所以我估係 本身佢個人煩
講乜都唔想聽佢講
如果佢講好嘢，應該冇咁多人鬧
佢都算係經典, 即使鬧英國, 藍絲/亡國都照樣鬧佢 
2個讚
我應該係由佢loop佢老婆病開始覺得佢煩
2個讚
Yes, 要啓蒙一般至少從高小開始，中學比較易。
就係幼小呢班最難搞，所以要從娃娃抓起。
1個讚
教還教，但真係唔會預計到自己個細路有幾大膽，衝出去反抗時點算？
識有兩個舊同時，佢地有 friends d 細路讀緊大學，比人拉左。又有人睇住自己個仔 full gear 咁走出去，自己擔心到喊又阻止唔到。我 friend 跟個仔一齊去做係援 
總之，大人留，細路走。唔係諗住要佢地成材，只係想保護佢地平安，成長期間可以有空間專心學習
眾人皆醉我獨醒
首先我唔覺得香港價值觀有幾崩壞嘅，只係啲權力係哂啲垃圾度姐。教小朋友有愛心，誠實點都唔會錯。
你教佢要樂於助人，如果學校教佢唔可以幫著黑衫嘅人，咁你覺得自己會唔會解釋唔到呢啲冇道理嘅野？面對呢啲道理講唔通嘅“洗腦”，小朋友需要嘅係批判性思考，平時要俾機會小朋友企係唔同角度諗下。自己都唔可以用強權去要佢屈服，要講道理嘅。咁到佢知道現實可能唔係咁美好嘅，就要識掩飾自己嘅諗法。咁係叫唔誠實定係醒目就睇你自己點睇。香港人不嬲都係精嘅。
果啲愛國教育升旗唱國歌嘅作用有幾大就真係唔知啦。家長可以睇到好大，但係學生可能只係覺得哂時間同無聊。唔好俾果啲幼蟲訪問片嚇到自己，果個係人地啲細路，唔係你自己個仔，條片放出來就係用來嚇你哋嘅。
對於強國話自己有幾強大啲內宣，家長可以提供適合啲資料同埋國際視野俾小朋友。可能你而家由細到大俾Marvel佢睇，有一日香港都完全冇得睇，佢哋就知道強國有幾強架啦
小粉紅點解會變成小粉紅，我覺係因為佢哋嘅父母造成嘅，大陸人真心愛國又或者覺得冇乜所謂，自然會有咁嘅下一代。香港家長仲可以揀學校，老師仲會選擇交行貨，而家只係要睇實啲姐，如果在意小朋友教育嘅應該做到嘅。一味覺得會被洗腦然後放棄做任何嘢，小朋友就算唔係因為學校，遲早都因為抖陰變小粉紅。
有人可以覺得香港係鐵達尼，上到救生艇就冇事，上唔到就等死。既然拖住個細嘅，唔洗諗到咁絕望，咪當係一條好長冇燈嘅隧道，摸住牆拖住小朋友行，睇下有冇人一齊行緊，揾個照應，慢慢捱到去出口囉。
3個讚
話時話，小朋友第一次係學校教國慶，做圖工痴左支五粒星歪哂嘅旗。屋企人睇到個紅色object就嬲嬲地掉左，點知小朋友發現左就好唔開心，因為自己整嘅俾人揼左。佢話老師教枝旗係生日旗，我相信幼稚園教國慶呢個係最基本嘅講法。
既然學校教左中國有國慶，家長都可以教埋地球其他國家嘅國旗同國慶，俾佢知道世界上唔係淨係得一個國家。強國對佢來講同美國英國日本一樣分別唔大。至於佢係咪住係中國，係咪中國人，呢樣都可以俾佢學下其他國家係點嘅。要佢知道做咩國家嘅人，住係邊度佢都有得揀嘅，最重要係俾佢知道世界有幾大，國籍血統只係好微不足道嘅野。
如果佢知道中國人唔過外國節，所以冇聖誕禮物收。你問下佢仲想唔想做中國人吖
3個讚
我選擇了走
因為我唔識教
教佢在香港critical thinking？
不專重強權？
讀IB 的他在學校勉強還可以
但他開post/ 表態/ 持相反意見都會有機會比人拉
他越有critical thinking 越有良知，越不怕強權越危險，越容易出事
教他走鋼線？我沒有大愛、不會賭個仔的前途
SIM card 遲些都督實名
返學去公園？連最基本小孩的權利，我也悍衞不到
Fb 鬧都唔敢鬧
在香港，說真的保護他就是教他做Nancy 保命
好sad
人其實好難學一套做一套
在香港我教不到，只有帶他們離開香港
5個讚
講真，預唔到咁多。香港示威會衝既外國示威都會衝。影響小朋友既除左環境，家庭點教都好重要。中國大既都可以黃可以有維權人士，外國大既abc亦唔少小粉紅，之前有個外國人訪問當地留學生對香港示威有咩睇法，睇完條片會覺得曬米飯送佢地出國讀書。
咁當然，有得外國讀我都會想送自己仔女外國見識試下。但如果諗到去到外國就完全海闊天空，我就覺得唔係個回事。
1個讚
咁你有冇好好解釋返究竟係咩事？最緊要係坦誠同認真回錯佢哋嘅問題。如果一味叫佢哋唔好理，可能會有反效果。
可以交俾佢哋自己決定呢啲事到底係好定壞。如果你本身嘅取態係咁嘅，我諗你嘅小朋友都唔會做出啲你擔心嘅事嘅。
外國只係相比中國較有人生安全保障同公民權利，並非海闊天空，去外國讀書係好。但工作揾錢 so far 都係香港好
1個讚
個社會同民生政策係好，真係無人會想走
係被政府迫到啲人抖唔到氣先有想走既念頭。其實好多年輕人出去送頭果啲真係當香港係家，睇返2年前啲訪問佢地真係當個家先會咁悍衛呢個地方
要放棄好多野去一個新地方，唔係咁容易
2個讚
呢D就係我想講, 邊處心安是吾家, 唔係講緊錢(起碼唔係我最大priority)
1個讚
我自問唔識解釋同教幼稚園到初小的細路 2019, 2020嘅事
我亦唔想因為我嘅教導而令到自己嘅細路變得太膽小，連自己嘅基本權利都唔敢 voice out。
所以先放棄自己原本係香港唔錯嘅生活，但其實外國生活亦唔易，唔係好似 d fk 相咁只係吃喝玩樂。
每個人 priority 唔同，走同留都唔易
but again, 永遠唔會估到自己細路有幾大膽。我相信呢兩年衝出去嘅年輕人，佢地好多好多父母都估唔到
3個讚
係啊
當個家變得不安心，就要搵另一個家
有錢到馬雲咁，咪又係變左被人監視監控，真係係呢個地方搵到錢又點啊。
偷步買車嗰個財爺有句我好認同, 錢要自己洗到先算係自己嘅錢
4個讚
越危險嘅地方越揾到錢，但係呢 d 地方揾到錢，要走得及時同捨得走