我一見到佢哋會嗌，有海報會衝去影相，九成劇會追，算唔算fan?
不折不扣的鏡粉，既是神徒，又係姜糖，柳炒，unicorn ，皮寶寶，小虎隊，生粉集一身 
由男排女將開始留意佢地，之後由造星一到mirror go 睇哂，再睇埋舊年演唱會，完全入坑 
1個讚
你中意佢既乜嘢呀？純粹好奇
1個讚
樣，我承認我外貿協會，跳舞同rap幾型，講野又幾得
其實齋講樣，Frankie同AK都係我杯茶
3個讚
佢個樣都中左我杯茶，
同我覺得佢講嘢係思考過+有深度，但有時又好有喜感，
佢最近既ig post 係笑到我傻咗
1個讚
煲返佢哋造星啲片，由一見鍾情KT and 193 變成鐘意AK 同 Dee Gor 
1個讚
我由自肥開始留意error，之後睇番全民造聲再對mirror好感，覺得一班年輕人真係唔係講笑，好有熱誠，同埋mirror特別既係，個個都好識諗，有禮貌，特別考古睇番姜濤17歲參加《快樂男聲》，已經覺得佢好識講野，謙虛。
佢地d歌好聽，ian，jer，姜濤對自己音樂好有睇法，欣賞佢地。
1個讚
我自姜濤攞最受歡迎男歌手開始了解下佢哋係咩料，之後發覺真心正，年紀輕輕目標明確，對自己作品有要求，什至希望香港歌手衝出亞洲。其後edan，AL，Jer x2都慢慢彈起，啲歌好好聽，男排女將，大叔的愛好好睇，佢哋令我睇返電視，聽返香港近期的流行歌曲。
但我係鐘意error多啲，會買佢哋產品
因為error 每次出場都好搞笑，頭先睇chill club 都好投入。
最後希望mirror 的虎仔有多方面發展。
3個讚
Dee gor 真心正，拍戲唱歌都掂
1個讚
我都like Dee哥, 但佢唱歌唔掂㗎喎, 係做戲同跳舞好叻
2個讚
我係因為當時未夠5歲既女成日唱矇著咀先開始留意
因為日間睇viu佢會聽到
之後作為阿媽既我想了解多啲，所以展開一系列追mirror 既節目，同兩個女一齊認識mirror
我唔算鏡粉，阿女自有喜好，但睇完佢地既節目，真係，12個都鍾意。
1個讚
虎仔輸蝕在身型，同埋我覺得佢好內向，唔多野講又係蝕左，佢應該要為自己爭取番啲野，不過佢好似將會拍電話劇，因疫情未開拍，希望佢拍完套劇好似Franklie咁，Never令人印象深刻。
2個讚
虎仔跳拉丁真係好charm
1個讚
其實虎仔講嘢叻咖，話無虛發，睇佢最近同Edan , Jeremy 開live ，有來有往，佢係Alton D 片都唔算靜咖，12個一齊時可能覺得佢靜D 。
2個讚
12-1=0
鐘意12個人各有特色，造星2 時AK 聽到話重組嬲到爆黑面，話加人減人都唔會再係mirror ，姜濤都講過無人可以𠝹開佢哋。
1個讚
Alton 靚仔咗好多，12個裡面，由造星到而家 講外貌佢 improve 最多，（咁其他嘅本來都好sharp 靚仔嘅就係keep 住咁靚仔啦），當然唔係整容啦（佢地成日出現邊有時間整呀），化妝、髮型同識就角度、加埋行緊當紅嘅運，真係會唔同。
Mirror成立初期真係覺得有幾個好岩慚：Jer, AL, Alton, Jeremy, 但而家覺得佢地都各自有自己嘅魅力，除了AL我依然好頂唔順
而家佢地出團歌、solo歌、節目都會留意，不過我就冇入任何fans club, 冇買應援物或突登去打卡
3個讚
我唔係鏡粉，但由造星時已經留意同欣賞Ian，不過冇睇男排女將，但有睇大叔，所以我覺得自己唔係粉
Li排坐月日日開YouTube除咗主動搵Ian嘅歌，就唔會主動搵12子嘅片同歌，但YouTube隨機播到都聽吓睇吓
不過我覺得好得意係我陀緊b時，冇特別接觸12子嘅嘢，但唔知點解經常夢見姜濤，間中夢見Eadn⋯⋯到時而家生咗，有時會夢見12子入面幾個，每次都唔同人
1個讚
我喺唔課金純睇節目聽歌嘅鏡粉。
我喺好怕啲麻煩fans，我追mirror新聞追得好足，會睇到好多mirror fans攻擊人，甚至攻擊mirror其他隊員，搞到我自己好唔開心。所以我鐘意mirror都無入mirror fans club，只入Error嘅，Error fans會互相扶持。
所以我最欣賞Edan，佢喺最敢管理fans嘅人：fans罵Hilliary，Edan會comment阻止。fans罵MC，Edan又開live叫停。
2個讚
佢真係差左太矮，我鍾意佢輪廓，同埋削得黎又有剛陽味，如果有青春劇，佢好啱做。
但要操番d身型，或者走陽光男孩路線，始終後生唔行青春就浪費天賦。
1個讚