正苦如果真係驚爆就唔會推人打明知無效嘅4兄啦
4個讚
政府攪乜我地市民無能力去控制，醫療人員只可以盡力頂住，但力不是無限，會有盡既一日，單係葵湧邨果幾座樓已經用左咁多人手，政府調n個部門去前線，而睇片見到佢地除保護衣物都未識時，派飯攪到d飯凍曬，中招既等一日先去醫院，去到醫院又發現床都無 (報紙話佢將轉送北大，等車又等n個鐘)，咁18區禁足要用幾多人力？
到時要好似美國咁？中招醫護都要返工？病人接唔接受？
我諗藍色BB 只係想指出醫療系統有可能爆煲呢個事實，大家接唔接受係一回事，呢個情況有幾大機會出現係另一回事，要知道香港醫療系統唔夠發達國家咁好，真係爆起上來後果可以好嚴重。
至於大家係咪想咁嚴重嘅情況出現，的確有人可以話要放棄抵抗力弱嘅人，換取更多人嘅食飯自由…我理解，但我自己都係抵抗力弱嘅人，而當社會上不論黃藍（黃嘅想取消防疫限制，藍屍想通關）都有人想共存嘅話，我唔知抵抗力弱嘅少數人會點。
我自己仲後生，成日有人話 just a flu，拿我就試過流感入院喺隔離病房吊鹽水瞓咗幾日，出院果吓行都行唔到咁滯，成個月都未回復精神，點知月尾又再病過。
依家咁多人話共存，大佬月頭第三針一公佈咗，我都好快打埋，唔打我中咗分分鐘死得；但本身唔適合打疫苗嘅人點算？我唔知
1個讚
唔同意你講法，2020年如果唔係醫護頂住要正苦封關，香港就正正好似你講個醫療系統會冧檔，係有啲時候太過份係要反抗
而家個個出街都戴口罩，又順從正苦指示6點唔堂食，又限聚令，咁疫情都控制唔到喎，咁係正苦問題關啲市民咩事？
到而家都諗唔通喎，淨係封左葵涌邨你見到疫情有回落過咩？
有無去了解中左Omicron 既人有無重症有無加重醫療負擔？有無睇過相關資料？
2個讚
宜家有宇宙大法，仲有勇者反抗？
外國中左Omicron都有人死，一但香港醫療爆煲，死亡數字會就會急升，無人想見到掛？
我好肯定唔係人人都咁乖囉，某人既生日 party呢？限聚？
葵湧邨引伸既群組，已成8足，如果唔封村我相信仲爆到七彩。
政府依家嘅防疫政策：清零、圍封大廈七日、竹篙灣隔離…
完全擾民，對減少感染幫助應該效果不大。
P.S. 想問下：政府仲有冇公佈負壓病房使用率？
6個讚
認同，真心諗唔明爆咁勁點解可以通番關
所以呢個政府做野從來冇邏輯
之前話omicron好勁呀全世界入香港要隔離21日
好啦生日會搞到竹篙灣唔夠房
咁改14日算啦
爆得好西利呀6點後唔比堂食
不過大陸要通關，好啦比佢地回港易啦
龍門任搬
6個讚
全世界疫情最嚴重時，香港醫療都冇爆(視乎爆嘅定義)。
點解你會覺得依家香港醫療會爆？
5個讚
都係果句啦…
封樓可以攪得好D
唔係成百人塞響大堂, 再互相傳染囉
2020年冇針打都未爆煲, 香港人又咁樣戴好口罩, 做好防護…
其實一晚強檢, 其實都應該好夠…
而家困到人地想跳樓, 呢D精神損失, 可能都唔少…
PS: 打針去到差不多8成, 其實大部分地方都差不多呢個水平啦
3個讚
封葵涌邨根本幫唔到件事，而家封左都仲係日日過百宗。堅持通關同清零先係最大問題
3個讚
正苦走去圍封葵湧邨，但繼續開關免檢疫回港易來港易，唔知咩心腸想香港爆得勁啲啦，荒謬到一個點。
回港易及來港易明日起恢復，從珠海經港珠澳大橋入境免檢疫安排。
