我個大嘅K3中英文距離真係大到嚇死我…佢真係個啲K3睇Harry porter 但我完全開心唔落，個時佢中文係連繪本都唔肯睇….啲咩人人都愛嘅屁屁偵探都無興趣。
再到升小一，中文老師執字執得好嚴謹，佢對中文更是避之則吉。我個時真係愁到一個點，又無辦法無時間理到佢，加上佢又開始有主見，我無佢呼，只係好後悔做乜佢2/3歲時我咁著重英文（但又唔係做左啲咩，只係睇多啲英文書，聽audio咁，不過中文無特別落苦工都揀書就真嘅）
好好彩，去到小二遇到好嘅中文老師，佢又見同學睇大福跟住睇，一口氣睇晒50幾本，我先安心晒，終於唔係中文文盲啦！
Sorry 樓主我發覺我離題了….總之…呢代學中文好難…
哈，忘記回你呢句，我都係！一路聽audio或睇卡通片先知自己原來一路讀錯個字。
仲有，經過幾年每日講起碼兩本英文書，同迫住聽audio, 我老公有次聽到我同overseas同事講電話，話我英文講得好聽好多（我平時對大陸客多）
我大女未用過，今年16 歲、2020 先移民歐洲，而家已經懂5 文4 語。
有時學語言除天份、語境，係一個唔怕錯嘅膽，另外乜語言都一定要由基本學起，特別係文法，可以搵D 佢哋喜歡嘅題目，吸引學果個語言，從而就會多聽多講。
而家咁細，母語比較重要
好認真咁講，唔洗買果d貴教材。
經驗分享，我小朋友而家6歲，大概喺18個月開始比佢上英文playgroup（外籍老師），每星期一堂。
大概2歲開始，每日有15分鐘睇全英文卡通（當係係peppa pig為主）
小朋友喺pn同k都係班內英文好嘅一群，咁去到K2，我都想佢英文對答上再豐富一d，咁就搵左online class（1對1），每日上30分鐘，我同老師講左以日常生活用語為主，唔洗特登教d好深嘅生字，我主要想小朋友喺聽講更進步。可能因為1：1，所以講嘅方面係更進步，喺短短幾個月已經進步左好多。（online class已經上左大約年半）
另外，每日都要有睇書嘅習慣，可以學習更多嘅語句同生字，我以oxford reading tree開始，另外都有買First Little Readers（當時我上網買2手，會再平d。“我係窮媽，唔買貴野
”），First Little Readers以一d重覆句子為主，例如I like running. I like drawing. I like…。最開頭嘅書本都係以呢類重覆句子為主，所以可以學習到句式。 咁而家已經6歲，所以開始會比佢揀d佢有興趣嘅書，例如Dog Man。佢會睇到卡卡笑，所以我相信佢係睇得明嘅。
利申返，唔係想推薦小朋友用緊嘅online老師，請自己網上搵適合。如果上網搵平台，我會建議搵d係可以自己揀老師，同埋係可以穩定同小朋友上堂嘅老師。另外，唔好join d要買好多堂嘅，以免有損失。
我個老師係可以逐堂比，不過到而家因為已經熟左，我就會每次比10堂。
dwe係靚既，但我覺得可以睇定d先買
幾好幾貴既教材都需要伴讀，等到佢識抬頭識揸玩具可以買sensory布書
再大d可以買baby all/bling bling點讀聽英文
等到唔會再食書搣書，買成套ort都仲平過dwe 
出左世，搞掂餵奶換片個啲先啦，忙到你一頭煙，有時間都只係想瞓覺
大概歲半就睇得出小朋友係好動定文靜，文靜就會聽下你講故事，同你睇下書，好動嘅話，你就要諗吓活動教學，到時候先諗點教仲好
不過現家點講你都未必信，當年我都係㗎，心諗會有幾忙幾攰，點知到湊個下，就真係
