佢唔肯同我分 ， 唔肯搬走， 我點離 ？
單方面申請離婚囉，有需要搵律師
2個讚
你都識講，間屋係你既，真係有決心要趕佢走既話，又點到佢say no
你真係肯痛定思痛，下定決心先講啦好嗎，就算大家都認同你，係個男人錯晒，要面對既始終都係你自己，我哋塘邊鶴黎架咋，講再多，都要你有實際行動先有用架
定係你只想定期上黎開post取暖，疊埋心水做個怨婦？
8個讚
好多野無講出嚟姐，話晒都成10年感情，點會得講出嚟咁少野，而且大部分人都傾向只講對自己有利嘅部分
Btw 我好警惕自己，唔好做黃面婆、怨婦、三姑六婆，唔好做自己細個時唔鍾意嘅大人
4個讚
有時其實係自己唔放過自己
旁觀者清，當局者迷
希望樓主思考多啲，post覆唔覆唔重要架，將重心擺返係自己到啦
1個讚
將心比己，如果我係樓主我都接受唔到一個咁嘅人
做咩係佢自由，但問題都應該要識得分場合同時間
最接受唔到嘅係，湊緊囡都要係隔離睇
樓主辛苦曬啦… 正常男人應該係廁所解決既。佢真係好唔岩。
如果你純粹係想share，大家都明，都認同係老公唔岩。我問老公，佢都係咁話。
如果想解決，唔知你平時同佢點溝通。如果你地平日關係已經好難溝通，咁就找社工幫手啦。係要由溝通方法做起架啦
1個讚
係咪太少？其實你仲愛唔愛佢？
如果你認真，同佢講下次再係湊女時間打J，就幫佢執好行李掉出門口。
我試過，間屋都係我既，然後佢真係走左。
開頭有後悔，以家回想就冇。
自己諗清楚就好。
2個讚
喺廳打係好嘔心，佢死都唔肯改我一定掃佢走
容乜易個女大個喺佢隔離照打然後話好正常？
係，樓主話試咗十年都唔work，咁即係佢用嘅溝通方法唔啱，大家永遠都對唔到channel。
咁落去一係搵人幫，一係大家分開，一係就繼續日復日咁落去，不如諗清楚自己要乜。
1個讚
我係樓主就係cam見到佢打J時，拿拿臨報警話有噪音懷疑家暴，等popo按佢門鐘嚇到佢鳩縮，睇下佢仲敢唔敢
3個讚
俾我都接受唔到喎，唔係唔俾佢打飛機，但打都有分適當時間同地點嘛？性係原始慾望，有慾望無錯，但人同動物嘅分別係人有學識，有道德標準同知廉恥嘛。
有時夫妻間難講理，只要另一半提出啲唔係同普世價值或我自己做人準則背道而馳嘅嘢，我覺得都應該尊重同盡量配合，如果講咗咁多年都你有你講，佢有佢做，咁試吓搵專業人士幫你兩公婆搭返個溝通嘅橋樑出嚟。另外我非常同意樓上個comment,可以的話喺佢打J時搵熟人按門鐘，睇吓佢嚇到縮唔縮，都離曬譜，叫你湊女你咁樣，個女再大啲佢改唔到，見到點算，陰影可以係一世㗎。
1個讚
我諗要令老公本人尷尬就好有用
好多人面對問題都只係想出啖氣，唔敢真係會有所行動，因為佢哋要親自面對「改變」而承受嘅後果，我哋旁觀者清係因為唔洗承受壓力。
所以我哋講解決方法，樓主唔會想聽，其實佢知道應該要點做。
其實真係好變態，依家亦太多親生老豆連個女都搞。樓主肯行出第一步，亦係保護個女。
6個讚
嘔心，個女係到刺激D？
對面屋睇到嗎？
好變態！
試過樓上有個男人落來按我門鐘拾返佢老婆條底褲，自此一齊搭電梯我心裡都標籤佢。
比老師知唔醜呀！
個女大個遲早都知咩事，佢仲有記憶的！
要正視呀。
正常係必須無人睇到情況下做。
最怕個男人有日以為個女仲細以性教育話叫個囡幫佢打丁。
講真，唔係嚇大家，我自己識有人親身經歷，（但年代久遠唔似呢家），係一世會陰影。
喺個女面前睇先係最大問題
1個讚
佢老公唔會卦