真係？咁就好啦，好擔心到時人工低左但物價貴左，好難生活
我諗住過去讀書, 老公一搵到工就夠分申請 EOI。我已經 pass 左 IELTS，原本諗住今年年尾報 master，出年年頭走。而家封左關唔知年尾仲有冇得報，考慮緊睇定啲，可能儲多年錢先走。不過都有啲擔心，如果移民政策改左，突然移唔到民要返香港就大件事
Nz抽稅唔算太高，所以物價唔會話好平，揾錢就真係唔及香港嘅，但只要你移咗民，物慾會少好多，唔係香港咁洗法
1個讚
我老公想移民去台灣，但我好擔心如果日後換左個奶共總統，台灣回歸返中國，咁就大鑊
我諗真心愛香港既都係想盡量救到香港幾多得幾多，香港本身真係好好，係大劣成日干預同垃圾政策向大劣人傾斜攪死香港，其實如果唔係為左小朋友既前景真係唔想移民
#我愛香港
3個讚
有呀，我攞走哂啲mpf，我老公冇，因為佢過左嚟nz香港仲有出糧俾佢。 我哋過到嚟要買樓，所以差唔多清哂香港嘅saving。
呢度日常生活用品因為大量進口大陸野所以比我十幾年前離開嘅時候平左好多。衣服質素普遍比香港嘅好，但係我覺得冇咩款，同埋mall嗰啲shops佢唔特價我覺得有貴到買唔落手嘅感覺。 呢度啲人除非去夜店，拍拖等等都唔會點打扮，攪到自己都冇咩意欲扮靚。食物方面有啲野比香港平，有野比香港貴，但係零食就真係冇香港嘅咁好食，去華人超市買零食選擇唔多亦貴。 出街食飯我哋就好少，因為要供樓，賺錢亦冇香港咁多，所以响屋企自己煮多。 呢度好在你去間decent嘅日本餐廳食飯係真係日本人煮，韓國餐係真係韓國人煮，但係出去食飯冇咩平嘅選擇，唔同香港平有平食貴有貴食，呢度一個人食啲普通野都要十幾蚊紐紙一餐。 蛋糕唔好食，飲茶啲點心好難食，好掛住香港啲街頭小食 
1個讚
呢樣真，過左嚟冇見到咁多廣告少左好多物欲，唔會話想換電話，買新衫。 啲野真係需要先會買
3個讚
我唔係係NZ，不過曾經有機會可以落腳嚟探過下路，只能講係Auckland 都超悠閑，我估住入少少生活仲慢
身體最誠實
1個讚
冇壓力自然唔趕時間。 我哋啱啱過嚟時有諗過唔响auckland住，因為啲屋貴，但係唔响auckland住都唔知住邊好。之前都响大城市住慣，去啲細town住有唔知點生活嘅感覺 
探完路最後你決定移民去邊？
咁又係既，香港買野太方便，成日亂洗錢，慳啲駛 2 份人工應該都夠
而家最煩係我擰 study visa, 擰唔到 mpf, 層樓又唔知賣唔賣好，因為未入藉，過到去只可以租樓，唔可以買，所以好擔心錢問題。
香港太多好野食，我朋友都話 NZ 冇咩好食，好擔心過到去會好掛住香港
為左小朋友 要諗辦法走
未發生送中條例之前 已經覺得香港讀書好大壓力 又要考n 班 考k 私校$5-6千起跳
當日產房生仔 明明講好左只要佢地健康成長就夠
然後入左mamagp 個個都谷 狂操入名校
慢慢自己都變左怪獸 唉
3個讚
你香港層樓可以租出去幫補住先。係你study visa過嚟讀書要俾full cost，冇政府資助，貴好多。 你小朋友如果一齊過嚟應該亦都一樣，讀書冇得免費。
有冇諗過你老公自己一個過左嚟，攞到pr先呢？ 你哋如果一家人全部一次過過嚟好似好大風險，駛費都多好多
我過 NZ 讀 1.5 年 master，大約要廿幾萬。老公會有 work visa, 仔女係 domestic student, 唔駛俾學費。如果我老公一個過 NZ，只可以擰 visitor visa, 唔可以搵工架，NZ 要有 work visa 先有公司請。
層樓都諗過租出去，但老公又怕煩，我地係 NZ，如果租客有咩問題就難搞。其實我最驚係改移民政策，最後全家要返香港，到時樓又賣左，小朋友又要搵過學校就煩啦
最近有朋友用讀書嘅方法一家去咗加拿大，我自己等三兩年後，嗰仔入大學會去英國。
有細路嘅當然會幫佢開多條路，佢要有得揀，移民嚟講，除咗為仔女、唔好唔諗自己，接唔接受到生活徹底嘅改變？喜唔喜歡當地生活先？
係，有時睇到眼火爆，心中不斷爆粗,
我覺得NZ稅已經好高⋯⋯而且佢個稅制為人垢病好耐。
始終自己地頭，冇諗過要走
去到外國， 離開自己親人朋友，買野、食野又唔方便
又有機會俾外國人歧視， 美國最衰
要走嘅其實係藍屍
2個讚