幫手供都仲好d，佢係租咋
大家反應嚇到樓主潛晒水
你出嚟講兩句先再傾到喎
我教你一個台灣用語 “自助餐”
XD
匿名好似有留言限制，可能過咗要等第二日先可以再留言。
其實呢度反應先係正常人wor,
我真係未見過樓主呢類香港女仔好多年
唔係咁死嘅，付出應該係按能力。
例如我老公搵得多過我，屋企開支大約係佢七我三，但佢剩低份糧都仲多過我，所以某啲時候我洗多咗錢，佢會出多啲家用，比我留多少少私己。我跟阿女教育就投入過佢，亦做得好啲，所以呢方面佢就會放手比我處理。我哋會響唔同範疇各施其職，所以好難量化個付出。
我覺得呢啲係建立於互相尊重同信任上。自己選擇同個男人成為一家人，建立一個家，就唔會計教係咪自己出多25%力20%錢。計到咁死，好難走落去。
3個讚
21世紀，仲要係香港，而且點都起碼接受過九年免費教育，竟然話結婚要男人負責晒住屋開支
我自己有個女都講唔出呢啲說話
5個讚
得罪講句，你計到咁清楚7成3成，咪一樣計到盡，一樣係aa
2個讚
傳統女性係屋企有危難時，會變賣嫁妝（ie 金器）共渡難關，我唔知樓主做唔做到
1個讚
都唔係啊
都見過好耐無拖拍嘅係咁諗嘢
Thatsa why無拖拍
個post查實好膠
都唔係
只不過唔會開口講明咁解
現實生活中我都認識呢類人 佢地真心認為自己需要全方位被照顧
佢嘅錢即係我嘅錢 我嘅錢即係我嘅錢
其實細心咁睇 樓主話 雙方有樓 係家人剩落 而自己媽媽仲健在而且住緊
所以根本唔存在“剩落”呢個condition
生勾勾當人“X”架咩
4個讚
根本就係習慣靠屋企，屋企有樓住，已經解決左生活嘅一大難關
而家兩個人話要移民，冇得靠屋企，男嘅想女幫手都係正常，女嘅就仲係想等人照顧，唔願意付出多啲
如果仲係唔想跳出comfort zone，咁不如唔好諗移民，安心留向香港住父陰樓咪好囉
真係的起心肝要移民，就唔好再用以前向香港果套生活模式啦，去到外國乜都係靠自己，點可能仲倚賴個老公咩都負責晒
12個讚
其實我做女拍散拖時都係咁，要男友全方位照顧，出街食飯係佢俾哂，覺得對方要有樓最好唔洗我做。
但當真心想同另一半結婚行埋下半世時突然就唔係咁諗，會面對現實自發性體諒佢，到生埋仔女時就更加覺得維繫家庭唔可以計較咁多。
樓主如果心態唔改變下，到正式結婚同住後可能會成日有衝突。
4個讚
樓主寫得長文，一一列舉左自己既諗法
下一步，可唔可以試下再了解多啲未婚夫既諗法
之後可以搵張紙寫清楚唔同既模式有咩優點/缺點（用列表方式去寫），咁樣一寫可以再整理你既諗法
我唔知你未婚夫鍾唔鍾意睇文字，但呢個方法係我同我老公暫時用過比較有效既溝通方法
大家想討論既時候，就拎返張紙出黎睇，逐點去溝通，慢慢再尋求共識
如果樓主係靚女，我覺得唔難理解，都真係可以搵個
符合要求既老公。
1個讚
係, 我𡃁妹時夠覺得自己係公主,
但做人就係咁, 生活就係柴米油鹽,
最怕唔係老去, 而係只有老去, 但無成長
3個讚
做老婆要比人縱，睇到真有點
今晚我又講下先
咪係，簡單講，樓主依類老婆只可以共富貴，唔可以共患難
不過既然樓主咁計較，就直接同老公講，等老公睇清楚都好嘅
好同意成個post所有comments
樓主期望無錯，係唔現實同唔成熟姐，我諗你本身出身唔錯？所以對擔起頭家無咩概念，嫁人唔等於做金絲雀，除非你另一半家底豐厚又唔計教先得，而家為個瓦遮頭都咁計較，咁第日要生小朋友又應該點計呢？
其實你男友要求真係好正常㗎，再同佢傾之前，先問問自己有幾愛佢，願意為兩個人將來付出幾多？
1個讚