其實有無提過商場、超市、百貨嘅definition？真心想知⋯⋯
屋村商場算唔算商場？商場地鋪算唔算商場？如果有天橋算唔算？停車場？有D室外範圍例如沙田、荃灣果類算唔算商場範圍？
百佳惠康都係超市，759、大生算唔算？有D 759、HKTV好似7仔OK咁細間如果都算，咁便利店係唔係都算超市？Aeon如果都係超市，咁日本城算唔算？如果都算咁好多細間家品屋、雜貨店呢？凍肉鋪算唔算？如果唔算咁佳寶算唔算？如果759都算超市，咁360、價真棧、大門橫丁呢類賣零食呢？如果淨係賣某類產品，例如莎莎、卓悅？如果佢地唔算嘅話，咁佢地都有賣零食。
邊D係百貨？一田、Aeon、千色、Donki我當係，咁M&S、Ikea算唔算百貨？佢地都好多類型貨。如果M&S都算，咁Uniqlo算唔算，H&M算唔算？佢地都好大間，定係如果淨係賣衫唔算？I.T.裡面有爆谷機算唔算超過一類？裕華國貨應該算百貨？咁樓上燕窩有海味+雜貨呢？豐澤、百老匯都好多唔同嘢，算唔算百貨？如果唔算，咁深水埗電腦城、電子特賣場呢？如果唔算，咁友和門市呢？一田同Donki可唔可以話自己屬於「零食店」不過多少少其他嘢？
守法市民表示真心想知，因為唔只係打針，經過列表場所係要掃App