所以我都話上奶係唔知體質定同佢產品有關
不過本身我乳頭好硬同乾，但用完佢嘅乳墊係見到分別
我冇飲炒米茶，因為產後去醫院跟進咗兩次，兩次都俾護士話我太多奶，唔好飲炒米茶
我女都輕磅，而家兩個月都係係生長線3咋
睇嚟我要學你食多啲肉，我第一胎真係咩都唔識
好似我li d第一胎咩都唔識，身邊又冇乜朋友有經驗可以分享，都係上網睇人介紹，買嘅時候都有猶疑，因為真心唔平
其實d準媽媽都係希望俾到自己同bb有好嘅嘢je ，但話幫襯嘅人係水魚又未免難聽咗少少
因為好似講緊我哋li d用家好蠢好on9（好啦….我認本人俾咗五位數字，所以比較玻璃心
）
咁對你有用嘅，比左錢有效果就ok
我成句係話佢釣水魚，唔係話幫襯嘅人係水魚
你唔好自己亂咁諗唔開心
餵人奶心情都好重要
我自己都係第一胎，又係咩都唔識，我仔嗰陣輕磅我都好擔心呢樣嗰樣，明白心情會唔好
你keep住食多d野，你bb又食得訓得，自然會重
加油
1個讚
你用左而有效 啲錢已經係值得啦！
2個讚
嗯⋯⋯雖然我唔係好明「佢釣水魚，唔係話幫襯嘅人係水魚」，有咩分別，不過都唔考究了
唉….我前排真係成日亂諗嘢，冇啦啦就喊，但最近去完通乳心情好似好咗，又冇乜嘢，可能多番奶，埋身餵個陣又冇咁痛
我坐咗半個月嘅月子，之後我先生返工，得我一個，呀b又成日扭計，所以好多時一日只食兩餐，仲要有一餐可能係公仔麵，真係好唔健康又冇營養
我全埋身，夜晚呀b扭好耐至瞓，一係瞓一陣佢就醒，我完全唔夠休息勁攰
我b其實有keep住重，但長期喺生長線3，護士話呀b可以人奶放題，呀b一喊，我先生就話呀b一定係食唔飽，但又話前奶係凍嘅，要擠走唔好俾呀b食，我真係睬佢都傻，佢都唔明母乳每滴都好珍貴
我哋一齊加油 
出發點問題，即係我話我好鍾意打風，你話我黑心因為打風d基層人士要返工好危險唔注意佢哋感受一樣。
認真，休息同食野都真係好緊要，你睇吓四大長老有冇人幫到你
食嘢真係要多啲原型食物同飯，對你自己身體都好啲
我嗰陣係被迫要泵奶餵樽，每日埋身一兩次，因為要睇住BB每日食咗幾多
但好處係叫做有人幫手餵下BB我有得休息
同你老公溝通下人奶嘅重要性同埋你嘅努力，佢明白佢安慰一句比起我哋講10句都重要。
Hugsss
我都冇工人都係淨係得我同老公兩個，呢四個月都係捱出嚟
1個讚
我得番自己父母可以幫吓，但我媽唔係經常得閒幫我，好彩係佢嚟親都會買定餸俾我自己煮，不過有時呀b一扭計，我就搞到早餐變下午茶
我老公係聽佢個國內做陪月嘅親戚講唔好要前奶，話因為係凍嘅
佢親戚又係咁叫我老公夜晚個餐餵奶粉，呀b可以飽d，唔使半夜起咁多次身埋身餵，佢出發點係好，但我覺得呀b肯食母乳就唔想溝奶粉，我一直堅持唔肯，我老公都冇再話餵奶粉
我嚟緊返工，都會泵奶，只怕個量唔夠呀b食
除非係肚餓肚風凍嗰d生理需要，如果唔係由佢喊啦，你食嘢照顧好自己先
我嗰陣都係咁，由佢喊佢會自己訓，而家我仔喊5分鐘至十幾分鐘就停，好少扭計
我試過佢扭計，搞完佢先食凍左嘅外賣，結果淩晨嘔左三次，奶量跌咗三分一，(我其實唔擔心個量，係擔心埋身出奶速度)
又係之後要狂食飯同肉先追到，所以記住錫住自己身體。
如果無辦法，叫外賣揀d有肉嘅飯
例如豬扒飯，牛肉飯嗰d
