The good old days were gone
唔計政治，香港係好住嘅
2個讚
我有集睇YouTuber講、當地人真係可以好慳、食得好平好求其下、香港人好講究食
係，大部份都唔走。
走個d都係年幾前來，可能太衝動. 又成日睇 d youtubers話萬幾蚊好好使掛
揾開幾萬蚊個月，點會認為萬幾蚊夠使㗎？呢到係英國。話夠使都係因為慳
唔係求奇，係健康問題。
想好慳，可能要食好多 preserved food
Jamie Olivia n年前推廣健康飲食失敗左，佢認為係因為健康飲食比人當係 posh. 都同收入有關
其實自己煮真係唔差, 因為買餸平. 出去食都唔錯, 不過唔知香港落樓下就世界各地美食任揀, 所以都係返屋企食算
唔算健康架、佢係指焗薯加點茄汁豆、午餐就咁三文治加薯片就算吖
呢邊出街食多數都係 burger，pizza，三文治或扒，冇咩好食，仲要價錢唔平。返屋企煮平好多，又可以煮中餐
我諗好多人可以唔再買名牌，唔去貴餐廳
但要佢地日做夜做自己唔想做嘅工作，甚至體力勞動頂唔住，錢又儲唔到。
食又冇晒肥牛刺身打便爐韓燒，每個月只限住用幾錢買嘢返屋企煮3餐
咁其實佢地返香港，可能人工唔錯。重可以送仔女去 IS，去旅行。。。
3個讚
呢到d人成日薯片當飯食
平就唔好諗健康
呢到d肉平，但預好多激素，特別係雞
想健康，又要買貴d. 就算唔買 organic 肉，都唔好買最平，一大 pack 個 d
其實唔駛特別慳，嚟到英國發現冇咩錢洗。呢邊冇娛樂，最多一星期出去食一次飯。支出主要都係租屋，水電媒，買食材日用品，入油，council tax，mobile & boardband，平過香港好多。以前係香港，2 個小朋友校車/興趣班/書簿費/食飯/補習閒閒地要用 1 萬，而家完全唔駛交呢堆費用，慳咗好多錢
2個讚
呢邊冇咩人用名牌，出入都係揸車，冇得 show off 名牌，所以個個都好樸素
1個讚
越想食得健康就越貴，呢度最平係junk food
1個讚
生活用品上都要慳，唔好咁多要求
以前買洗頭水沐浴露洗手液會睇成份牌子，而家求奇 dove ，head and shoulders 都用
如果重想好似香港咁，買下香薰香水，韓仔日仔嘢，就未必afford 到。
下我係香港都冇10萬一個月，我應該死左10世
2個讚
所以只要唔做市中心大公司，名牌可減去，反正靠份糧養家都冇可能買得起
去二手店買差不多
又唔係喎，我呢邊都多女人咩名牌手袋，放假出街都唔少人揸架靚車出來，不過我覺得呢邊d手袋款都幾肉酸下所以冇乜意欲買
1個讚
可能我不嬲對生活用品冇乜要求，有得用質地唔差就 OK，所以嚟到一早已經融入咗用英國貨。香薰係超巿幾鎊有交易，唔用日韓嘢，用返歐洲嘢質素都唔錯
2個讚
我自己少用名牌，可能唔識睇人哋個袋係貴嘢
發覺呢邊啲人打扮好樸素，好少見化晒妝著裙出街
我層樓都係幾年前買咋，唔係10年前賺幾個開個d，香港人均收入唔夠2萬，唔通佢地又要去死咩，你咁講野我唔知你係想show off自己搵10萬一個月定點，好難聽囉
3個讚
香港大把一家四口搵幾萬，冇聽過要搵 10 萬先生存到
3個讚