6個讚
明白你擔心醫療系統爆煲，的確無人知會唔會有一次錯誤評估後要負上咩後果
但封邨後嘅處理做成點，大家有目共睹
唔計沙士，淨係武肺都折磨咗香港兩年，點解處理呢啲事時仲係倒瀉籮蟹？大規模封後一片混亂，公屋一層樓有幾多戶人？明知人口密集成咁，連最簡單分流幫邨民做test都唔識，垃圾無人收，餐車同垃圾近距離安置，呢啲全部都易造成交叉感染，咁草率唔怕醫療系統爆煲？
係咪用防疫做理由，就無權去要求有質素同有成效嘅防疫措施？有幾多人係封樓後排檢測時中招，無人知
話之佢做成點，醫療系統唔可以爆，要清零，然後理解+支持正苦咁「拿西」去封邨？恕我無法認同
成日要求香港人嚴守防疫，但又開門俾回港易免檢疫安排，個正苦攪緊乜，要保持頭腦清醒，慢慢會分到咩係原因，咩係藉口
7個讚
我唔否認係擾民，但效果大唔大無人知。
如果當初唔封葵涌邨，有百幾人一路散播病毒，可能今日已經有五千人確認，一星期後一萬人都似。
除非你覺得戴口罩會擋到，但其實大家都知唔係好得，一來個口罩就算 ASTM Level 3 都未足夠 filter 到咁細嘅病毒（我明口罩嘅實際效能可以更高，但起碼唔係隻隻都係先），二來如果只係戴口罩就擋到，咁「大家湧落去人群聚集檢測」呢點亦自然會講唔通，因為排隊期間大家有戴口罩。
但既然依家封咗，唔封變成點只會係水晶球問題，每個人風險判斷唔同。
至於如果真係要封，我同意今次真係做得好差，例如飯應該要用保溫箱裝，但同時如果揾唔到飯盒供應商又可以係另一問題。呢點我會話同香港嘅公務員制度有關，執行果班人可能只係坐冷氣房嘅文員，懶得做好。
至於負壓病房…我就無聽過最近有新建成，之前一日百幾宗嘅時候係長期過 50% 嘅。
1個讚
之前衛生署皮膚科、學生檢查、牙科保健、長者中心服務大部份停左，公院部份野有delay，如非緊急手術，有d科病人唔使見醫生，剩配藥就算…
如果病毒嘅傳染力，好似政府講嘅：戴住口罩，相遇9秒已被傳染。
咁葵涌邨咁多人一齊逼埋，除口罩去檢驗，咁咪更易傳染？
如果政府擔心傳疫，要堵截源頭，點解唔上門幫居民檢驗？
咁多人受感染，有冇數據顯示佢哋係之前已中，定係檢驗時被感染？
咁多人中而冇求醫，原因何在？
1個讚
我都唔贊成封樓封到咁cls式迫爆大堂！唔同部門去到幫手，完全亂到 
而班居民又好勁喎，垃圾唔紮好，口罩就咁掉大堂，又係呢個時候掉傢私、電器出黎(新聞相片見到)咩玩法？大家保持衛生、高少少防疫意識都無，班人廢都要自救架…
我同意上門驗會好過一齊逼落去，但似乎大家拗緊嘅係想封邨都唔使封，唔介意疫情繼續擴散？
至於唔睇醫生，係咪因為香港人大多數會 prioritize 返工多過睇醫生，而唔單止係病情嚴唔嚴重？如果係咁，咁咪係會變咗「為咗唔好醫療系統爆煲，正苦要推出防疫政策唔鼓勵人睇醫生，所以先立法俾醫生權力強制叫病人檢測」？呢個唔會係個好方向。
你有冇更有說服力嘅例子？
牙醫服務∼∼沙士經驗，所以連私人牙醫都停咗一排。
高高在上既人離開地面個距離好遠，假如我係前線都會無奈囉。
你知，我知，你明，我明，但距離遠到要用望遠鏡既人就…
你唔係講緊唔封邨可能有幾千人受感染？我嘅問題係回應你嘅結論。
如果病情重至要入ICU, 你重可以選擇返工第一？