我覺得你們結婚都係冇真正諗清楚,我老公又唔靚仔又唔係揾好多,但最起碼一件事就係信任我,佢亦都唔會打我及從沒對我講過一句粗口,老爺奶奶好唔好就更唔多講啦. 有了小朋友,你做每件事自己衡量輕重,家嘈屋閉衹會對小朋友更冇家庭溫暖,且成長路都唔係咁好,肯定要社工幫助,妳好好帶大小朋友,教好啲小朋友吧.
好痴線，叫佢問佢阿媽，已經全職照顧緊個女，仲要report俾佢聽，無咁得閒囉
佢關心個女，咁問吓佢你十月懷胎生佢出嚟會唔會想害個女，問吓老公咁你有冇關心個老婆？提醒吓佢，俾得你做ftm即係信得過你能力，就唔好管咁多，而老婆唔係佢妹仔，老婆係需要老公關心而唔係審犯式提問
8個讚
我都好懷疑係, 仲要我朋友係靚女而佢BF只係SOSO, 我見佢講電話果下我都好震驚, 駛唔駛咁低聲下氣, 只係同朋友食左個飯啫
我只可以講，他生完大病之後性格變曬，到生完個女之後仲誇張，3個人逼喺一間房，如果大家唔互相遷就真係好難生活
你搵幾次星期六、日，約朋友去街，叫佢照顧BB，每次返屋企就學佢，審犯式每件事問佢點做，問到佢煩，然後話你只係關心BB，唔係唔信佢，學足佢咁講。
佢夠膽話你煩，你就話反佢平時都係咁，你終於知道自己煩啦，如是者幾次，等佢知道自己平時幾討厭。
9個讚
做得夫妻,正常大家都係共患難,男人唔肯讓,做女人都唔讓肯定永無寧日. 若未有小朋友你都可以諗其他,現在還有小朋友,母親為了小朋友一般都會遷就,所以我才講社工肯定要,且仲要佢著緊啲.
唔係一定
只係對於你呢個case、你老公睇法，就係喇。
你老公都唔尊重、重視你做ftm
而你堅持繼續做就一定同佢睇法有分歧。
幾時都講，做ftm 要有老公支持、尊重
咁做都要睇男人嘅性格，有啲男人唔大得，好容易推向離婚。
我自己性格係：我唔會掉低仔女，以離家出走做為談判嘅手段。如果行得呢步，我已決定離婚。
2個讚
好似冇乜人理個老公?
老公先係root cause
真係攪唔掂老公先好諗其他硬碰硬既方法
介唔介意詳細D講下老公既變化?
1個讚
我以前有個男友都係咁，兩年來要我每日lunch report比佢聽同邊個同事食飯，好得人驚…
我都絕對唔會行呢一步，因為Day1我已經唔會畀佢咁過份，仲結埋婚生埋女冇可能啦
2個讚
一個內一個外，點解佢可以係咁打機你就要氣都冇得抖比佢點仲要比我訓話？
男人對我大聲呼喝嘅，一係老豆一係老闆，前者硬食忍到大個獨立喝返佢，後者可以唔撈
老公對一世，你開咗個頭佢只會愈來愈過份，我拍拖嗰刻已經唔會接受到，如果結咗婚佢先變，我一定要佢suffer，佢喝我一句唔使旨意有好日子過
離婚有乜所謂？有嘢重要得過自由同尊嚴咩？
4個讚
你成段COMMENT可以貼堂 
其實個男人咁樣, 娶個女人返屋企為咩?
我都係。
如果我老公嘅說話，行為令我唔開心，我一定第一時間俾佢知。我就算唔出聲，都會黑面。俾佢知冇下次。
之前我係話曬事，咩事都就曬我，結左婚之後有左個病就自私左，下下都諗自己先，同好注意自己身體咁。
當然，我知一個手掌拍唔響，他有左個病之後，我係諗他先，所以我知我有份造就到他咁，而我份人性格好怕煩，他一煩我我真係投曬降，所以就咁囉
男人唔需要容忍，佢唔會多謝你唔會珍惜你，你唔爆佢唔等佢死一次佢唔會知驚。
我每次同我老公鬧交，我都會開拖到佢下次唔敢重覆同一個錯誤，就算佢重覆佢一定知我嬲乜，一定會say sorry。只要佢錯，我一定唔會主動和解，佢會識做
但當然，我自己錯亦一定會氹返佢，唔係單向
個女你生你湊，佢咁9巴閉佢做囉，你唔湊一晚你個女唔會死，但你老公一定會想死
如果佢只係問關於個女嘅嘢
不如叫佢自己每日同佢身體檢查啦
睇下有無死到, 有無呼吸困難
唔放心嘅叫佢自己做返囉
除咗加固之外, 日日切好哂啲食物, 包好佢
咁咪唔駛問囉
不過睇樓主提過好多次, 老公係因為有大病所以開始變。我自己就好難想像兩公婆點捱過伴侶大病, 諗下都覺得慘同好大壓力, 樓主可能因為咁會對住老公會縮沙都唔出奇。
有冇諗過捉老公去見下社工呀, 有啲野要自己講唔到可能要中間人調解下(不過我覺得你個社工都係幫唔到手架啦 
)
1個讚
如果佢大病後要咁樣折磨個陪佢共患難嘅老婆，我會寧願佢死咗佢
哈，我講得出口，唔好學我
4個讚
佢都痴線架
咁鍾意問問問，佢咪自己返工前洗好切好整好俾個女囉，既然唔信你，點解佢自己唔辭職湊？
關心個女唔係咁的，唔好用自己的角度去睇
佢眼中的「關心」，唔一定係你同女女需要的「關心」
我都係ftm湊2個，由day 1開始已經講明，我係媽媽我負責湊，我擁有小朋友起居生活的最終決定權，呢點連我老公，四大長老都要尊嚴我
多口一問，你老公做邊行？點解可以咁長氣咁癲？
11個讚