講緊新一年 2022, 通漲再加加息，都好煩
經濟好, 有通漲, 所以要加息, 收返D錢入銀行, 減低通漲
而家美國講緊7%通漲, 但effective fed fund rate仲係0.08%
佢唔加得快同多, 通漲好快再上
成個西方經濟有起息, 一個加息, 其他一定會跟, 所以英國一定加息架啦.
而家得2個地方係減息
一個係土耳其, 一個係中國
我回應下主題先
我之前喺香港教書時都係好為難，面對住社會現況，都唔識點樣好中肯咁教學生，尤其是好多家長好藍，講野要好小心。然後我會諗如果我有小朋友又點教好，好想佢成為有良知、有正義感嘅人，但同時又好怕咁樣嘅特質喺呢個社會下會受傷害（由好多手足例子就看得到了）。所以我自私地諗，我仍然會講歷史真相畀佢聽，但希望佢可以學得圓滑啲，有啲事情真相自己知道就好，唔需要同人爭辨。有啲野冇絕對，例如每個行業都有好人壞人，唔好信曬，要自己按事件分析。亦想教佢世界係唔公平，我地未必可以扭轉所有嘅不公，但至少自己唔好做製造不公嘅人…感覺就係…自細就要佢知道呢個世界唔美好，我係咪太殘忍？
2個讚
我當年讀書係為咗做中學老師，想教d 細路唔好只睇成績，要做個好人。
last year 覺得香港個教學環境 + 校長要求，好難做到我原本諗法，所以放棄教學從商，寧願人工少d。廿年前已難，而家更難。
如果只為自己為份人工，當然可以無底線咁教人地嘅細路。但如果當人地嘅細路係自己嘅細路，就唔忍心
critical thinking 我覺得中學開始教比較適合，高小就因人而異。
留係香港，我傾向大智若愚
1個讚
同意啊，所以我舊年都quit左…我仲要係教敏感果科，之後改制我真係教唔落，寧願搵少啲…
大智若愚呢個好
，不過我自己都學習中
，成日都係忍唔住激動左~
3個讚
唔係個個都有能力或有條件走,總有種種原因留喺自己啲地方呀 
1個讚
critical thinking 係港英年代都有呢d科目，但好少人揀，因為唔係賺錢科目。我都係當年其中選呢個科目來讀，真係好少好少人揀來讀。
critical thinking 係需要接觸好多哲學，歷史同道德書作為基礎去學習同研究，最好得閒都坐係草地上諗下。並唔係只講下世界上無嘢係權威同绝對就係 critical thinking
3個讚
好多人睇錢緊要過良知，只有當你真係會老吾老以及人之老，幼唔幼以及人之幼時就做唔出。但呢 d 只會係社會上少數。
有幾多人可以 “安得廣廈千萬間，大庇天下寒士俱歡顏” ?
自問只可以做到揾少d, 辛苦 d, 但都做唔到"風雨不動安如山！吾廬獨破受凍死亦足"
1個讚
大智若愚要睇個人法根，更加唔識教 kg 至初中呢個 topics。年輕人一係怕事一係衝動，好難大智若愚
1個讚
所以我都講，有能力就走，無都無辦法。
我前幾日都有朋友講，話無能力走，我又唔會咁賤格話佢做乜唔走，只能同嘆息。
2個讚
我都有朋友都有原因唔走/未走, 唯有比個 hug 希望喺無新聞睇嘅情況下大家唔會變咗質, 某程度我覺得唔可以多方面睇新聞係個問題
4個讚
多謝你，其實同小朋友坦白好過dull大圈
1個讚
我都讚成你坦白講
不過走都唔等於有條件，好多人係 uk 好 struggle. 其實都係睇個人的 priority 同堅持
我個人覺得係 uk 感到自由係因為覺得人可以好 minimal 亦可以好強大
