大家一齊加油
多謝你呀
我會加油
1個讚
樓主可參考下呢個短片及頻道
2個讚
我只可以講ivf唔係做一次就成功，最少要預備2~3次錢，真係要諗吓先好做
3個讚
以樓主財力，生仔唔去英國，或者去英國唔生仔，都已經夠難。就唔好再諗去英國生仔，自尋煩惱了。
其實嗰天幫你揀咗。你調轉嚟睇，其實可能喺好事：
如果你生咗仔，以呢個財力，就無法移民。
而家無小朋友 ，儲多陣錢，就反而仲可能移得成民。
有小朋友去咗英國，好多無小朋友嘅人覺得輕鬆，其實好辛苦。因為無工人，有一個人要湊仔，無得兩個人返工，要等到小朋友3歲返學先可以。
我都喺對不公嘅事唔順眼嘅人，好明白你想移民嘅心。有BNO喺好幸運嘅事，唔好傻豬喺咁諗啲唔屬於自己嘅嘢，反而把握自己已經有嘅嘢啦～
11個讚
我有D咁既感覺…
樓主只要挨得過 過去英國初期既生活問題
佢所希望既野 可實現既機會會高D
而留喺香港 機會係更加渺茫
就算俾你實現到 前路都可以用坎坷黎形容 (不要怪我太直接 因這是香港 一個咩都講錢既地方)
不論你兩公婆和小朋友 都不會有比較正常的生活
其實唔計有小朋友 只你倆夫妻 如在香港退休 生活都要預先打算
反而如果過到去 只要有工作機會又肯做 好多事情反而有希望
出外靠朋友 喺逆境時搵到朋友幫手係好需要的
希望你開拓朋友圈 早日搵到願意出手扶你一把既貴人
3個讚
唔好介意我咁講，10幾萬係香港來講真係好少好少，大人生活都成問題真係唔好諗有小朋友，解決左生活先，冇小朋友一樣可以生活得好開心
3個讚
時間不等人，我都好明白，依家無做野，會唔會諗吓去台灣or泰國做ivf，技術又好，又平d，又唔使頻密兩邊走。趁39歲試一試，touchwood真係唔成功都無悔呀。
錢，之後再儲囉。
我相信好多愛hk既人都有生bb，我亦相信好多比樓主經濟差既人都有生，因為其實身邊多數人都有小朋友，無理由個個都藍個個都有錢掛，所以真係想要就去試下啦。
努力呀，會有出路架，計劃下呢舊錢點用最高效，做多d research。
#我都未打針
#我都做緊ivf
1個讚
我意見都同好多人差唔多 所以唔特別講喇
只係想比d鼓勵你
－我睇你寫既野覺得你好humble 好肯聽人意見 其實咁樣意識到自己問題 聽人意見 已經好過好多人好多 亦都相信因為咁你做好多野成功機率亦會高好多
－睇到你同你老公好似有商有量 亦都一齊儲到錢 已經叻過好多人好多 經濟差可能人工唔多但都儲到依舊錢 已經好叻 唔好低估你自己能力
－ 你做左好多research 證明你係有計劃 識準備既人 雖然你話你學歷唔高 但睇你應對 對答 你有好多好好既quality，唔好覺得自己學歷低就唔會有事業 咩都唔會有 有時人生既野你估唔到 比d信心自己 就算最後你放手一博去英國 或者係香港 可能搵到比你想像好既工 最緊要肯做 唔好怕試 有d工唔好覺得自己學歷低就唔敢去試 字裡行間覺得你肯定係肯做既人
16個讚
台灣之前有諗過，但根本唔俾入境，所以連資料都無搵過
你係咪私家IVF?
因為我係排正苦
所以佢話要做就要2針先俾
1個讚
「其實個天幫你揀咗」呢句真係好大感觸，亦真係好似個天有曬安排，唔到我揀
不過我真係好感恩兩公婆都有BNO
2個讚
再睇睇其他國家，泰國，malaysia etc etc.
我好dd，因為睇私家，不過都排左政府，但我又聽人講ivf已經停曬，除非已取卵等放胎嗰d。但我都唔太sure，所以要等疫情回落，再排排排排排，都係等等等等。
你已排隊中？本身幾時見醫生？
我排到已經可以開始架喇，係依家佢地疫情停曬，同埋話要針2針+隔14日先俾做
多謝你可惜搵個喺英國嘅朋友都無
19年絕交嘅太多
1個讚
多謝你
我會加油
3個讚
以第三者角度，我當然會覺得樓主自己生活都未搞掂就生小朋友只會徒添煩惱，但我都諗起自己當年「不育」但又好想有BB嘅心情，真係會不顧一切⋯⋯
我當時係私家打左海量嘅針都失敗，ivf成功率都好睇你嘅年紀，醫生會話你知數據上都唔樂觀，如果樓主要試，都要比定心理準備自己係會失敗，到真係失敗又冇時間再試就接受現實，就呢世都唔好再諗。
2個讚
多謝你
面對不育再加上年齡39歲嘅限制
壓力真係爆標
再加上生活環境同財政⋯
所以我琴日崩潰了
多謝呢度咁多位絲打
其實香港養小朋友真係好難、尤其而家、反而去外國輕鬆下或者自然生到呢、樓主唔好俾高齡限死自己
2個讚
一步一步嚟
計劃去左英國先
Settle down咗生活
可能又會有唔同諗法
唔好喺香港生啦
兩個大人走同兩大一細走已經係兩回事
（寄家檔嘅錢都差好遠、兩個大人、你夠狠真係兩隻喼走得。）
諗下到埗你下下要拖一個細嘅東奔西走
萬一小朋友頭暈身㷫又點算
好現實、一定要保持身體健康
尤其係當銀兩唔夠
你連健康都冇、想捱都有心冇力
同埋關於生小朋友要考慮嘅問題
除左身邊睇到小朋友好可愛好幸福
有冇諗過、小朋友可與生俱來會有問題、例如SEN, ADHD,甚至係自閉？有冇諗過如果小朋友真係有呢啲問題、又或者最普通嘅濕疹、你地兩公婆會點面對？
我同先生叫做恩愛、但小朋友出世果幾年都經歷過好多睇佢唔順眼憎到佢死嘅時刻。而我自己眼見身邊人case, 好多「老公」嘅問題、真係生小朋友之後先出現。（你喺呢度爬下文、都有唔少。）
如果手頭鬆、有啲問題仲可以用「錢」解決、例如換大啲屋、請工人姐姐、有事立即去私家、出入的士。
簡單啲一個例子、小朋友突然發高燒、你飛車去私院睇、拎埋藥飛返屋企可能兩個鐘搞掂、你去政府醫院急症、隨時要攬住呀b三四個鐘仲等緊。
除左做ivf. 你又有冇小朋友出世之後嘅教養計劃？
唔係想撥冷水、但生小朋友係一個大決定、小朋友唔一定精乖聰明伶俐、要諗埋萬一發生啲唔係你預計嘅、你兩公婆會點面對。
15個讚
樓主，叉開少少話題
我見到HKTV mall 請派貨員，識睇中英文地址，中三學歷就得，月薪3萬
不過冇寫要唔要打曬針
如果未揾到工又唔怕要周圍去，做呢啲可以儲到錢
6個讚