應該唔會每一位同學都咁勢利？當年我喺神班入面讀書，都係考包尾，搵一啲勁到我冇可能追到嘅同學仔嚟問功課，佢哋好樂意答我，因為答咗我都唔會成績好過佢
提早溫書係好乖，不過如果你嘅能力未到，可能唔係提早溫書咁簡單，係每一日都要溫書，因為我都唔係聰明嘅學生，所以係靠勤力。
如果你可以每一堂都清空唔明白嘅嘢就最有效率。
1個讚
係，揾考頭幾名嘅問，多數都肯答
你已經好叻！至少肯問
首先唔好畀咁大壓力自己，學校嘅教育只係一小部分，而香港嘅教育亦唔係乎合所有人，因為你唔係機械人直接入Data 就可以100% 可以開工。
而考試同溫書其實呢樣真係要好多方面去睇，
首先有無覺得溫書好辛苦，好似點都記唔到入腦﹖
如果係嘅話有機會係用錯方法。有人成背就得，有人要活學活用，有人會錄低內容一到瞓一到聽返。要記野入腦有好多方法，但要搵啱一個屬於自己嘅方法
另外就係你要知道自己對學科內容嘅認識，老師講解得清唔清楚，補習又有無唔明，(當年我就無去補習社，所以我唔知佢用方法啦)，如果學校有輔導班，我會建議你Join 咗先，小班教學可能會幫到你有多D 啟發。
而再者就係你解考試題目有無解錯方向而導致你答錯題目，如果可以要問返科老師/補習老師睇下佢肯唔肯解畀你聽
平時如果功課有唔明，一定要問。唔好因為屋企人話唔問得，就放棄唔問，除非你屋企人坐埋一齊聽你補習內容
當然仲有好多要講啦，比如10個人個個都100分但你99分，都會係包尾個位，所以唔駛太介意自己成績。搵自己嘅喜好同專長，比如鐘意運動/音樂 嘅就向個方面多D發展，向住自己鐘意嘅感覺舒服嘅興趣出發就好~唔駛跟人地條路嚟行!
加油！有需要嘅我相信呢到咁多哥哥姐姐都願意幫你~
我果個初中生，佢哋班的學霸（男仔）都係勤力玩得類型
香港中學都係背為主，除左用腦科目：數，科學，所以日日記下野，背下，真係可以科科滿分…
例如：中史真係成本書scan 曬入腦
記唔到就要用腦科爆分黎拉分囉
有啲同學會整資源包共享or 冇的可以一齊圖書館溫書會資源包
但全班第尾
全級排名吾知,排名太後吾會顯示
希望你唔好嫌我太直接，我見上面好多熱心哥哥姐姐叔叔姨姨問你問題，但你都冇明確點答，只係強調溫左書、問左老師、仲係全班第尾，來來去去都圍繞呢三個pt，如果放入考試黎講，呢d思路係唔會中point，即係答完都攞唔高分。你應該搵個老師train思維、train答題技巧，會進步得好快！
咁細個就肯上黎問，keep住團火，搵返個好補習老師，事半功倍！
我當年中二仲全級尾到見唔到排名，都係靠train思維、邏輯，加勤力溫書追返上黎，加油呀！唔好死讀書！
7個讚
我當年係Band 3 （以前5個band）最top果幾個。好多人問我讀書功課果d，我都係敷衍下。唔係怕佢地超越我，係日日比唔同人煩，非常浪費時間。
後來為左唔比人煩我，功課就一定一早做完，比大家研究，唔好搞住我。其他人淨係識抄抄抄，日積月累，差距逾黎逾大。
溫和地道出咗我心中所想
大家想幫佢對症下藥，但感覺佢有少少逃避個問題
1個讚
對唔住,我冇所有答曬
因為我唔係得好多時間睇手機,唔係有心吾答
各位嘅留言我睇曬了,我唔知我全級排名,淨係知我考全班第尾,我會睇返老師畀嘅答案再睇下做錯邊度,因為老師冇講解份卷淨係派答案
因為有太多問題我都冇辦法一一答曬,希望大家體諒,但我會聽取大家意見,總之多謝大家
2個讚
你如果有興趣，可以上YouTube ，睇吓D 學霸心得分享。每個人讀書都需要搵到自己認為有用嘅方法，集思廣益、有機會變成自己嘅心得。
但總括： 每日抽30-60 分鐘溫習、充分理解，呢D 對你個case係必須
我明丫，我曾經試過坐全級第一名隔離，以為好正，點知每次問佢嘢佢答完我一句就完，我都唔明佢講乜，佢就繼續專心做自己嘢，我都唔好意思再打攪佢，feel到。
但係亦都有好多人真係好熱心嘅，甚至公開試前有兩個成績勁好嘅同學肯留低陪我溫數學，因為對佢哋來講瞇埋眼都可以滿分，係我隔離已經做緊大學嘅數學⋯⋯最後我公開試嘅數學成績都算唔錯，多得佢地。
我覺得我係夠厚面皮haha
我坐全級第一隔離，我仲要係佢個 friend 經常一齊食飯。但可惜係佢真係唔點溫書，靠平日嘅異常專心去吸收，臨考前操幾題望兩眼就搞掂。我地成班人都覺得佢係學霸，但後來佢讀律師牌，佢話原來自己一直都唔識溫書，唔係學霸，先發覺「讀書辛苦」。
好在我仲有其他「正常人」做 friend，同你一樣，有個 friend 數學好好，嗰陣貪玩同唔想日日坐屋企，特登返去學校操數順便玩，結果真係數學成績好左，不過可惜佢比預期差左