呢個我都試過俾朋友咁講我，佢自己做ftm，話生得出就應該好似佢咁自己湊唔應該番工，小朋友呀媽湊最好blablabla
到今年我自己做ftm，俾我發現佢轉左番工，然後佢又話做女人都係有自己事業好，唔好世界只有老公仔女
真係俾佢吹脹
曾經有人話我唔肯為個女放棄人工，搞到無人奶要俾毒藥奶粉餵個女。又話我無得做ftm 無佢咁幸福
1個讚
同我所謂既朋友講既嘢一模一春樣。
番工=即係你覺得錢重要過仔女喇
泵奶=埋身餵好d wo skinship好重要
幼稚園全日班=好慘呀細路，番學咁耐
直資=其實官津band 1a 仲好，點解唔試下報？你直資得黎唔係ib課程冇用喇
報興趣班=好慘小朋友番完學仲要上興趣班
我辭職轉ftm=點解要放棄你專業？人生圍住仔女轉？？
WTF?!!
10個讚
信我，到你做ftm佢就會講其他屎忽嘢。
呢d都唔係真係朋友黎，可以將佢歸類做唔抵得系列。
3個讚
好正wo 個list, 可以無限extend:
返工=即係你覺得錢重要過仔女喇
我辭職轉ftm=點解要放棄你專業？人生圍住仔女轉？？
全埋身人奶=小朋友大個會好痴身
泵奶=埋身餵好d wo skinship好重要
奶粉=毒藥
坐bb車=縱壞小朋友唔使佢行，公主少爺港孩
唔坐bb車=抱壞手，小朋友想訓都無得訓
幼稚園全日班=好慘呀細路，番學咁耐
幼稚園下午班=小朋友無得午睡打亂作息
直資=其實官津band 1a 仲好，點解唔試下報？你直資得黎唔係ib課程冇用喇
國際學校=中文點算
報興趣班=好慘小朋友番完學仲要上興趣班
唔報興趣班=死啦你小朋友portfolio 無野寫，咩都唔識，考唔到學校
報面試班=比錢人鬧自己仔女，無用
唔報面試班=唔train 過考唔到小學
7個讚
就算係全埋身，d人都會係咁問你，幾時同佢戒人奶，咁大個仲埋身，太痴身唔好，一係餵奶粉啦，真係乜都會有人話
1個讚
我個仔歲半响街扭抱, 我啲fd都話我種佢, 應該迫佢自己行。仲未識自行入睡又話我種佢。不過佢地自己都無小朋友
當日真係有舊同事同我講
幼稚園返pm班的小朋友媽咪一定係懶媽媽
因為唔想咁早起身湊返學
我無言
問下佢，20揀1既龍幼收小朋友讀pm係咪捨得唔讀先？要過海返學係咪堅持到每日6am起身先，仲早過返工wo
擺明見識少先會咁講
我自己前年轉左全職湊、身邊好熟嘅、都會知道我係咩環境、冇點問、係有時問下你會唔會好辛苦、有個仲會叫我得閒湊個仔上佢到同佢啲小朋友玩、佢奶奶睇住、我地大人一齊出去食下野傾計。
反而有啲唔太熟嘅、會問你老公冇話你懶咩？你唔做野會唔會好悶人生淨係得屋企……睇在識左咁多年份上都hea答下、但慢慢會覺得呢種「朋友」應該連酒肉朋友都唔駛再做。
1個讚
咁講得出嘅人、會唔會係唔知有啲學校可能成級K都係AM或者PM…
係呀,我老公拉開門俾我同個女入,D人係對面出我地度門,攪到我地入唔到 
1個讚
我真係比人話過、點解要比小朋友搭車、明明你自己唔駛返工都咁懶唔親自接送….
1個讚
呢啲真係想成部車隊埋去、真係唔知點解可以咁懶、開隻門手會斷？
2個讚
我都俾人話過我女太痴我,咁樣唔得呀,做C我自己…
其實係佢D仔女唔痴佢,佢羨慕我 
1個讚
咁確實包括我，同識唔少人因為PM放棄個兩三間B1A/B龍幼，我又唔覺得我地見識少喎
唔係個個人好似你咁對龍幼咁追捧架
我女都係搭校車,搭校車又有同學仔陪,佢又舒服D~
同埋我地自己搭車要轉一程車,小朋友仲辛苦啦
你唔使對號入座wo. 我都識好多人因為pm放棄龍幼，大家各自選擇無問題ga, 問題係你會唔會好似下面咁樣去challange 讀下午班既人jie.
另，傻豬黎既，留一個言唔代表我追捧龍幼啦(有得追同捧先得架)。20揀1亦都係疫情前既故事啦，睇個留言唔需要咁認真。
搭校車小朋友累可以恰下。呢家返學好難食野放學肚餓，直接車返屋企開餐最好。
而且有d地方要褓姆車駁褓姆車(幼稚園)，但又唔係遠只係無站，咁先要自己送啦。
見過一個媽媽group 入面
有個在職媽媽呻自己個BB 有d 難湊
然後有個full time mom
就話番個在職媽媽番工時有人幫佢湊B呀
邊有佢一個人24小時都要湊BB呢d full time mom 咁辛苦
全場即刻dead air
1個讚