
3個讚
有冇check免疫，流咁多次應該係有d野
1個讚
check埋免疫力、染色體、血糖，仲有唔知乜嘢加埋抽咗九支血，最後醫生嘅解釋因為年紀大，卵子質素差，宜家只有繼續再嘗試
3個讚
抱抱，大力抱抱
加油呀
大家一齊加油
1個讚
我朋友都比咗Sona條片我睇
相信佢過程一定好多痛楚同埋心理壓力
搵到個問題之後做IVF成功咁實在太好了
1個讚
抱抱
尋日收到report了
FSH E2 LH 都正常
AMH 1.76 🥹 又喊咗一晚
抱抱 支持你！
我未陀bb之前一直都以為會好順利，因為m好準 又唔痛，老公又有做下運動，開始備孕時諗住只係循例去家計會簡單驗身
點知老公精子報告話佢啲精形態得1% （4%先合格），再重做第二次test 係變左0% 
同時其實有開始試，頭兩個cycle 都失敗，我記得第二個月見到黎m係喊住問我老公點解無小天使揀我地做爸爸媽媽
上網搵啲人話試一年冇聲氣嘅話去睇不育科，醫生都係會開富x多俾男性食，女嘅就抽血再搵問題，所以老公就買左黎食，我就做下research 搵咩醫生
本住既然又排卵就試下嘅心去試第三個cycle, 已經諗定驗到失敗之後去食邊間日本野，放鬆試第三次就中獎
我地都有諗係咪食左大半個月supplement 就咁大分別，定還是關心態上好輕鬆，覺得未中都ok去食下日本野先咁所以反而成功
所以可能你一邊搵適合你嘅調理方法時一邊本住試下無壞嘅心去試，可能會有意外驚喜
2個讚
Thanks for sharing
我前兩日同老公喊哂所有冤屈出嚟已經好好多
佢同我講不如放低呢件事 唔一定要有小朋友
唔一定要戒口要浸腳要睇中醫 叫我做想做的事唔好為咗要有BB遷就太多
之後佢都book咗同我食日本野
多謝大家將你哋嘅故事share比我知
我一個人唔開心時 真係幻想世界要塌落嚟咁
多謝你哋令我覺得I am not alone
4個讚
食日本野同有冇bb都冇關係嘅，最緊要自己想食就去食，開心最重要
1個讚
哈哈Yes 其實冇關 咁啱睇到另一個姊妹話佢當時book咗日本野食
因為我勁鐘意食魚生 呢半年食少咗 
但而家諗起可以食omakase 同一板海膽又好開心
其實我都係一個好正面嘅人
但嚟到呢啲位 身邊冇咩close friend明白我的situation, 真係唔知可以同咩人傾
當你book埋個日本trip準備出發個時佢就會出現架啦，我2個都係咁係d唔適當嘅時候出現
1個讚
食自己鍾意食嘅野好呀
我果陣開始試就戒左凍飲同生冷野，諗住血氣好啲，又怕萬一中左食刺身會有李斯特菌咁
所以到之後諗住由佢順其自然唔特別戒口，個人心理上係輕鬆好多，照飲凍檸茶，珍奶
1個讚
Haha same same 係廢是食太多
而家唔理了
聽日睇醫生輕鬆睇 睇完喺中環食餐好 
1個讚
好明白你既感受
係好大壓力
但旁人亦唔明白呢件事可以好難
係~
我都覺得我最唔想聽到係呢句
成日叫我放鬆就自然會有
之前就係放鬆咩都唔check 但一直都無消息
先會去到睇醫生果個階段
我個人經驗是：
明知IVF有排等，唔理咁多，總之想生又唔係好得，就睇醫生，要求寫介紹信排隊做IVF.
最後好彩是成功的，但是好多年前，孩子都讀大學了。有很多細節忘了，但最記得是壓力大，好大。
我是在瑪麗做到的，到現在也很多謝那裡的醫護。
大家努力，加油！
我情況同你都似，醫生話做完朱古力瘤手術半年內應該好易有，仲未有就返去搵佢，半年後返去搵佢就驗到我地兩個指數都非常唔ok，佢打嚟個個月我地就放棄咗就即刻中。機會微唔等於唔成功
2個讚
係啦~
政府排好耐架
見醫生仲要試埋iui 唔得先俾ivf
有心就快手排
1個讚
今日睇完醫生，發現睇一個好嘅醫生真係好重要！
自己上網睇係冇用，只會有更多猜測，唔會有最合乎自己嘅見解
醫生解釋完，而家先清楚明白iui係咩嘢 
1個讚
係啊 所以好緊張 怕錯過黃金時間
然後又朱古力瘤復發
今日睇咗一個好醫生 今日 Day 11 照到左邊有8個卵泡
右邊（做過手術）有一個大卵泡 好快就排卵
醫生話我冇問題 做完手術個AMH低係好正常 因為始終都會有肉眼睇唔到的組織做手術時被切掉
但今次排卵似係手術嗰邊嘅卵巢 證明冇影響到
仲幫我計哂日子行房 同埋比左樽仔我 如果下個月有period 就可以在家取精 拎去驗 唔洗在化驗所強行起機驗
我老公都感覺好啲 唔洗咁大壓力
醫生再就我有貧血狀況 計算 on top of 我食緊的supplement 再加葉酸
呢啲真係睇醫生先會安心 但比人陰超咗15分鐘 
多謝大家鼓勵
3個讚