咁唔得就唔得，點迫？
我夠想好似李+×咁有錢
又唔係封建社會，唔使咁階級觀念呀。
個人經驗，係碼頭做咕哩拆緊櫃又或係十大富豪 board meeting坐緊既時候。
真正鍾意自己既人就會鍾意，並唔會因為物質或地位而改變。會因而離去既酒肉朋友，也不可惜。
做返自己便可，不用自卑也不用自大。
所以咩身份背景既朋友都有，來到英國後都一樣。
聖經故事都有講，富翁同詩人這對朋友，遇災前係富翁接濟詩人，災後反倒是詩人靠技藝養活兩人。只有內在的學識及技能永遠跟身，唔會因時運而突然失去。
6個讚
我有個親友喺咁，佢喺我偶像，所以我想小朋友都喺咁。
呢位親友表面上喺度社會厭惡嘅宅男廢青：中五後讀唔成書，被迫出嚟做嘢，換過幾份散工後長做速遞。唔單止無女朋友，連男性朋友都只有一個，其他朋友就喺網上邊，同埋公司見到隻貓。
但喺佢一出個幾千蚊嘅糧，就將成份糧擺喺台，同父母講「鍾意幾多就攞去」。佢嘅愛好只有動漫打機，唔行街消費，每月只用兩三千蚊。無論親戚點樣笑佢喺基，佢都毫不在乎，尤然自得咁生活。佢好鍾意份速遞工，因為唔洗點見人，純用體力。工作上佢負責任，客會成日送禮多謝佢。
未有躺平呢個字前，佢已經喺香港嘅低欲望代表。
10個讚
勿忘移民初衷：小朋友健康安全愉快成長，唔被洗腦
做到已經好足夠，佢大個會多謝父母為佢犧牲
4個讚
不過呢個唔喺我一家嘅移民初衷
我移民喺主要為自己，不過咁啱英國都好適合小朋友。我主旨喺唔為小朋友犧牲，佢自己未來自己負責
5個讚
一個用雙手自己搵錢，唔做壞事嘅人，做乜我都敬重
4個讚
成個亞洲都喺咁。我個人推論喺，
1.亞洲國家對人民保障少，所以市民要靠自己努力讀書賺錢保障自己
2. 歐美國家缺乏藍領不缺白領，唔需要咁多高學歷人材，讀書不是唯一出路
1個讚
我都聽過差既state school 係可以比香港band 3更差、因為港媽始終生得少同唔會放養。你老公係咪都係食物鏈上層、所以望子成龍吖、或者有啲independent school 無咁谷呢
亞洲嘅觀念，要讀書，仲要一定讀搵到錢嗰范。
好多人離開都放唔低呢種思想，外國嘅快樂學習，除咗學習知識上嘅，仲有社交、處事、唔同技能，甚至搵自己嘅夢想。亞洲好少人講得出自己人生真正想做d 乜。
3個讚
佢咪又喺公屋出生，不過靠自己努力爬上去。所以佢成日悔恨當年父母無投資喺佢教育上面。
我都想搵無咁谷嘅independent school ，但除咗特殊學校，暫時未見到。
一場嚟到呢個世界，係咪應該樣樣都試吓呢？好多活動都唔駛點用錢，例如行山，踢波，海灘游水，自學結他，畫畫…？ 年輕就「個人生活躺平」，其實係咪對生命無熱誠，無期盼？跟「政治經濟躺平」對抗不義嘅意思唔一樣.
4個讚
我朋友以前係讀全區最差嘅 state school，佢話 sixth form 嗰陣冇老師上堂，因為學校唔夠經費畀唔到錢老師教書所以大半年都冇老師佢要自學，亦有好多人走堂出去玩同吸煙。好彩佢好乖好有書緣，全級得佢一個入到 russell group，第二叻已經係普通嘅二線大學。
香港 band 3 就應該唔會有堂冇老師（點都搵人頂住代課自修），所以都冇乜機會走到堂，亦應該冇可能離開到校園。
1個讚
唔知樓主咪純粹求其講一個例子, 唔係好認同樓主。
好多時太細個未識諗, 都要俾個大方向佢, 話佢知個世界有咩嘢玩,
成績唔係最重要, 但都要拎個平衡…
小朋友咁細個未了解到自己想要咩嘢, 再大少少有啲目標, 未至於太無得揀。
4個讚
咁可能係佢想心理補償、如果小朋友受都無可厚非、但不能勉強啦
藍領係外國活得有尊嚴d、唔止學術一條路既
我都係咁聽過師資好參差、吸煙都算小事最怕吸毒、講真讀唔到書學下手藝無所謂、惹上不良習慣就大鑊
吸毒呢個有聽過。我親戚個仔讀 independent school，有日返黎話校長叫曬所有亞洲面孔嘅學生去搜身睇下有冇毒品，原來有人舉報學校附近有個亞洲學生吸毒販毒。最後冇發現冇下文。
香港感覺對打擊毒品嚴啲。
英國虎媽唔輸蝕香港架，入下d local 媽媽谷已經知道
其實你老公講都係事實來，英國階級觀念重到死，精英教育咪又係英國人諗出來，要谷起上來唔會輕鬆過香港，不過而家英國有度好就係唔讀書去學門手藝都搵到食，讀唔掂書塞佢去學砌磚，實搵到食，但真係留意佢唔可以學壞，所以我傾向點都要搵間好學校俾仔女
1個讚
正呀，我都係咁諗！
我愛佢，唔代表要為左佢放棄自己，或太辛苦自己，我有我嘅人生，只係咁岩方向都一樣啫
2個讚
唔同意。