自行一定有人歡喜有人愁, 我聽返嚟嘅朋友都係無CALL嘅多
正常既~ 一間學校先收30-40人… 邊有禁多幸運兒丫~
我好平常心~
收到自二電話號碼，但其實想入自一
都好丫
到7月26日放榜，可能會變左入自一，仲有機會。
謝謝你意見，所以我都好糾結
小女都好鍾意呢間學校，打聽過學校都有愛心，會支援學習上跟唔上既同學，雖然band 2A 但在又唔算好谷。
我而家就係諗，要band 2b,c 既直資，定拎住私校去摶大抽獎，抽返band 2中尾既學校。
我係你會留私校再抽本區學校，反正有back up搏盡無悔
除非直資你地已經好滿意
自行收咗好似無得玩大抽獎
我諗佢意思係自一後補位？
唔洗再玩大抽獎架喇
但如果你係自一既備取生（呢個階段你唔會知係唔係），到7月26日，自一果間有人放棄左個位，你會有機會補上。所以，如果淨係收到自二offer既家長，要到7月26日先知最終係自一定自二。
即係就算我TAKE咗自二OFFER，最後都可能係入自一?
係呀
睇好多都偏向"直資",唔反對"直資"資源係多啲及所謂"輕鬆"啲,但真係咁早知道小朋友入了"直資"就真係會好?
不過都係一樣,升咗邊一間中學(不論直資或津貼),小朋友讀得好就得.
真資個間都ok既，符合我預期。近年口碑唔錯。
好糾結呀。。。
咁你本區有無好嘢? 位夠唔夠?
你又想唔想繼續比學費? 定想搏免費?
終於搵返呢個post
我個仔自一自二都收左，兩間都係B1A 中學，好好彩…
我緊張左兩個幾月，成日失眠，終於安樂晒
希望大家都加油，7 月收到大家好消息
4個讚
恭喜你呀！你同仔仔都好叻！
叻仔呀
恭喜哂！請問介唔介意講係邊區？
自行可以跨區喎，住邊無乜影響