我都無溝奶粉呀，都重得好好，
你BB夠濕片同便便就ok la
同埋輕磅BB細，個胃都細，係要密密餵
我以前個幾兩個鐘要餵一次，一日要9-10餐，係同其他大隻B照顧方法唔同無得同人比。所以餵得密好正常。
同埋唔好盲目追奶量，泵出嚟嗰啲都係你身體嘅營養例如鈣質同鐵質嗰啲，夠比BB食就得，多咗出嚟要倒或者沖涼真係好浪費好傷身。
要追就追奶嘅質素。
點樣為之重得好
我b出世2.5千克，滿月時3.4千克，兩個月時4.1千克….算唔算重得好？
我b濕片量夠，但唔係成日有便便，不過問過護士食人奶唔係成日有便便係正常嘅
我冇盲目追奶量呀，只係想泵出嚟嘅夠佢食
我未叫過熊貓、袋鼠個d上門外賣，以前多數落街自己買，而家湊住呀b都冇落街，有時冇餸就薑醋撈飯
都係聽醫生講同觀察生長線嗰d，我B一出世都係2.5，兩個月4.6，三個半月過6，醫生話叫做上返25生長線可以一日6餐都ok
我上網睇片都係話人奶B易消化吸收，有啲會少便便，有啲會一路食一路屙。我B就係後者，之前都驚佢咁樣屙吸收唔到
你呢個情況都係唯有叫上門外賣，叫佢掛門口又可以減低中招風險
好勁呀，我都希望3個月可以有6啦
我b而家一日都係食6餐咋，佢唔算係好食得嘅bb，護士話佢係細碼b
其實都係數字遊戲，爭嗰少少都唔差太遠
你睇完護士話無問題其實都已經好足夠
反而真係照顧左你自己身體先，媽媽要開心同健康，先可以長時間照顧BB
你見我一路都唔係好擔心你BB，係擔心你食嘢同夠唔夠休息，因為大家都做人媽媽
1個讚
護士話呀b可以母乳放題，佢想食就俾佢食
多謝你呀，我會多啲關顧自己嘅身體
今朝同你傾完，頭先趁先生喺度，我都煮咗飯食
P.S. 你sd俾我條link開唔到
要將wtsapp 呢個字轉返全寫what s app
都唔得啵
未去過嘅人唔會相信
去過嘅人都未必會相信
係要跟足佢地用完嘅人先會開始相信
體質雖然有影響，但絕對唔止關體質事，我一向睇開中醫，體質唔錯，第一胎亦好快上奶，但半人奶，每次餵1個鐘，第一胎咩都唔識，今胎先跟fd去珊珊，唔係fd，我未必相信佢地，直到我生左，我先開始相信佢地，如第一胎一樣快上奶，唔同係半人奶變全人奶，乳頭乾變乳頭軟，每次餵1個鐘變10分鐘左右餵完
我情緒唔好變心情好好多，所以我覺得同珊珊孕婦哺乳胸圍同乳墊係有用同有關係
我都認我生後係有繼續買左佢地好多孕婦哺乳胸圍同乳墊，雖然佢地話之後唔使用咁多，但因為我覺得好好用同好有效果，除左bb食得非常好，著左佢地胸圍我胸形冇比第一胎細，係荷包有d傷，不過係值嘅
1個讚
真….要跟足佢教嘅咁用先會信
1個讚
嘩邊夠你嚟呀
4套最多嘅package 即係最少16萬買 bra同底褲
抵到爛呀！
你錯喎…
你使唔使咁講野呀…係咁攻擊我地呢啲用家
唔係16萬，我買日著嘅胸圍最多嘅1套，夜著嘅胸圍1套，乳墊2套，共4套，5位數…
我最初買4位數， 最小package 10個左右，4位數…已經有service…而唔係你所講最小20個up先有service
所以你又錯…
我之前著開葆露絲，2千幾至3千幾一個胸圍，買左幾個都要5位數，幾個月又要買
我咁樣對比，珊珊又著得我有效，我都係分享自己經歷姐，大家都係媽媽，都唔洗句句有骨影響大家心情…
2個讚