咁就睇你買新樓定舊樓啦，新樓就冇咩維修費，舊樓就本身都會預一筆維修，不過係保養上英國屋仔確係比香港層樓使費大d呢個係事實，淨係換隻𥦬都幾千鎊
唔好話bolier，圍欄一幅都要2萬
但全部都係有限錢，難道香港維修間屋唔使錢？
Hongkonger 呢個字2014年正式收入牛津字典，你去英國做Chinese 定Hongkonger 自己決定，但唔好剝削其他人身份。
6個讚
長老好錫你地，應該為咗個孫。借咗比你地之後，佢哋生活有冇問題先？如果冇，你哋要自己計劃下。住平區，最好二人返工，預左要挨，除咗份工要挨，乜都要慳，自己煮，晤好買衫買嘢（香港平啲，帶夠去）。有jm 講得對，食物平但燈油火蠟貴，唯有節約，穿多件衫，在家著襪，少啲開暖氣。
理想就bb 三四歲先去，到時可以二人返工，而家在港搵多兩年錢準備下。
怕遲，而家去的話，有冇乜工你在家可做？例如替人補習，我識人就幫人織冷衫。
我朋友一般家庭，佢哋就盡快買屋，唔想替人供樓（一般香港人心態）。
1個讚
有層樓勁重要，正因為窮先要買樓，反而有仔女都唔會搬來搬去啦
唔一定，連埋運費除時貴過當地買。
撞啱大減價，d 嘢可以減到好平。
自己親身同朋友經驗之談，加上網民分享，除咗飯煲，其他嘢可以去到先買。
4個讚
唔係，佢地係香港都好勤力，就算有姐姐，放工都會自己湊仔嗰種黎，我估佢地係心理壓力大，因為搵唔到full time, part time 係一時時有得返，又轉左新行業，佢地話有種搵朝唔得晚嗰種感覺，同埋係香港儲慣錢，而家一鋪清袋，但又儲唔返
1個讚
只要你肯捱，幾十萬都得
唔肯捱就幾百萬都好快洗曬
3個讚
呢d都係過渡期黎jie
好多人剩係計算表面條數
但係小看在異地冇後路既心理壓力有幾大
可以變成日日家嘈屋閉
誇張啲講
有焦慮或抑鬱一啲都唔出奇
3個讚
唔敢講d人有無睇少，不過當估算埋係香港焦慮定外國焦慮好，計到最後為左小朋友寧願外國焦慮
但當局者迷，去到外國心理唔夠強好易亂諗一邊
同樣，係香港大把錢會唔亂諗野咩
4個讚
佢地都咁諗，但唔經唔覺，佢地咁樣已經維持左年幾，壓力係愈來愈大，不過佢有講嘅，佢地無後悔，同埋佢老公都肯一齊捱，只係望到佢咁，我驚自己捱唔住
2個讚
香港又唔同嘅，有家人朋友，又自己熟悉地方，會亂諗機會好細，遇到問題都知點解決，最大劑係政治壓力
1個讚
明呀，如果預咗辛苦嘅就無問題，萬事起頭難，如果夫妻同心，大家咬緊牙關，一定捱過
3個讚
我情況同你差唔多，仲要無得借，但我都決定走，因為有小朋友
6個讚
鄰居間會可以間中幫忙湊一日，或者可以恆常順路接送返學。但暫時未見過收錢幫人湊。
收錢幫人湊仔，執正嘅話要考證書，否則犯法。
英國有好多好嘅托兒和保姆服務，但貴。一般人都只喺搵嚟睇一兩日。
最正路就喺俾錢返nursery ，不過都喺要錢，自己湊返抵啲。
1個讚
大人大姐自己計數啦
如果做倉係辛苦，做文職會好 d
full pay 層樓後有net £2000收入會好 d，即要揾 £30000年薪先有 net £2000一個月
如果兩個可以做 ft, net £3000一個月又唔難. 但要湊仔就好難就時間
長老係真係好錫我地，
佢地仲要得一粒孫，有時都會諗如果真係走得成，係咪好自私，好話唔好聽可能再見面嘅機會好微。
我都想可以搵到哩啲工
哩樣真，我老公計過條數，話買左樓月供仲平過月租，有咩事要賣樓起碼都仲可以拎得返啲錢，月租啲錢洗咗就係洗左
我過到嚟成日會諗，得C6一個做嘢，有咩事佢失去工作能力咁點算，如果本身冇屋要月月交租，靠一個人份糧點夠
仲有，有咩意外兩公婆齊齊走咗，剩低小朋友又點算
唔好講香港都會有發生呢啲事，喺香港仲有長老同其他屋企人support，呢度真係乜都冇
我真係成日擔心呢啲，C6都話我雖然冇咗香港時嘅抑鬱，但多咗呢度嘅焦慮
上面/網上 好多例子都係話生存到，cover到，不過重要嘅係冇錢儲到
當我慳到咩旅行都唔去，我都要返香港架
對香港唔留戀，但 掛住屋企人/屋企人掛住自己 想返去得唔得？
呢啲全部都係錢呀
都係嗰句，講句有手有腳肯捱肯做一定餓唔死係零成本
11個讚