你到咁埗定仲未啊？
我都識早到十年港人，琴日一出po 啲盤半日冇曬咁滯
咁又唔係咁講啊，正常你想去果區應該都會上網搵下果區有啲乜，邊個區好啲咁，同埋過到去，搵間地產鋪望下都好啊
租bnb始終貴過租樓。現在不比一年前錦容易租到屋同，分分鐘要延長住bnb。仲有要帶住細路周圍睇屋始終不方便，如果有信譽好的agent幫手出發前已經租定屋，我覺得會較好。
幾個月前有班人係這裹開post，內容大致「隔山買牛」，我懷疑係agent嚟搵食㗎。
1個讚
係邊個Post?
有會員係度分享過佢係搵當地非香港人agent公司，好似幾好咁，但pm極佢都唔覆人
聲明一下，我唔係話香港人奸，我都有朋友做呢啲agent。
但作為一個正常返工嘅agent，無論香港人定非港人，都想正當賺多啲錢，都會正當講價。
但你好難和香港agent講價，因為佢知你因為政治，因為學校，因為開銀行戶口，你會急著搵屋，你嘅講價籌碼好少。
但非港人無知咁多嘢，唔識壓你價，你會易啲講個好價錢。
另一方面，正當香港人agent識廣東話，好多英文唔好嘅香港人會搵佢地，佢地大把生意 ，唔會湊你就你。如果你自問英文ok，就唔好同人爭。但非正式agent，就好講個信字，你要識人先好搵
1個讚
係架，英國人做嘢係咁。要試好多間
明白，多謝你提醒
冇收入，min 要比1年租
一年超碼十萬港紙，博唔過！
1個讚
我都係覺得, 隔山睇/買牛, 好唔… 實在, 因為想睇埋周邊環境, 配套
真係要搵定幾個心水位置, 呢邊無, 就睇下一區
我理解想一早準備既心態, 但計劃跟唔上行程, 咁不如做多幾手準備
1個讚
我自己揀咗先租屋，因為好多當地業主好睇信用，海外人士想租，如果有其他當地人有興趣的話，一定唔到你！我地先揾到個留學生幫助做viewing 同聯絡 (GBP50 for each viewing)
我租時遇過以下情況，
(1) 想約viewing，睇要先填資料，screening 完先有得睇
(2) rightmove 放第2日已經fully booked
(3) view完，apply咗，無聲氣
(4) view 完 apply咗，agent 話業主2揀1，佢揀咗見過面嗰對couple (我有主動提過可以安排"見過面"架
為咗增加自己機會，主動offer 多GBP50-100，亦同一位做開管家服務嘅agent傾開，最少要加GBP100 先有機會
最後，我apply 咗一間放咗rightmore 超過一星期，頂樓 (3/F) 無double glazing 但新裝嘅flat，實用過千呎兩房，終於有回音！佢亦無要我話加嗰GBP100
我前後揾咗兩個月，阿女學生幫我view咗過十間flat，會空租兩星期，同响該區airbnb 租1個月比較，應該係差唔多或平少少
bnb 就蝕幾日，但住屋三尖八角就成年
1個讚
請問，如果你揀，會揾真正soucing agent (當地based公司，港人staff)，收1300 磅，6 viewings ;定系早到港人(非公司)，收半個月租的佣，都6 viewings，
service 似乎差不多…
我已到英國，亦已住了半年。
我當時亦係俾了錢香港人agent（1100鎊）幫我租到一個單位。 我自己覺得，俾錢前佢講清楚佢的收費同包咩內容，我又唔覺得佢欺騙我，因你情我願，只不過英國不嬲租戶不用俾agent fee 而感覺不值。
好處係：我有2個小朋友，一地埗就直接去住的地方，不用搬來搬去，而且我係到埗前1星期前起租，有租約地址，所以可以用地址報定學校，GP, 訂定日用品傢俬等
唔好處： 要俾agent fee , 冇得親身睇，但我agent會拍晒成間屋 （包內內外外），再加上我有朋友在附近，我再叫佢幫下眼望下附近環境，暫時住落都ok。
純分享，我自己覺得用落地agent係可接受， 因為真係好方便，尤其有小朋友
1個讚
我6月中到，都搵咗sourcing agent幫我搵屋，我都係有兩個比較細嘅小朋友，真心想過到去盡早settle好，唔想過到去仲要帶住佢哋搵屋。所以有啲錢我覺得真係需要俾人賺嘅
yes,我就系帶住細路唔想去到更彷徨，thx, 我contact 個後生仔agent 好似都幾熟果區同學校，其實如果系hk 如果要過錢比陌生人就會很很很很小心，e家在外地要人幫就少少覺得搏一鋪…
同意，我雖然得一個細路，唔想佢覺得去到外地周圍揾地方住，成個環境困難重重，希望細路仔都有個好印象，樣樣ready 不比hk 差…
覺得啲錢使得值就得，有人先經agent租樓，有人先住B&B熟習環境
1個讚