應該係今年傳聞最賺錢果行. (但公司一講到要分享成果, 就呀G呀JOR, 就過年…到而家都未見有得分, 同內人已經分曬錢, 個個買曬5位數字既手袋, 6位數字名錶)
我地呢行唔難做, 我亦退下火線做管理.
但公司一個唔炒得既女人, 做管數, 為左小小錢小小問題就發大曬D 野黎做, 精神壓迫
前線有問題就係我問題, 就係咁簡單
1個讚
做gungmoyuen，唔知你覺得好唔好…
流動性低，尤其早入職果啲，一定做到退休
我老闆係幾好人，呢樣真
最怕呢d 神經質同事，失驚無神鬧人個種。你仲留係到應該都係睇錢份上，咁的話一係間唔中就請下假休息，精神上冇咁崩緊。
出糧個日最enjoy 
但我份工勝在彈性工作時間，有時又搵到啲位抖抖。跑到數就多多少少錢….
所以自己有做下副業但好似冇咩起息咁
有時都做到灰
除咗要間中聽我呀頭單單打打之外，大部分時間都開心嘅
跟本我一向都唔適合返工
5個讚
哈哈哈 我都覺得自己唔適合番工
冇人俾壓力我我都會自己俾自己
成日擔心依樣嗰樣 
1個讚
我都係，
不過連一個上晝都維持唔到
唔會用enjoy嚟形容
而家又忙咗，有時都真好攰，放工唔想煮飯
不過要搵錢買衫著，無辦法
1個讚
幾好嘅，流失率低，好多同事都可以準時鬆，係一個可以做到退休嘅地方。冇人踩人爾虞我詐，最多都係講下啲特級 old seafood 嘅笑話但冇惡意，老闆都好好但應該好快退休，唔知新老細邊個亦冇話邊個牌面最大。
1個讚
叫handle 到。可以自選WFH. 疫市生意反而好左。梗係希望財自，做又得，唔做又得。
1個讚
有時我都會諗，
咩嘢係自己考慮哩一份工嘅因素？
-老闆+同事人好係我幾想嘅元素
但除咗咁，份工有冇前景，公司福利，人工甚至番工時間（+番工要用嘅時間）又係點排次序？
你哋覺得？
1個讚
人好就錦上添花
工時同地點都會睇
我係超超 enjoy 返工啊，勁OT 但好有成就感，如果公司還可容納我，想做到70+。
我識有個同行前輩，70+，65歲退休後組自己公司，仍然活躍接jobs ，而且係有使命感個種（幫已成老友嘅有錢clients train 佢地嘅繼承者，促成新projects 又揾後生嘅同業細firms 去承接）。我人脈無可能同前輩比，但佢嘅敬業樂業我好想跟到。
2個讚
份工除了醫療保險無敵之外，大公司多制度，識人好過識字，都冇話en 唔enjoy,裁員機會極微。唔錯多數做到退休
我做freelance工，一半時間WFH, 同D客亦客亦友。
都做得開心，係少同事。
以前一畢業頭個幾年雄心壯志，考牌ot都好熱血，好想升職想叻，同朋友食飯大家都會傾事業前景，幻想未來係點。
後黎生左小朋友有家庭，同時年紀大左又多左聽到身邊識既人生老病死問題，就完全唔care份工前唔前景嚕，每個月輕鬆準時放工，賺錢買花帶下就算。
3個讚
我嘅想法係，首要愛份工nature本身，要有談戀愛個種感覺，夠愛就可以忍受一時嘅低潮或者一時唔好彩遇到嘅週邊的 hard feelings (人工低、client/老細/同事衰、褔利差、etc…)，只要可以忍受，捱得過低潮，順景嘅日子也會越來越長。
唔夠愛，遇到逆景就好容易會放棄。
用愛比喻：有一見鍾情 / 有日久生情 / 有時候係需要畀自己、畀份工一個機會 / 當然發覺真係唔愛，早覓其他對象放生對方係好事
勁鍾意自己份工，可以接觸同了解到好多 top enterprise 發展動向同埋佢地高層嘅見解，擴闊自己嘅視野，了解到各行各業運作。 (當然都有見過好多冇料扮四條嘅吹水佬，會自動ignore)
而好多同team同事都好有才幹，我唔再覺得自己係最叻嗰個，大家拍住做嘢好成功。自己個名係呢行都做響左。
但當然，最鍾意當然係嗰份人工，落咗袋最實際 
所以，要移民放棄曬所有嘢，其實真係唔捨得。
但係自由真係無價，工作優越感再高其實都只係過眼雲煙。
5個讚
我既話，其實都鐘意，但收入唔高，無保障
所以有時都唔知應該點取捨