我覺得小朋友係越早移越好
我好早申請左大馬簽證, 1月先決定走佬.
我哋2018年尾回流左返紐西蘭。賺錢冇响香港多同埋總會有歧視,冇工人姐姐咩都要自己嚟。好處係呢度返工冇壓力,小朋友返學亦冇咩功課考試壓力,生活穩定。
好想走, 上年SEARCH左好多, 又去聽好多講左, 發現自己年紀大, 錢又唔多, 無咩地方可以去
都啱呀, 早少少適應好啲… 利申: 我已人在澳洲
工作上仲有少少野未完 同埋都等緊簽證
所以先預最早三年後走
我哋都有心理準備,移民一定唔可以好似係香港搵返咁多錢,生活一定冇係香港咁舒服。但只要記住,自己係為乜要移民,世界這樣大,有人會適應到,都有人會回流…所以想做咪開始了解下,計劃下,冇壞既
自己唔會想走
香港好多好人,唔捨得
可能會為左小朋友走
我朋友都移左去紐西蘭,佢都話係呢邊賺唔到大錢,但壓力冇咁大同埋可以 work life balance。係香港讀書,小朋友同家長一樣咁大壓力。加上經過舊年,見到香港變左人治冇法治,唔想小朋友繼續留係呢度,希望順利走到
好想走,不過真係錢唔多同唔知過到去點搵食
係呀,雖然賺唔到大錢,但係我鐘意穩定多啲,反正我同老公嘅工種响香港都唔係會賺大錢嗰啲,亦唔係做生意嘅材料。 呢度打工褔利多,我每年保證有2%人工加,一年五個星期年假。叫做安安穩穩打份工養家,放假揸車出去玩。
之前响香港,個仔讀書唔係好好,攪到老師成日打電話嚟,講到好似我唔埋個仔咁,壓力好大。佢已經日日做功課溫書到十一點咁上下先有得瞓,為左功課成績攪到親子關係都唔係好好,所以同老公疊埋心水回流返嚟。 起碼外國唔會覺得讀大學係必須,大把其他工種都養到家賺唔少,讀書唔係全部
我同老公都想移民, 之前想用技術移民申請去澳洲, 但年齡剛在尷尬位…
而家停左係到, 無諗到下一步點做好
塊引用
睇下你追求啲咩, 錢一定搵少左, 但最少20-30日大假, 無OT, 多啲時間陪屋企人, give and take 囉
認同呀
我係香港係 FTM,要睇 2 個初小仔女功課,小朋友日日都 5-6 樣功課,連玩既時間都冇。每次考試我都好大壓力,溫極佢地都唔識咁,真係好慘。過去紐西蘭我會讀書 + 做 part time,希望搞得掂。原本想 2021 年頭過去,而家可能會延遲 1 年,儲多年錢先過去。
我同老公之前响香港都返full time,不過時間上比較自由,有時可以work from home。通常都係放工返到屋企先開始check 功課。 我兩個小朋友而家一個13 一個11, 肚入面仲有一個 。本來冇諗住再生,意外有咗唯有頂硬上。
你本身英文ok嘛?唔得嘅話一開始過到嚟會比較徬徨,揾工亦比較難。而家呢度冇以前咁多香港人台灣人,好多都返左香港台灣,多左好多大陸人。 多啲睇下呢度嘅揾工網,租屋網,同埋超市都有網上商店,會俾到你一啲idea你過到嚟要駛幾錢,易唔易揾工等等
兩公婆方向一致最重要
我同老公係大學畢業,我年頭已經 pass 左 IELTS, 老公做 IT 要對外國客,大家英文溝通應該無問題。好彩有幾個朋友都係住 Auckland, 有咩問題可以問佢地。多謝您既資訊,我再了解下先
我老公 15,16 中,佢擔心唔夠錢移民,過到去人工又會低左,要再計下數先
心動不如行動, 我地朋友44歲都無放棄, 上年仲飛過來考翻譯, 上個月剛獲邀, 上到尾班車, 我地都橷佢高興