咁要諗辦法，唔好真係有證據打過你個仔先諗，仲搞唔掂。
我同c6係屋企，我小朋友好多時都話唔要姐姐，唔俾姐姐埋身，但有時佢又會主動揾姐姐，我都唔明點解
小朋友反應最直接，突然唔肯跟工人姐姐，應該發生咗啲事，先了解一下好啲。
當年我細個（6歲前），我姐姐用衣架打我，我話比爸爸媽媽知，佢地warn左姐姐，點知第二日仲打得勁啲，作為小朋友嘅心態係，原來講左仲打得勁，我唔敢再講，好在姐姐都無再打我，但我爸媽係一直唔知打得勁果次，直至大個無意中講起先知，好在呢個姐姐其他方面都差所以好快炒左，不過我都無特別唔肯跟佢，所以如果你小朋友唔肯跟姐姐，應該都有啲野
我仔今日對姐姐郁手(打一下)，又比我罰
佢只會對姐姐郁手
比我教左好耐(洗腦+罰)
已經好耐無打過人
今日無啦啦又打人，令我好懷疑姐姐琴日真係有打佢…
你呢個時候罰小朋友係無用，如果佢真係被姐姐打，佢只會覺得冇人幫我。
你真係要認真諗其他方法。我第二個工人姐姐對大仔都好差，我媽一路叫我忍唔好炒。但我大仔個陣成日訓唔好，晚晚半夜大叫搵媽咪。到最後我決定炒，換個新工人，我仔就再無呢個問題。我好後悔好仁慈冇一早炒佢，忽略我仔求救訊號。小朋友心理傷害係可大可小。我朋友都試過類似問題，佢當下決定辭職，寧願無錢都要自己湊番。
我好好彩，我而家工人好好，但我兩個小朋友都係返全日制幼稚園，咁我放心好多。雖然唔係讀名幼，但返學開心，姐姐輕鬆啲，對大家都好啲舒服啲
3個讚
唔好再罰仔，因為你都知道仔仔點解會咁，唔好將責任放係小朋友身上
你要正視個問題係工人姐姐
1個讚
其實如果平時個工人做嘢都滿意， 又肯溝通嘅話， 或者可能平心靜氣同工人姐姐講如果遇到仔仔唔聽話唔合作嘅時候應該點處理會好啲？ 例如簡單將"唔好跑"改做"慢慢行"， 或者由坐車嗰陣"坐好，唔準郁＂改為同佢玩 I spy with my little eyes 或其他遊戲？工人姐姐唔似我地會睇育兒資訊，佢地只會用最原始最直覺嘅方法去處理小朋友。就算炒咗而家嗰個，下一個唔識湊小朋友， 其實都會有同樣問題。工人姐姐湊細路一係靠惡， 一係靠縱（即小朋友要乜就俾乜佢，唔使煩），兩種湊法都唔係對小朋友最好
1個讚
該主題在最後一個回覆創建後30天后自動關閉。不再允許新的回覆。