你也說了，若有意外便有用，舉例若有意外或大病需要一大筆醫療費，若沒買保險，費用便由自己的儲蓄來出，但買了保險，費用便由保險公司出，所以保險是在有事時保障你的儲蓄（有事時不用動用你辛苦儲的錢）
係，有能力嘅趁早買。
我覺得大人細路係點都要有份住院看門口，因為我地嘅醫療制度真係信唔過，有咩事可能排期以年計，就算急症室排N個鐘咁。
咁當然如果覺得保險係呃人嘅就算啦，乜都唔好買。
保險係死物，死物點呃人呢撐？ 所以最終都係人呃人，而唔係保險呃人，再者，講保險呃年嘅大多數都係聽人講，並非親身經驗，正如早前消失嘅手post咁，一樣唔係保障範圍內嘅得唔到賠償好正常，有人話CS話有，咁當時對話內容係點呢？ 無人知，又點介定一定係CS答錯？
香港大多數人對保險有錯誤嘅理解，保險係一種係形產品，唔係一件即用產品（相信無人想即用），我好多時都同客講，有邊個想係保險賺錢？
保險咁多年都無錢賺，用嚟投資好過啦，如果單單睇回報，係無錯，但保險唔係投資工具，正如唔係所有魚都可以做刺生一樣，保險係槓桿理，一個月500，有咩事，即時有500萬幫你，市面上邊一樣投資工具做到？
有錢自己俾，唔需要保險，咁要睇有多流動資產啦，成年人入私院照腸胃鏡，兩日一夜，3萬落樓，條數未必好大，但以現時一個fresh grad嘅人嚟講，一個月萬多人工，照一照無咗3個月人工，可能佢應付到一次，但如果一年內兩次入院呢？ 半年人工無哂，但3萬足足可以俾到5-6保貴，數回點計就見人見智啦
有住院但賠唔足買嚟做咩？ 有住院保障係俾多個選擇自己，醫癌症都唔夠啦？ 現時有專為癌症而設嘅住院，保貴底，保障大，有無留意市場資訊？
賠償唔足往往唔無保險問題，而係永遠一個道理，買唔足，點解？ 一個原因，俾保貴永遠都覺貴（我聽慣），賠償永遠都話咁少
政府而家暫時仲可以既，只要你個病等得就可以，不過遲啲咁多專才加入就好難講，你去睇得醫生就唔會比你揀囉
所以醫療保險一定要有對自己好啲去私院有得揀
保險不嬲都係你有信心唔會病就可以唔買，有信心會賺就可以買
保險係買緊個「安全感」
係虛無架～
1個讚
想問下大家有無聽過Darkmonex？ 有睇過佢post 係解釋得幾好
個個賠得足就係lor…
賠得足唔足就睇投保個額夠唔夠
“細個買保險抵D“ 根本係保險常用技兩
後生健康D, 出事機會低, 保費自然平
同埋一但開始買, 就個個月供落去, 好少停
保險只係同自身既醫療費用做對沖
D保險佬好鍾意同人講
如果一盒糖, 其中一粒係毒藥
你會唔會拎一粒黎食?
我就會話
買六合彩可以中頭獎
買馬可以中三丅
你會唔會keep住次次買?
所有野都係睇機率, 投資成本同回報
我覺得如果平時有儲錢既, 唔駛買保險
如果再加埋公司有保險, 更加唔駛買
如果本身冇儲蓄concept
或者知道自己天生健康差
或者天生缺乏安全感
咁買保險都ok
2個讚