你既例子唔係咁好,更何況高錕先生同好多香港人生活質素唔一樣,更唔好講當時環境.何況當時既香港及中國(唔知係唔係),冇佢鐘意既科目(記住,係孩子喜歡既科目),這亦都証明小朋友對學習有真正喜愛,自然就讀得好.
1個讚
上到大學個落差好難挨
名校出身點都有啲同學入同一間大學
有啲地區校仲要中中，英文有排追
1個讚
咁又係
以前有時問啲同學邊間中學
佢哋會話「你唔會識」唔講算
不過有啲不知名學校嘅人都好叻
去到大學同做嘢都好top
不過如果一早喺名校應該條路會易行咗
1個讚
不過都係嗰句
好名嘅本地中學視野都係唔夠
就算多精英都好，成個羣體太一體化
性格又唔夠主動
我都係buy 國際學校多啲
1個讚
我都係咁答，所謂既地區名校其實只係叫band 1 講出黎冇乜人識。
唔止係大學，其實出到黎做嘢，d人問完邊間u 有時都會問下讀邊間中學。名校出身既一下子會拉近左距離，話題都多d。
2個讚
真人真事，見一間英文公司，
Interviewer話，你讀嗰間（傳統名校）唔駛你用英文in啦。
原來interviewer/ee 讀同系不同校名女校
1個讚
金字塔式社會真係冇辦法，
本地band 1、傳統名校、本地國際學校、英國uwc 、英國伊頓
1個讚
搭下嘴，我都係讀大家口中嘅神級中學，對母校冇乜感覺，反而對大學好有感覺，年年捐錢。我經驗係入大學冇人理你邊間中學，做嘢除咗畢業第一份工冇人理你邊間大學畢業（MIT 級數理科有少少）。舊同學有共同話題實會，但係好小會有讀名中學自豪感，要威要面嘅都會曬自己喺邊間ibank, law firm 做 partner, 又或者初創籌咗/幫人籌咗幾多十億。如果需要10幾廿年前讀邊間中學搵自豪感都幾可悲。做嘢睇表現，所謂關係自己心理居多。
2個讚
人辦:
1個讚
假設自己係 HR，個求職者大學讀 UCLA 嘅，好奇問一問係邊間中學，答 “喇沙/皇仁/DB” 當堂覺得眼前一亮。
不過呢個亦都係一個缺點，就係出身太靚，其他人對自己要求都會高啲，如果做唔得好就會俾人講句 “讀 XX 喎～”
2個讚
所以讀到書間間都一樣既道理米錯囉！你女選呢間因為佢有tko 英中冇既野如Minecraft及學校外觀、我為仔女揀的名小一樣係你tko地區小學冇的野…所以、點會間間一樣
1個讚
你錯了、你看看嘉諾撒聖心私小的小一notes吧、尤其英文、 不是得個深字而是做得非常好及循序漸進、你以為名小就係個谷字深字？反而不少地區二三線津小為上位而不停將默書、學習內容改到好深。
1個讚
我覺得名校係好有幫助，特別係轉工，初黎報到大家都係r水吹ice break時，講讀咩u咩中學最易切入話題而不失尷尬。
不過後期表現係點，人緣好唔好，就好靠自己個人自身能力。
1個讚
你專門選擇的名小,當然係內裡的課程(內容,唔係外觀),其次它們提及既升小升中路上表面上會順暢,這些吸引到你才會選擇小朋友入讀(我亦覺得都係因為咁樣做成無形壓力泉源之一). 我諗你都未明白我所指既野,Minecraft及學校外觀唔係學校內要學既野, 唔緊要,又唔係你我去讀,你我的小朋友讀得好就得. 不論名小又好,普通小學又好,小學你攪唔好基礎,中學唔會好得去邊,這亦是我所講間間都係一樣意思,你自己撫心自問一下,小學既基礎內容,有咩唔一樣? 若唔一樣,點解普通既小學,又可以入到你們所提及既所謂神級中學(記住,係冇專門既補習).
1個讚
各校都有它的教育方式,但學校最終目標係咩,唔係學校既比併,係要真真正正令每個小朋友學以致用,咁先係最好既學校. 你提及既私小,肯定有它好既一面比你睇到才會選擇,我小朋友喺所謂填鴨式既普通幼稚園普通小學,我亦不覺得深,亦都好循序漸進.
其實都可以想一想,為何地區二三線津小為上位而不停將默書、學習內容改到好深好谷.咪就係因為有分化咗,教育制度變質,攪到某啲學校改變曬教學宗旨,亦是我所講教育制度不平之一. 當然,喺我立場覺得,當一個小朋友 真係 享受學習樂趣,就算嗰間所謂好深好谷學校,小朋友都一樣可以迎刃而解. 呢樣野唔係單靠學校可以比到,家庭教育估很重要因素.
1個讚
你冇出去專門既補習但其實你已經同女補習、及如果你有看過不同學校的自制工作紙及教材、你就會明白個分別。
普通既小學,只可以級頭入到我地所提及既所謂神級中學、大部分入返地區學校、你個女都入不到spcc 。人地mcsps淨係入spcc已經一年入幾個、宣小九小8-9 成入英中、點同。九小都係happy learning 下同小孩打好基礎。
3個讚
錯、好多小學基礎攪唔好的、結果中學讀得好好（我同老公也是其一）、讀書除講天份外、仲講‘開腦’。去到高中及大學就不是同你講基礎咁簡單。培養小孩開腦比基礎更重要
4個讚
讀唔到神校都唔需要妄自菲薄，香港大把賤官名校畢業
仲有，而家名校初中起碼40％某國學生，啲name list第十號開始已經X字頭，地區名校冇咁嚴重，除咗北區
1個讚
的確讀唔讀到神校唔係重要,我都講孩子有真材實料,唔需要理會人地咩國家人仕,用咩特異功能去入讀,有料自然邊一間都可以讀得到. 冇料或基礎唔好夾硬去入讀(唔理咩學校),大人小朋友都一樣辛苦.
先講一下,基礎唔係靠谷出來. 你講既’開腦’的確係會有,但機率係唔會多,且好多講谷出來,知識未必會根深柢固(可能你同你老公唔係),更何況唔知幾時先會開腦,一個學習階段唔會停下來等你開腦. 更何況我係睇到好多因素先咁講. 而家好多學生DSE分數好多都勉勉強強,所以才會爭大學學位,其次幾年前醫科專業人仕,曾在收音機節目內講過,入讀醫科少了好多人(可能唔夠分),打算想降低入讀要求等等… 高中及大學,梗唔會依靠基礎咁簡單.
唔好介意我會講,你所指既開腦比基礎更重要,感覺而家好多香港學生好似你所講開腦考出來,所以做成係識但唔會係精,更令到好多工種工資唔會高(因為好多識既人但又唔會係好專業,容易招),所以要做成曾提及高錕先生咁既專業人材會比較難. 當然,做父母,孩子最重要既係健康成長,做到咩成績佢將來既路點行冇人知,能做到專業人材固然好,平凡也是福,讀書衹係成長中其中一條路,所以讀邊一間係冇所謂~~