由FTW到FTM，已經有10年時間，重心係屋企
好似有d難以置信，雖然我老公負責揾錢，我係一個師奶，但其實我先係屋企個火車頭
家中買樓賣樓，裝修工程全部由我一個人負責
（即係幫屋企增值），呢方面嘅知識+經驗我已經幾專業下。
平時照顧家人飲食，唔係求其煮食飽就算，除色香味外，我對食材營養價值都好有研究
作為一個師奶，插花/整包/整蛋糕呢類當然唔少得
近呢幾年小朋友大小小，我會有返多d時間私人時間，可以多d focus下自己，之前減肥+做weight training+ 瑜珈，呢幾年keep到身形，皮膚保養+化妝就一路有做。
2021年開始學埋正統風水術數，由初初一星期1-2堂返返下變一星期6堂，變咗full time student，part time mum咁
呢樣嘢對我黎講係一個人生好大的分水嶺，一言難盡。自己做風水，同亂咁請人黎做好大分別，有d業內嘢，真係要係個圈子內先會明。
風水對我黎講，除咗可以保障到我地依家平安健康外，仲幫到我老公事業上嘅衝刺。屋企+佢Office 我都會擺嘢催吉避凶，效果好明顯下
近呢半年自己食多咗素，由自己入手改善「福德」