咁我又覺得攞7婆黎做比較又慘左少少。係有感現實生活都有種朋友係咁，永遠覺得人地既決定只要同自己唔同就係錯就係傻，佢唔明人人條件唔同，承受風險程度亦唔同，當然會有唔同決定。
不論生仔定移民，我自問我都冇資格去judge 人啱定錯，因為一日未到死個刻，我連自己既決定都唔肯定對錯，更何況係人地既呢。
4個讚
冇話咩心態, 只係人地對個環境嘅諗法同你唔同。唔通個個睇到眼前發生嘅事就要同你一樣反應?要呼天搶地?唔同你一樣就等如冇諗過野, 生個仔出來要佢送死?
1個讚
唔使，所以香港先有黃、藍之分。
同一件事，大家睇嘅嘢唔同，我一而三強調，你覺得小朋友喺香港長大無問題嘅，咪生。
我身邊都有
朋友係咁，我都係祝福佢哋。
生仔大都係為男家要/解悶/完整家庭/綁住老公之類原因，或者中意狗仔養隻狗咁心態。
有人會係因為想生佢出嚟感受下呢個世界既美好而生？
咁以家呢個世界真係前所未見咁美好。
我係社運未發生前已經生左bb, 當時要面對既政治考慮確實係冇而家咁困難。所以我覺得而家既準媽媽已經好苦惱。
不過我都想分享番近呢1年我有好幾個黃朋友都有左b/而家備孕中，佢地係專業人士，而家呢刻未決定到走定留/只送小朋友出國，但因為年紀3x喇驚愈大愈難生，所以諗住生完b再modify下佢地既plan。但我唔覺得佢地係自私，因有認真考慮小朋友既前路。
BB未出世之前其實係一個陌生人, 連佢性格(性別)都唔會知道, 話生佢出來之前要保證佢一定開心, 人生一定美好係冇可能。點知會唔會係個高敏兒, 一日喊20粒鐘唔訓覺嘅, 連佢生理上覺得安穏都唔係100%可以保證。
人生入面政治環境只係其中一PART。上年我曾經試連續幾日湊B好忙, 放低左個電話, 原來果幾日香港發生左好多大事。我唔係唔關心冇感覺, 但係如果專注係其他事上面, 就發覺呢啲政治事件唔一定要放係第一位或者係第一大難題。見字飲水坐直,做你覺得岩嘅事就可以。
生唔生係一個決定, 有人覺得做一件事要揾到原因先會實行, 但係倒返轉有人可能唔需要特別原來都會去做, 亦有人只係需要一個唔做嘅原因。唔同人點樣做決定係好難解釋俾對方知。如果揀"唔生"就故事就到此為止。如果生左, 咁你嘅課題就係你點樣愛佢, 支持佢去面對一切難題。
如果有準媽媽覺得好煩惱好唔開心, 我推薦你地睇呢本繪本, 唔好忘記初心。
8個讚
其實我覺得好多人誤會咗我嘅問題，我一直都話，有能力去改變其實無問題，我最想問係一班覺得有問題，又冇能力改變嘅人。
最基本，小學已經要寫我是中國人，我愛中國呢d 課題，父母認為無問題咪寫，咁嗰班唔想認中國人嘅父母點教導仔女？（ps 只係一個例子，或者書本上教2019警察點拉暴徒）
我老公88年，
衫都冇件啊，
我依家睇返都覺得佢好慘，
日日著校服入面件底衫，
打波都係人字拖。。。
如果咁樣比你有4，5手衫加埋年代又耐啲，
經濟差啲，你可能會冇咁嬲屋企，
但我老公屋企唔係窮到咁架，
仲住居屋。。。
我覺得睇屋企咩情況而俾咩物質重要啲，
窮但已經盡力俾左最多嘅野你，
同純粹唔俾真係好大分別
1個讚
好同意，
根本成件事好簡單，就係識唔識得尊重人，尊重每個人有唔同嘅背景所以有唔同嘅決定同選擇。
自己管好自己咪得囉，佢自己覺得要反省佢咪反思到夠，但唔好攞自己把尺去度人啦。
每個人都有每個人嘅想法同自由，憑乜嘢去judge 人哋嘅人生 ，冇人問過佢攞意見囉。
5個讚
我直覺有好多人都係:
“到時先算, 搵多幾年錢先”
或者"我會教好個仔既"
或者"大個D先俾佢出國"
或者"根本冇意識到問題所在"
其實覺得自己解決到問題/根本冇問題就OK
但而家好似係一個不可觸碰既問題
Exactly!
如果覺得無問題嘅，佢哋根本唔會考慮政治/環境因素。所以如果上面嘅人覺得呢d 唔係咩大問題丫，根本大家講緊嘅嘢唔一樣。
但無人答到我同你嘅問題，就係點喺呢個環境去教導小朋友。（前題係你都覺得香港有問題）
原來你嘅問題係「點樣教」而唔係「明知冇得教都要生」。
出錢出力拉高香港人比率，直頭多謝你喇～
都話是但你囉
我都想講呢樣野好耐
班移左民既人成日講唔走仲留港既人港豬,
同佢地講你地走得都係因為班冇BNO既後生仔坐住監俾佢地
跟住個班人就話人道德綁架
佢地唔自私咩?
係度成日見移左民話香港冇架啦,
幾十萬有得走唔走,
我覺得呢D人比小粉紅更可怕
4個讚
Agree !!!
該主題在最後一個回覆創建後30天后自動關閉。不再允許新的回覆。