我都答你，暫時得我有工返，2大1細
收入£1500
住house £900
Council tax £180
水電煤 £100
上網電話電視 £60
食 £350-400
保費+油費£95（買車價冇計入去，一次過比）
衫褲£20-£50（未必個個月都有）
雜項£20-£70（不定，主要係突發支出，小朋友上after school club, 買下玩具之類）
2個人都返工先叫做好d，好似我一個人返工，人工唔高嘅就吃力
15個讚
要借錢移民， 就算遲啲還錢ＯＲ唔駛還錢個心都會唔安樂。
我就每天燒緊錢，係UＫ幾個月， 真係用一磅都要諗。
我有個表MARK每日駛費。
一家三口
首先申請VISA ＋醫保 =港幣十萬走唔甩, 必用。
黎到預比一年租, 1100x 12個月
一個月 council tax 約150
水 (已經好慳） ４０
電 （無乜點開暖氣， 最凍都係一日開一至兩小時) ８０
其他乜鬼上網 電話費 雜費 交通（無車) 一個月出街食飯一次 買餸 約6-700
總之租 1100一個月 +駛費約 1000 一個月
如果可以再慳既地方就係住北啲, 可以平幾百 但駛費嗰1000就走唔甩.
你諗下如果一個人返工,賺最低工資 8.91 /hr 唔夠用
明白而家咁既環境係好想走, 但要計好錢先, 因為你唔食, 個小朋友都要食
9個讚
中層文職同去大倉做可以有 net £2000
但中層文職唔係咁易請新移民，同埋都預大壓力同冇本地工作經驗會難 handle
做倉 / 地盤要肯做同做到。
你要稔到最差最唔想的工作都要做，過左心理關口，仲要唔係買咩有咩。物質上係多限制，但心理上全完自由，小朋友的將來（如有），你可以選靈（除了錢銀，移民仲有其他問題，事前做足功課及心理預備）
2個讚
我有個朋友單親帶住個仔，帶咗唔夠30萬就過咗去英國，一開頭要比曬一年租先租到屋，依家搵到份工，佢之前係香港做開文員工資唔高，去到英國都生活到冇穿冇爛，佢仔讀書唔使錢
7個讚
如果樓主用「移民」心態諗，咁我建議你冇錢仲要借錢就唔好去啦⋯⋯移民不嬲係有錢人玩意～
你講得啱，遲啲仲有冇救生艇冇人知？會否收緊救生艇門檻冇人知？下任首相持咩態度？呢啲全部都係未知知數？預咗肯做肯捱，大把工做唔會餓死，我識啲朋友喺香港做開文職過到嚟暫時都未搵到文職工作，佢哋先做住工廠工操好英文再慢慢睇吓有冇機會轉返文職，好少OT所以多咗私人時間，間唔中飲下茶試吓不同嘅餐廳，見佢哋生活都好開心
3個讚
200幾萬都夠你用幾年 去到又會做野 燒錢都係有限時間
1個讚
連移民都係父母出錢 香港人真幸福
其實移民一向都要捱架啦！又唔係個個有錢人！如果長老借俾你唔駛還，百幾萬，老公即刻肯搵工，乜都夠啦！一係等4歲再過去，bb直接入學，你返埋part time，乜都夠！只係要睇餸食飯，唔好大洗。大把朋友都係咁過英國，你估人人有樓可賣咩！只要適應到，香港人工唔高，咁過英國生活質素分分數好過香港！
6個讚
樓主有無投資開? 百零萬只係現金無現金流咁只能燒錢
不如同先生傾下點樣增值資產同制造現金流，等袋口多啲先諗走
小朋友歲幾唔算好迫切，訂立一個2~3年計劃儲錢+投資，香港有工的話過到門檻甚至可以買埋樓做埋英國按揭先走，咁去到會唔會安心啲? 坦白講如果唔介意去啲無咁繁華方便嘅區，6，7萬磅都買到屋，有朋友68000買左liverpool附近，比起喺香港只能痴阿媽住，11個人一間屋已經好舒服
1個讚
但係越遲出發，可以走嘅機會就越黎越微，眼見一個反口覆舌，朝令夕改嘅地方，我地真係無信心再留，仲怨緊點解咁遲先下定決心諗住走。
4歲都仲可以有半日嘅資助讀nursery,但2歲果個都要等到3歲先有哩個資助可以讀nursery, 如果唔係兩個都係要錢
2個讚
其實樓主有長老精神同金錢上支持好幸福、趁小朋友細長老健康去試下、見人share去愛丁堡、無水費最重要係大學學費都免、你去研究下
4個讚
好多謝大家嘅回覆，我唔一一去回覆大家
借錢係長老借，美如其名就話借，實質係資助，我知我兩公婆係廢，咁大個人都仲伸手問爸媽攞。
倫敦物價咁高我地唔會考慮啦，都係啲中部嘅地區先會諗。
好多謝分享自己依家係英國生活洗費嘅會員，我地預計洗費都再清晰左。
會唔會再遲啲先考慮走，問心，我地真係好怕遲啲想走都無得走
9個讚
捱 我地預咗，怕就怕肯捱都入不敷支，大人唔食，細果個都要食
1個讚
搵到工就會冇問題，真的，有朋友都似你個case過去，一到步即搵到工，已住半年了，小朋友肥肥白白
佢地租金900，搵香港人平租
2個讚
如果能力夠走到當然好. 但如果真係要借先過到日子其實真係好難生活.
當然為左小朋友想要比更好既佢好明白架! 為人父母唔容易.
希望你可以盡快搵到適合既方案, 加油呀
1個讚
我朋友係香港都搵得多，去到full pay 左層樓，而家同老公要輪流夾時間湊仔同返part time, 佢都係話岩岩好夠生活，佢話捱得辛苦，但無後悔，多左時間陪小朋友。
去到預左做唔返本行，而且職場人工上係唔公平，講真，我聽完佢講係有啲卻步
我好怕變左以前香港嗰啲窮人生仔正仆街。。。
3個讚
請問1500收入係咪要扣稅?
仲有要預留一筆錢將來讀大學? 因為就算入咗藉，英國D大學都好貴