唔需要覺得港式口音就有問題冇信心。你係香港人嘛，香港人有港式口音係正常同埋冇嘢值得自卑。大把英美當地出生嗰啲南亞人都有自己家鄉音，冇人會歧視佢地口音，只有佢地自己歧視自己口音。就算依家，唔少香港小朋友阿爸阿媽都唔多識英文連大學畢業都未必有，仔女一樣講到英文。
除非香港讀啲九流小學中學 (e.g. XX 商會學校、潮州XXXX) ，然後先送去外國讀書而你又唔栽培佢，否則根本唔需要擔心語文唔好，小朋友好容易適應。好多大陸人台灣人冇點讀過英文就去外國讀書，最後都生活得好好。網上大把免費資源，你肯擺時間諗下點樣運用就得。
題外話，如果係小學畢業就送去外國讀書/國際學校咁就可以 gogogo 全英文，但你等中學先去咁就建議唔好諗英文咁多…一科中文都玩死你。呈分中文廢的話好容易入唔到 Band 1，Band 2-3 嘅英中非常少，有的話你都未必肯入，到時候讀中中死得仲快。
依家諗其實都冇咩用，因為出世之後大把嘢忙，搞得掂餵夜奶換片唔病已經係 perfect mum。
小朋友只要住係人人講英文嘅地方，洗乜驚佢英文追唔上？反而你教多啲佢講廣東話，因為英文好易學，廣東話中文好難學。
絕對贊成，同樣英國人，唔同地方都有唔同口音。我覺得個字讀得準就得，呢方面可以諗下學phonetic 音標。
背景相似，我兩公婆都係普通本地大學畢業。
我冇買過有系統嘅英語教材（包括Oxford tree)，只買不同英文書、比個女聽Audio book、睇英文動畫（唔同時期睇唔同卡通，冇分口音），當然有讀私幼（依家都係英小），不過從來冇外補英文或參加任何學術班。
阿女K3已開始睇Rainbow Magic同Secret Kingdom, 由最初唔太明到慢慢識多咗字估到意思，到明晒講乜，過程好快。到依家P2，已睇Heidi, Secret Garden 呢類小說。不過佢鐘意聽Audio多過睇，尤其the jungle book果類有埋音效嘅就最鐘意。
我覺得只要比得夠多英語環境聽同睇，小朋友自然學到。到返學有人互動就事半功倍。屋企我哋分得好清楚，我同爸爸只講中文，姐姐就只識英文。但當然佢同你講英文你都要答到咀有互動，但我就好少主動同佢講，因為我要幫佢嘅係中文，唔係英文。
補充返，一開始我用咗好長時間陪讀，包括中英文。我覺得陪讀極重要，無論對培養佢讀書興趣定幫佢建立字庫都係。
題外話，比起睇書，依家另一個更煩惱的是寫字
比起睇書，要令小朋友鍾意寫字更困難
不需要買，有錢都將來用來買書
好多謝大家回應呀！ 咁睇嚟我都唔使諗依家買呢啲教材，慢慢學下點湊b餵奶先仲好
明白多謝分享呀，想請教你audiobook 你係邊度搵source? 比起點讀筆會唔會冇咁大自主權 令bb冇咁大興趣聽呢？
Audible
其實你Google Audiobook有大把選擇。
點讀筆係佢主動點，audio 係佢被動聽，兩者功用唔同。你要個兩三歲小朋友坐定定睇一個鐘書好難，但開住audio佢可以周圍走邊玩邊聽，唔好以為開audio都要坐定好似睇書咁。
我個女啲聽力係咁儲返嚟，佢聽英文就好似廣東話咁自動入腦，根本唔洗留心聽都知講乜。
再補充，我以前跟學校買點讀筆，我女唔算特別有興趣，同埋點讀筆好強調個別生字。佢聽Audio或睇卡通片係成句咁學，聽完會成句用返出嚟。
即係以前啲人嘅聽電視同聽收音機
聽住學好易入腦
就好似我以前會考果段時間會聽路芙同潘少聰，溫書啲嘢會唔記得，但佢兩個講啲故事我就入晒腦
呢個白痴行為我做過，真係後悔到而家
圖書館可以借CD
有 2 個小朋友或以上一齊用同識得運用的話，套教材 OK 的，但普遍人買嗰陣都係得一個小朋友，加上唔識用佢黎教所以係浪費時間金錢。用最原始最熟悉舒服嘅日常生活最適合普遍家長。