咁又係既
而家大肚個d大部份靠緊人
1個讚
點解生仔係自私？唔明你個concept
咁哩度好多人都自私喎
其實好多人想生但生唔到，有d 可能努力左好耐，先至有左⋯⋯
你話冇條件冇能力，為生而生，格硬生就話自私姐
有條件有能力生，我就覺得對得住天地良心
27個讚
又未必嘅
我唔識佢地真人，真心唔知
咩事呀？宜家生仔有錯咩？
呢度叫baby discuss 呀
24個讚
呢度有啲人都幾搞笑，永遠喺自己個角度睇嘢
自己冇能力，無條件，就覺得人哋都係冇能力無條件害咗下一代
想唔想生仔都要俾啲外人去comment同批鬥，唔知仲以為自己睇緊 baby condom d低質 post
遲啲唔知又會唔會開個post話原來咁多人經濟差都會搭的士，或者
原來咁多人經濟差都會出街食飯
好心啲人搞掂自己先去諗人哋生唔生仔啦，關佢鬼事咩
8個讚
崩口人頂罪你，唔好意思
另外想問：有條件有能力生，我就覺得對得住天地良心
這句說話是點解？
其實你咁憎人生仔，係咪有咩陰影？
點解你要黎baby discuss?
5個讚
呢度對依家呢刻要生仔既人好苛刻架 呢個post一開我就預左會變成批鬥post 一入黎睇果然
其實呢度不如唔好叫親子論壇啦 或者前名加多句叫謝絕2019年後唔走又生仔既親子論壇
13個讚
真心唔明哩d 人點解會話大肚婆靠人哋？
咁佢嘅意思係咪即係話女人就一定要靠人？
佢自己都係女人喎
8個讚
有能力生養下一代係一件美事，父母肯用心栽培就夠。唔會因為Lee一刻個政治環境而左右到個決定，亦唔洗睇到一個地方好似成個地球咁大。
17個讚
之前已經留意到有另一位會員對生bb呢個topic講啲好難聽嘅說話，但佢自己都係媽媽嚟
佢地好適合去連登
而家連生仔都要俾人批鬥，好可怕
11個讚
其實係咪班女人自己生唔到仔或者老公唔想俾生，睇唔過眼啲人點解可以咁易生
我以為呢啲低質井底蛙真係得baby condom 先有
每個人嘅人生規劃都唔同，人哋生仔做乜要眼紅人哋
我兄弟姊妹都啱啱生咗個BB，其實佢哋都唔諗住移民住，要喺香港搵錢先，不過佢哋兩個加埋搵成40萬一個月，唔好計啲積蓄同樓。咁佢哋係咪又要俾人批鬥生仔又唔移民
2個讚
真係唔明呢個邏輯，其實佢係咪想啲人唔生仔，咁佢個仔就會少啲競爭
同埋係咁鬧人生仔嗰啲，係咪好後悔自己比阿媽生咗出嚟
1個讚
我都唔係好明點解你生仔要同人解釋同俾人審犯咁
2個讚
其實唔講政治環境，就算全球大氣候 (氣溫，能源，汙染，土地等等) 都唔適合生下一代
解決唔到既問題，留個越嚟越差既生活環境比下一代，其實都算自私既一種
不過唔覺得有幾多人會care
最低限度計掂數，供得起小朋友去外國讀書咪生囉
留係香港就算把啦，有朝一日比人強收地，全家瞓街都有機會發生
7個讚
係架！ 而家唔移民唔送仔女出國都會俾人講！
1個讚
如果我老豆當年冇走落嚟香港先生我，我就真係會諗點解要生我出嚟？for what先？
如果一個人失去希望，就會連生存都覺得係對現今社會嘅一個包袱、負累，如果一個人失去希望，就會認為全人類滅絕先係一件美事，又會指責心存希望、延續生機嘅人。
其實已經有人醒覺去提倡環保、發起關注全球暖化問題、亦有好多措施去監察污染指數，但對失去希望嘅人，就只求全人類滅絕去解決問題。
10個讚
最緊要兩公婆有共識就無問題
生左出來唔好怨就得
最驚係只係其中一方諗到好美好
咁就大鑊
2個讚
係，留低嘅人生活都要繼續架，咁係咪大家乜都唔好做，工唔好返、書唔好讀、仔唔好生先至叫好。
我自己覺得每個人喺自己位置好好生活就夠，人地要點自己控制唔到。
5個讚