咁你就要妥協，冇工返冇錢你就要去打針，英國一樣有工要求你打哂2針，特別係醫護護理相關職業，仲有就係移民真係冇得諗住，不如專心d搵錢草錢先，你得個10幾萬根本係香港生存都有問題，唔好諗住去英國叫做重新開始，你摣住幾萬港紙幾日就玩完要返香港啦
2個讚
叫做追曬post
生仔呢樣野真係擺埋一邊好啲
先唔講得十幾萬積蓄點生仔
樓主自己連打唔打金十都諗唔到
遲啲一樣要面對小朋友打唔打呢個抉擇
3個讚
明白，走佬應該未有足夠能力暫時唔諗住喇
3個讚
係
小朋友都要打真係⋯
同上面部份人諗法一樣，生bb同移民兩項都唔係首要，首先要解決收入問題先，儲到錢先諗下一步
世界聽日係點冇人知，處理面前既問題先
依家得2個選擇，一係打針返工，一係搵份唔使打針嘅工做住先
3個讚
如果決定唔打針，就唔好諗其他咁多，先努力尋找唔打針既生存空間，始終打左針係無人可以保證
我識得好多人都係愈想要bb就無，同心理壓力都有關。
4個讚
每個人都會經歷挫折，唔洗怪命運⋯⋯既來之則安之～
一啲努力過後都得唔到嘅嘢，我就會接受，然後享受自己僅有嘅事物，再搵一個新方向挑戰。
3個讚
今日心情太差，咁岩俾我遇到同路人
我個情況同樓主差唔多，但係我排到政府只肯同我做iui, 因為我個卵子指數極低，我一直諗住順其自然，到我就自有安排，因為我唔想俾咁大壓力自己， 我又係無打針，因為我上年年頭確診左有甲亢，我懷疑甲亢就係自己俾壓力自己，鬱出病來，但到依家我都控制得好好，我見有d人打完針後個甲狀腺指數升高，眼突頸腫，所以我先唔打～
本身諗住一月辭工就準備做iui, 點知醫院又話要睇我最新個甲亢指數係咪正常，有報告先做得，到二月又話因為疫情停左做公家症，4月尾先回復返可以做，到我5月頭又話我無打針，住果度14日內有確診又唔做得，我覺得個天好似唔想我要小朋友咁，好多阻礙～
最近呢二日都响度諗，係咪係時候去搵工，因為幾個月响屋企，想法好多，自己久唔久就容易諗唔開心既野，跟住就眼濕濕，究竟搵工定繼續做iui? 年紀又唔細，到退休個小朋友都未讀完書，我老公就有無小朋友都無所謂既，只係我一直覺得一個屋企要有小朋友先係一個家🥹 但係要付出10幾萬做ivf，又係未知既野～我真係唔想錢又洗左，又無結果，希望越大，失望越大～
有時我都會安慰自己，唔好成日去諗自己無啲乜，要諗下自己擁有啲乜，至少身邊仲有個老公，我有d朋友到依家都未結婚又如何呢？
打太多字，但係真係好難得搵到個平台發洩下自己既唔開心，搵到同路人互相安慰
4個讚
大家一齊加油
依家個世界咁亂唯有見步行步
就算一早預好曬嘅計劃
一個疫情都追唔上變化
2個讚
咁啱開番個post出嚟睇，你最緊點呀？
我到依家都係兩公婆，未成功
如果你仲喺香港的話
就一齊為生存加油（唔係生活
）
呢個post俾到好多支持我
所以我間唔使就開出嚟為自己加油
希望你都知道仲有人同你一樣努力緊
you are not alone
自己最緊要撐自己
1個讚
識人喺香港一路唔想生，移咗民一年先開始想要BB，一樣39歲好快bingo咗，依家仲有2個月就生
換個環境放鬆啲，對身心有幫助
3個讚
我識3家香港人都係冇小朋友，2公婆過嚟英國
2對40幾歲，兩公婆都有返工
1對50幾歲，只男嘅有返工
我唔知人地經濟狀況
佢地都話嚟到更加覺得選擇離開係正確
生B隨緣
放鬆心情唔諗可能佢就會降臨你度
我當年努力咗幾年都係冇
一resign咗份工第二個月就bingo
可能之前份工太大壓力都有影響
1個讚
不如你研究下有無可能移去荷蘭，ivf 係保險包埋。
1個讚
人嘅唔開心係源於人嘅欲望同自身能力有差距
你地兩個無能力又奢求移民 (得十幾萬搞移民都未夠)
40歲想IVF, 人地叫你打針你又唔想打, 你唔跟人地規矩去行咁你係度呻乜.
講真我覺得你唔好唸埋D唔實際嘅野, 冇錢唸咩移民.
而家最重要搵番份工先, 大把人過40都照生B. 仲有, 香港仲有幾百萬人住緊. 係咪個個留小朋友係度就一定害左佢? 好多家長都識分辨事非嘅.
多謝你
我出post時39
依家都40嚕
所以已經無諗喇
我已經過40喇
所以無再做ivf
慢慢儲緊錢
希望趕得到落閘前走
自己bingo真係好
起碼身、心、荷包冇咁痛
多謝你呀
我搵下荷蘭嘅資料先
我認同你講欲望同差距會令人唔開心
但你所講嘅規矩就不予置評喇
冇一定話做咗家長就識分辨事非嘅
始終每個人都選擇緊自己相信嘅果一套姐
觀點角度都唔一樣
又或者有啲想離開但冇能力先留喺度呢
所以冇得拗
如果真係有一套特定分辨是同非嘅方法
我諗呢個地方就會和諧好多
IVF已放棄
努力儲錢中
多謝你