教 critical thinking 要 based on 受教者已經知道件事的新實情況，自己有 basic 認知同思考力，再有一個有 critical thinking 學習基礎 +成熟度的人從旁指引去討論切磋。每堂講左件事後，逐個學生問你認為點，點解咁諗，老師又點諗，點解會咁諗，學生又是否同意，沒完沒了。有 d 希臘人討論哲學的感覺。
並唔係由 kg 開始灌輸父母唔一定啱，老師唔一定啱，警察唔一定啱，政府唔一定啱。。。如果個幼兒由細開始受冇野係一定啱而又唔認知件事。。。我唔知會點發展落去
羣體生活，人與人之間，最重要係互相信任。縱使 over 信任與天真會被艑，但信任係羣體生活必須。
整個幼兒期亦需要有一個可靠的依傍去健康同專心成長。
係自由社會我可以講同討論，係極權社會我唔敢。縱使我掌握到，但我唔敢保證控制到自己細路亦怕害到別人細路，even 萬一的機會
5個讚
其實英國local都面對緊好多難處，父母一樣追名校孟母三遷咁，樓價平但mortgage借唔到咁多上車難度不下於香港，不過呢Ｄ問題香港人好似睇唔到咁，佢地香港揾到錢再帶來英國梗係爽啦。
btw英國長老湊孫真係比我想像中多，感覺上比香港仲要多！
2個讚
其實教小朋友唔係非黑即白，唔係話教佢要識質疑就要樣樣都質疑，質疑完要點做係要家長同小朋友一齊去搵答案，一齊傾，所以前提都要家長同小朋友有互信先有可能有下一步，只係俾小朋友知道家長都可能有錯，又唔駛去到家長一定錯嘅地步。
同埋樓上都有人講左，留係度嘅人都明知係難教，大家都只係係隙縫中尋找最好，好多人唔係因為唔捱得所以唔過去，我自己就因為長老因素，健康問題暫時未過得去，你都可以話我唔夠堅持嘅，但我做唔出掉低佢地一個係香港。
6個讚
要訓練critical thinking唔一定要用社會事件或者一啲有爭議性嘅事。由身邊小事開始都可以，好似點解樓下公園攔住哂但係仲有小朋友入去玩，都可以諗下係咪攔住就一定唔玩得？攔住嘅目的係乜野？攔住係咪真係有用？
唔係要教佢父母係咪一定啱，只係父母做錯嘅時候要認錯。咁佢自然會學到父母都會錯，錯都會向佢道歉。有呢個根基，就會知道人與人，同社會嘅關係應該要係點或者點樣先會係最好。
靠身教唔洗下下都要提升到去一啲想法同價值觀上面咁高嘅。等如kg你都唔會教佢砌1000塊砌圖啦。
之前都睇到你好多回覆話驚小朋友大膽自己控制唔到，或者家長唔想佢咁做。做家長到細路咁上下大就要識放手，縱然唔想佢哋做一啲野，但係果啲都係佢哋自己嘅選擇都要尊重，當然係講緊成年嘅細路啦。你可以覺得自己點樣避開唔講，就可以避開你唔想發生嘅事。但係我覺得只有開心見誠咁討論，佢哋先會有機會清楚明白件事。只要將個討論話題換做性教育，可能就會易啲明白可以點處理。
之前聽過有JM講，小朋友乖唔乖唔係父母教得好，只係小朋友本身乖。父母做左自己應做嘅，其他野就係聽天由命。
4個讚
英國生活係好多問題，除非 d 錢夠使埋下半世，否則新移民黎到更加多嘢煩，同埋會感受到好多以前係香港聽返來嘅外國生活並唔係事實，都好多衝擊。
不過好多人都唔想聽咁，同埋來來去去只係 post d 靚嘅風景相，supermarket d 肉同奶價錢。
首置政府有資助 ok 嘅，但基本上都要兩個出去做嘢先應付到。呢到 d 長老重要摣車先湊到孫。
1個讚
我講嘅堅持係指移民後要好堅持咁捱，否則好快回流。
走同留，細路都係要教同難教，只不過大家選擇左個唔同環境去教。
4個讚
無論移民好
我識人幾個月已回流左。明知有退路，係比較難堅持嘅。
香港仲有地方住，又有親人，佢地當移民係「試吓移民」。
2個讚