其實真係勁多謝你哋去仔細睇呢個topic嘅嘢. 我紓解咗好多。
我嘅問題一直都係佢唔識主動關心。當我爆佢嗰陣, 佢竟然去問應該點樣關心, 到Sis 話對木獨男係要quantify 返俾佢哋聽點樣關心老婆。我冇不滿因為佢真係想知道點解決。 我係覺得有d諷刺（要老婆教返轉頭）但發現原來現實中佢哋真係唔識。 我亦都接受呢個現實
你可以講呢個可以都係我問題. 亦都係雙方嘅Expectations嘅問題。
1個讚
贊成呀… 如果你咁嬲佢木獨, 當初拍拖果時就應該要教育好佢 (或者講改變?) 先好結婚
1個讚
我諗你覺得"唔浪漫=佢做錯"
其實佢有主動幫手湊女都係關人既一種
你要明白佢關心你既方式同你預期既唔一樣唔等如佢唔關心你…
唔係blame你, 但係你明知佢係A, 但想改變佢做B, 咁點解你一開始唔搵個B黎一齊?
1個讚
安慰自己時就會諗，其實唔係人既問題，係教育/養育/社會風氣既問題。
以下係我主觀諗法，
男性唔主動做家務，多數都係有個服侍周到既阿媽(有時仲有家姐阿妹)，所以佢由細到大除左沖涼洗頭之外所有野都唔洗佢做，直到長大左娶左老婆先知道(知道咋，唔係會做呀)原來有d野叫做家務。
到追女仔，大家各自有屋企人照顧，生活鎖碎事唔會影響浪漫，女仔一日未到手/未娶，屋企都係各自有阿媽O係度照顧生活鎖碎，所以無乜特別磨擦。
到一齊住(不論婚後定同居)，個女仔就由女朋友轉左係女性家人，O係佢成長環境入面女性家人既存在就服侍/服務佢/照顧佢係，而老婆同樣係女性家人所以覺得你既存在服侍/服務佢/照顧佢。
而女仔方面，由細到大，女性(不論係阿媽定係工人"姐姐")都係做家務，教功課，陪讀書，潛移默化到依家長大左都覺得依d野係女性做。
好似離曬題 
唔理喇，照post
總結，家長o係家庭入面既role同行為，會影響小孩成長後擔當role同行為
3個讚
我結婚前都有個服侍周到嘅阿媽。屋企好整潔。結婚後老婆對污糟的容忍度高，所以屋企家務主要都係我搞。其實都係睇邊個接受唔到污糟先。
無請工人下，我自己放工放假又要做家務又要湊仔。大佬，由朝忙到晚，仲邊有閒情去氹個老婆呀。
咁拍拖時佢點架？識得「主動關心」？
佢咁樣問你… 你咪答返佢囉…
我想你每既訓之前都鍚我一膽,每晚要留十分鐘同我傾下今日有D咩事發生 或者點點點做…
佢同你講佢唔識呀麻… 你咪教下佢囉…
1個讚
我好認同2樓果 SorryBee 講既野, 另外我有小小經驗想講下…
人無完美, 其實佢肯開口問, 而唔係視而無見, 已經係好開始.
佢唔係你心入面條蟲, 而且都禁多年, 點解唔可以開口同佢講你想要咩… 2個人就係兩個個體, 溝通係好緊要.
我經歷過離婚, 到再次搵到身邊人… 我想講, 可能你唔岩聽…
其實你咁既抱怨, 真係要求太高了… 可能大家結婚多年, 麻木左, 可能每樣野都覺得…係應份…
我唔希望你直到失去 (或攪到情況好壞) 先知道學懂同另一半相處…
我而家既另一半, 一D 都唔浪漫, 亦唔識得主動去體貼我, 咩生日GIFT, 咩送花, 咩紀念日, 樣樣都無… 但只要我開口講既, 佢一定會做.
相對我EX, 我EX 係會更主動 (但過左去就算喇… 可能我係失去過後才會學懂既人…)
我覺得, 亦學懂… 只要我開口講既, 佢一定會做… 我就要知足… 有一個人肯真心付出同你行落去, 已經好感恩. 有時不能要求太多~ 再加上都真係一把年紀, 只要對我好真心對我…我反而覺得 “施比受更有福” 係真架~
仲有一句, 係一位朋友教我, 當時年輕, 我唔係好GET到, 但到而家老左, 我好認同…
將你另一半既好, 有禁大放禁大… 將佢既缺點, 盡量縮細…
大家相處, 自然會好好多.
7個讚
同我老公係同一種人
唔識關心人，唔知做咩做咩先會令到你心情好啲
我唔開心、喊、發脾氣都好，事後我都會同佢講番，其實我只係想你安慰下我，叫我唔好嬲唔好喊，就算係講一句都好，我都知你係關心緊我
偏偏佢就係碌木咁，有親問題佢就只會黑口黑面，一句嘢都唔講
同佢由拍拖到而家都12年
初初拍拖佢已經係咁，頭幾年會嘗試改變佢，話佢知應該點做，話佢果次咪會改囉，好快又變返以前咁，多年都無變
我就諗，佢性格上係有缺陷，唔會做到我嘅要求
但係佢係好錫我、好顧家、對屋企人好，如果揀佢做老公，就要接受佢係咁嘅人，為有自己去包容佢
到而家有時都會比佢激親，尤其是而家陀緊b，真係好想佢關下我，有時都會激到我喊，佢要見到我爆喊佢先feel到我唔妥，先會內疚
唉，總之無辦法改變佢，我都唔打算佢會變，如果一齊十幾年佢突然間變到好care我，我反而仲驚
2個讚
想補充返少少
其實一個人，唔識關心人，唔識理解人哋嘅感受
好可能係有自閉症傾向
唔係佢唔想做，係根本做唔到
面對呢種人，真係為有包容佢架咋
1個讚