咁咩原因令你出去搵工？
咁岩有同事去左見工 refer 我去 我見有機會咪試下 點知又得左 其實offer 同我預期差d 如果多1k 有26k 我都會即刻走唔洗諗 但而家覺得多得2k唔上唔落 始終高一級 做既野都一定多左 比起而家好hea 2k好似唔抵
現工咁hea而你又想hea, 唔會轉
重點。
我覺得你走既理由唔係咁強烈
所以唔建議你走
如果真係有心走
要求新offer +$1000
唔得就再出去搵
1個讚
如果你之後諗住生小朋友，我就唔走，一來你本身都hea 底，二來有小朋友就會覺得唔駛OT 好緊要
1個讚
如果唔打算轉新公司，又唔怕對方反感，我可能會打去新公司，問清楚工作流程/工作量，最緊要多唔多ot （當然是扮到想了解多些工作內容，到時可以快些適應
）再看看自己能否應付到。
他們有心請你，應該唔介意同你溝通多啲。我估他們都唔想請個新同事返來，教曬所有野，唔夠3個月就話唔適合辭職。
1個讚
無可能只睇底薪，allowance 都係你收入一部份，佢真係蝦你唔出聲？
但點解寧願繼續做都唔試吓揾工？
1個讚
搵人笨，點都係睇total package啦。
咁其他啲福利呢？例如大假…
1個讚
又唔好咁講，hr角度可以當allowance 係浮動，公司可以突然唔比，所以只會計低薪
所以要怨不如怨呢家公司點解唔擺allowance 筆錢入底薪，要分開計。
1個讚
唔會啦，睇你點講jeh
總之我 prove 到咁多年都係攞呢個錢，我無理由轉工當嗰筆錢唔存在，咁我轉嚟做乜？
我都轉過好多份工，都係有 allowance + bonus ，亦都會計埋入我年收入同新公司bargain。每次轉工都一定至少15% based on past annual income.
3個讚
如果計年薪。。。 新工應該多萬幾咋。。 你一言驚醒夢中人
大假一樣 醫療新工差少少
真係睇公司
愈大間每個post 通常都有個salary range
因為見工好恐怖
而且無乜迫切性揾工 而家我呢份工幾嘆同埋都暫時夠洗
咁好似唔係幾值得轉喎….
所以其實我想帶出尊重同佢有幾想你join 呢個問題，
因為咁樣開Offer，真係有d危。同埋你咁都肯轉，新公司d人都唔會重視你。
1個讚
咁其實以你性格應該留喺 comfort zone 舒服d
但你要有危機意識，可能公司有日會減你人工，又或者過咗30都係呢個rank and salary range，之後揾工會越嚟越難。你要考慮你之後供樓嘅問題。
2個讚
就係因為你懶，鍾意comfort zone，又無負擔，我更加建議你轉。呢個係你唯一可以離開comfort zon既機會，衰左又無野，得左會有好大得著。
我之前又係返he工，每年加幾百，公司無前景，未結婚。後來結左婚，老公在外地工作，我冒險調識外地，令我整個人脫胎換骨 得來一生最寶貴既經歷，無論事業，愛情，技能，人生觀都大躍進。
6個讚
諗返你當初點解會想搵工 / 轉工嘅原因, 撫心自問, 將呢啲因素對於自己嘅重要性黎排次序, 咁你個答案應該會清晰好多
不過同意上面有講, 就算轉, 呢個offer 都唔抵轉. 睇offer 係睇total package 架嘛, 包括guaranteed monthly salary, guarantee 幾多個月, allowance, bonus, 甚至假期, 保險, MPF 供款, 又或者可能有long term incentives… 因為呢啲都係你確實會收到嘅野. 大公司係會睇salary range, 但唔代表可以推翻你其他嘅收入, 而家公司正常都係透過銀行戶口出個allowance 比你, 咁有證明架嘛.
佢而家話當你只係$21000, 加$4000 比你就皇恩浩蕩咁, 到時你要做多啲野, 諗返轉頭淨係加得咁少, 你心理一定好唔平衡
3個讚