雖然我都同意你我諗如果呢個時勢唔會買。
不過作為之前買樓既我。曾經見佢跌過一陣子（估價有少少觸及到買時底線）但果陣子我自己會諗。因為樓住一世。如果佢跌佐幾百萬，咁我當佢抵稍返10年既租錢。當時我係咁安慰自己。不過而家個勢，我相信唔會跌幾百萬吧?
我想講。買樓最緊要買自己喜歡既。住多3。4十年都會想再住既。就可以考慮。
不過而家既狀況咁混亂。未入巿既當然可以再睇下樓。有冇自己心水既先諗吧。
我keep住都有睇樓，我本身有個用開嘅經紀，上星期同佢睇，佢話已經多左成交，而且都好多客約睇，不過好奇怪係，我隔兩三日就有唔同經紀打嚟問我買唔買樓(因為我11月賣左，有記錄)，如果d經紀咁多客，點解又會咁多人打嚟呢？
另外，有部份我睇完嘅盤，經紀過兩日又會打嚟，個價平左d，或者業主有得傾，問我追唔追價，有好多我上個月睇完嘅盤，宜家重未賣出，有d就平過原先叫價5%-8%成交，但當然，有d成交左，都唔差叫價好遠賣出(10-30萬內)
我除左睇樓外，重會check住個成交紀錄，就係以上情況，如果我真係年尾要入市，我諗最差都係貴10%接貨，而唔會買唔到
1個讚
當然，幾時入市都好，計掂條數就可以入市，最重要自己負責個風險
jm 你同禾既遭遇一模一樣,禾都 keep 住比經紀 whatapp 到煩到嘔!有 d 真係貴地段減30個,有啲禾好直接講得出差既原因,平50個都有!
禾同你睇法一致
網絡有好多打手有經紀,不斷托巿 sell 盤都有,唔駛pm 禾,暫太忙第2d 事,有樓可以搵其他人買,禾讓步先 
1個讚
Check住自己心儀果d屋苑嘅成交記錄，同放盤叫價，同經紀傾多d，熟果d會俾埋你知真係有咩盤放，上網睇果d唔係個個真盤架
同埋唔好只搵一間代理，唔同代理有時會有唔同盤
1個讚
樓價跌自住有咩影響？
你有無樓？定係都係得個睇字？
咁如果我睇到咁既情況。仲會睇緊啲都唔會買住。
不過我係覺得而家經濟情況會差到點都唔知。何必令自己買佐之後擔驚受怕。
現時無，我11月時已賣出，係打算換大d嘅，樓價跌對自住有咩影響，就係你負債會多左，你要自住唔怕跌其實只係安慰自己，當你買左一間2房，如果將來家庭需要要換，但你樓價跌過你買入價，咁你要咪要自己拎錢出嚟。
我都有話，如果到年尾仍然無問題，我咪入市囉，我會承擔當中樓價升嘅風險，加上我現時已簽死約，呢一年我係咪都要俾嘅
1個讚
既然有自住需要，無人可以估計到個市之後會點，個個都高賣低買到咩⋯⋯ 同埋一日未賣一日都唔係叫做蝕錢
你依家賣咗自住樓未入返市，好彩嘅係你買樓時樓價低d，唔好彩就車都未必上得返
你租樓比錢就係支出，供樓就唔同
我知希望你如果有自住需要，就快d上返車，等跌市，其實大把人都等住入市
總之如果有心儀單位for自住，財政負荷到就可以去馬，況且供樓又可以扣稅，租樓無
身邊買唔到樓嘅朋友成日都想等到抵買，等咗2年，d租最少都去咗30幾萬啦，再過多357年，100萬就無咗
利申：我換樓時都會盡快入返市，之前7月成交（賣），11月前已經簽臨約（買），係出面租地方住都要預返新屋裝修，我自己要求高，自己住嘅地方一定係全爆
我之前果間係09買，賣出時要有d升幅，因為賣家要長成交，變左我成交後遇到租金回落，簽左死約到下年年頭，我預埋裝修時間，都可以睇到年尾，如果我睇錯，咪貴買返囉，你七月賣出，個價都應該ok呀，good trade
升市換樓當然最好快d入市，但遇著疫情，香港政治環境等等，我覺得需要睇定d者
2個讚
我係幾年前7月呀
賣時帳面賺咗40%
原來你長成交，當然要收足前先再入市，否則兩邊都躂就慘啦
不過正常成交期就一買一賣盡快做啦，好怕d人上唔返車，其實好慘
佢地要做按揭，要求長成交，我地又想過埋年，果時都一直擔心賣家撻定，因為估價都跌左，之後就快到成交期，遇著武肺，租金又跌左，心諗之前09年間樓都升唔少，當俾租，租住先囉
其實我換樓時不知幾想買家撻，好和味
成日好羨慕d撻訂新聞
撻定再賣都係要市好先得，如果佢撻，我就撞正1-2月最難賣果時，同埋佢撻左，我都無信心有返呢個價
其實個市唔係你想得咁差
老實講，真係睇唔到有幾好，我12月睇嘅盤，3月低過估價賣左，上星期睇果幾盤，轉頭業主又話肯減，已經貼估價喎，如果市好，點解要減先？
就算買遲半年貴多10%，咁之後升市我最多係賺少呢10%咋喎
3個讚
急主走貨先會肯減得多
如果個盤自己心儀，未必有得減
個盤唔啱心水，減幾多都無用
因為我買樓會自己睇風水，其實有時候價錢啱風水未必啱
的確係多左業主減價求賣，雖未到有大跌嘅情況，但亦暫時見唔到大升嘅可能囉，買樓真係要睇定d，現時太多不穩定因素
另外我未睇到心儀放盤都係真嘅
搭單問：風水應配合男主人定女主人？
間屋風水好應該點都唔會住衰人
屋內風水：邊個搵錢多就邊個
因為我係FTM，我會讓個財位比我老公瞓，但佢唔知㗎
跟住有次佢話想同我調位瞓，我話好呀，你嗰個係財位，佢即刻無聲出
利申：無出去學過風水，自己摸索，但又真係ok 起碼一家人齊齊整整少病痛