直接搵個區嘅社工，
睇下有咩resources可以安排？
本身老人家有冇做body check?
昜氹就卜左timeslot睇醫生。
唔易氹就搵社工上門傾下初部評估。
2個讚
細妹慘啲
日日要對住啲咁既負能量！
你父母邊個出去買餸？
搵個機會「捉」佢哋去買餸，之後「順便」帶啊女去公園玩陣？
日日屈係屋企緊係死啦
而家好多長者中心都限人數，難攪
未必係抑鬱，可能係成個生活模式唔同咗仲未適應，可能以前返工有同事同佢傾偈，返屋企有老婆仔女同佢傾偈，宜家接近無人同佢傾偈，老婆可能因為佢崗位唔同咗(退休唔洗負責屋企擔子)又唔同佢傾偈，係悶架，我老爺都差唔多情況，一下子無哂啲朋友同佢吹水，樓下公園阿伯又唔啱傾，個老婆又係主導哂屋企大小事煮埋三餐比佢食惡咗好多
，係我地約佢食早餐先講得最多嘢
我阿媽就成功overcome咗，初頭成日打電話來鬧我唔返去食飯、唔理佢、樣樣都鬧，我明佢真係寂寞，後來跟啲婆婆去咗老人中心玩，成個人正常返
7個讚
我家老豆都係, 至從退休後, 唔多鍾意同D朋友維繫感情, 以前佢有班固定雀友個個星期五都開檯, 好似突然唔見晒咁, 佢依家唯一
係呀係呀… 其實咁樣, 係咪已經算係抑鬱?
試下同區內長者中心d社工講下，睇下佢地做唔做到支援，初頭打下電話比您爸爸，之後上門探訪下，然後氹佢落中心玩。因為佢退休後嘅身份、角色、生活圈子唔同咗，如果長時間都適應唔到呢個轉變，搞搞下真係會抑鬱
1個讚
似係空巢期症侯群嘅徵狀，通常發生喺啲仔大女大、以前忙於工作/照顧家庭嘅長者身上
上網睇下資料，認識下依階段嘅佢地，知多啲你個人會無咁驚，佢生活一下子唔同咗未調適到，老人家適應力始終低啲，好難一時三刻去幫到佢。
先留意下屋企附近有冇咩社福機構，睇下有咩資源先
，教佢地用智能電話、工具（eg同孫視像）等佢地唔好脫節。
佢鍾唔鍾意睇運動、劇集？安裝啲收費電視俾佢地。
種花、養下魚或者小鳥可唔可行？
我自己係搵啲嘢要我爸爸幫手，一啲好簡單小任務，等佢覺得自己有被需要、仲有能力。
3個讚
我62有差不多既情況，記性差，行為怪異，性格反常，我地都估佢係腦退化初期症狀，千方百計令佢見左醫生，但醫生評估佢話只係短暫記憶比較差，overall個分數唔係腦退化症。
99同62前後見左3次唔同科醫生講同個情況，終於都轉介佢去職業治療，都係一樣，test出黎未屬腦退化症但都refer左佢去d記憶班。
第一次見左記憶班個社工，社工同62傾計講既野除左講佢同阿嫂同大仔住係岩之外，完全唔會提99同細佬，明明無返工就係咁話好忙，唔得閒上堂。
99同62關係好差，62性情大變99唔想同62單獨相處，所以講到明係唔會陪佢去記憶班，我地返工又無可能兩個星期就請一日假，99唔幫手我地都無辦法
其實係我老豆煮飯我阿媽洗碗咁樣，屋企家務一直係合作咁樣，佢地都唔係傳統嘅老人，佢地年紀都唔係好大，我老豆65歲都未到，阿媽先55歲
佢地以前成日自己去旅行，而家冇得去
行山又試過媽咪整親腳之後唔行
FaceTime已經日日都同佢地傾
我爸爸就係好中意玩iPads電話，出街飲茶都狂睇唔同我地傾計
我其實都覺得搵佢幫手做簡單野好好，
不過我唔同住，阿媽又唔配合
如果經濟同時間許可，不如自製一啲香港小旅行得唔得呢？間中book啲酒店去玩下，順便去下附近景點咁。
可以得佢兩個，或者一家人同埋啲孫咁一齊去。等佢地可以期待下，執下行李準備下，一家人可以多啲回憶。
1個讚
我地已經個個月捉佢去staycation，上星期先去完，但係又會話我地浪費錢，又話自助餐唔好食，次次都係咁，搞到準備嘅人好冇引
呢啲老人家通病，就算心入面開心都會咁講，起碼佢肯去staycation, 都叫出下去
1個讚
我呀爸退休後都係… 好多朋友爸爸退休後都有呢個問題
佢地好悶唔知有咩可以做, 就會開始諗埋一邊
唯有多D陪下佢, 發掘下D興趣比佢地
依加佢地有孫湊, 好左好多
我都想推薦兩老去行下山, 行啲普通啲易啲嘅路線啦
平日都有好多中年人組隊一齊行山, FACEBOOK應該會揾到
唔洗加入同報名架, 係佢地出發時間痴埋去就得, 多啲人有個照應嘛
如果係完全行唔到嘅可以介紹下佢地去啲香港景點, 太澳呀赤柱, 當去下旅行
養動物其實養金魚都幾好嘅, 不過佢地屋企有貓, 唔知會唔會打條魚 
我爸爸媽媽都鍾意去行山, 去離島行, 但佢地要人帶, 唔想join唔識既人去
我諗好多老人家都係, 唔係咁易走出去識新朋友
俾我直情會走上佢屋企
早幾年阿媽自己退休先, 佢都好摺唔多SOCIAL,
但係知一個人行山危險, 所以自覺去揾左啲團痴埋去,
唔洗同團友交流都得架, 好似平時星期六日係山都會遇到啲人打聲招呼咁上下,
旨在有堆人一齊行, 有個照應
如果係兩公婆一齊去仲好, 有個伴可以傾下計
我爸爸舊年都被迫退休，日日喺屋企坐都真係好難捱
放假幾個仔女會多d 陪佢周圍去，郊遊露營，
屋企有咩壞左爛左就搵佢幫，等佢有d 世藝
攞過個fitring 俾佢玩佢仲話要自己買個嚟玩
或者搵社工幫手