其實講真，就算係小錯，日日錯2-3個，其實都唔係小事。
唔知你朋友做盛行 但有工種真係唔容許出錯
著重細節唔係要求高 只係負責任嘅行為
咁嘅心態 如果我係上司都想放棄佢
可以咁放肆，係咪上司無得寫佢appraisal/ 無人理份appraisal?
有D似講緊我，做咗份新工半年，自問好努力學嘢，但係有心冇力成日唔記得，其他人就當你hea做，點樣做，人地都唔滿意又完全唔啱channel 咁冇話題，當初大佬都有慢慢教我新嘢，但係依家開始寬佬懶理咁咩都唔理，問佢嘢就叫我去搵其他人問，我都唔知點好
1個讚
如果本人係想改善做好自己，但係成日都唔發覺自己有咩位可以改善，做唔到位，單純直白諗嘢又冇人諗得咁多步咁全面（可能簡稱“蠢”）可以點做
你可以搵本簿寫低，或者用電話記低，下次可以自己睇番d筆記跟住做，人哋都會覺得你有心學
1個讚
用checklist, to do list
你覺得自己努力，但身邊嘅同事上司睇到嘅係你重複錯、求其，你達唔到佢哋認為嘅表現。你有無試過問同事某個位點做？
唔啱話題係因為佢哋覺得你工作態度差。
逐個step寫低，每次做同一件事時，記步驟，如果上司有俾意見，即係個step附近寫低。
唔好用腦去記，一定一定要寫。
你做咗半年, 唔會再當你係新人la
出嚟做野唔好期望人哋會教到你識為止
除咗嘗試記住
咁實質上你有冇做過d咩令自己快d上手?
你問嘅野佢之前有冇教過你先?
定係工作時遇到嘅新問題?
過左半年真係expect你已經上手，唯有用多d時間抄notes再溫番（如果有心繼續做的話），同埋最緊要唔好串／態度唔好，如果唔係可能下場同我同事一樣，被放棄。。。。。
2個讚
真~我發現宜家d 人
教佢做野呢
真係連抄都唔抄
仲話自己記得晒咁
其實有心既話貼張紙響檯面照跟咪得
1個讚
我都曾經係咁嘅人，以為一面學一面記就得，我阿姐算係好高要求嘅人，丁點都唔容許我錯，初入職一個月佢要我咩全部要我手抄，再好似check list 咁做完要confirm。呢個方法好好，唔好話半年，做咗一個月佢已經expect 我唔需要再下下問佢，或做錯做漏。
係喎，我教過幾個後生仔都係咁。
我只係教用影印機，縮細放大，用影印機scan完過返去自己電腦到。
問佢點解唔寫低，下句答我，我記憶力好好…
二日後我特登搵佢做返同一樣嘢，縮細放大都可以錯…
1個讚
正常要求
因為我份工需要keep住一直接單，如果停咗落嚟，後面d單就好快堆積如山，同時我又係個好“藤雞”嘅人，遇到d問題就藤曬雞啦，個腦會變得空白咁，諗嘢唔全面唔識變通，有機會搞到件事做唔好，又堆積d單係度，最重要係呢d事情成日都係得自己一個或者差不多收工嘅時候先出現，搞到會麻煩其他人或者阻住人收工
份工我想keep.住做，但係工作同人際都好似好差咁
有冇辦法可以去改善吖？
我態度唔差，自問知道自己識嘅嘢太少，所有嘢都低聲下氣咁，可能人緣真係太差同太蠢，返工冇人幫
你有無試過問同事某個位點做？
佢會問番我轉頭，咁我咪講自己嘅答案講佢聽，但係佢聽完就火都嚟埋，俾我嘅感覺就係“點會咁做嘎，答案擺明係度，咁簡單仲要問，係咪傻嘎”，但係如果我真係識點做，我就唔需要問啦。
同埋當我覺得呢樣嘢可以咁做，咁我就直接去做啦（個大佬有在隔離睇住），佢聽完會覺得唔識做咩唔問佢，可能佢覺得我淨係做咗50％或者更低，但係我又senses 唔到呢樣嘢